იაჰია ჰაკი (არაბ.يحيى حقي ; დ.
7 იანვარი, 1905 – გ. 9 დეკემბერი, 1992) — ეგვიპტელი მწერალი. მან დაწყებითი განათლება ას–საიდა ზაინაბის რელიგიურ სასწავლებელში, ხოლო შემდეგ ალ–ვალიდა აბას ფაშა პირველის სკოლაში მიიღო. სწავლა 1925 წელს დაასრულა და მალე ას-საიდის გუბერნიაში გადასახლდა, სადაც მანფალუტის ცენტრის ცენტრის აღმასრულებელი დირექტორის მოადგილედ მუშაობა დაიწყო. ადმინისტრაციული თანამდებობა, რომელიც თავიდან მწერალს ერთფეროვნად და მოსაწყენად ეჩვენებოდა, შემდგომში მისი სამწერლო მოღვაწეობის ერთ–ერთ საყრდენად იქცა, რადგან რეგიონში ცხოვრებამ იაჰია ჰაკის საშუალება მისცა უფრო ახლოს გაცნობოდა ეგვიპტელი გლეხების ცხოვრებას და იქაური შთაბეჭდილებები, განცდები თუ ნააზრევი თავის შემოქმედებაში გამოეყენებია.
იაჰია ჰაკი | |
---|---|
არაბ. يحيى حقي | |
დაბადების თარიღი | 7 იანვარი, 1905[1] [2] |
დაბადების ადგილი | კაირო |
გარდაცვალების თარიღი | 9 დეკემბერი, 1992[1] [2] (87 წლის) |
გარდაცვალების ადგილი | კაირო |
საქმიანობა | მწერალი, რომანისტი და ნოველისტი |
მოქალაქეობა | ეგვიპტე |
ალმა-მატერი | კაიროს უნივერსიტეტი |
რამდენიმე წლის შემდეგ ჰაკი დიპლომატიურ ასპარეზზე იწყებს მოღვაწეობას და 1953 წელს ლიბიაში ეგვიპტის ელჩად ინიშნება. დიპლომატის ცხოვრებამ მას ევროპულ კულტურასთან ზიარების საშუალება მისცა და აითვისა მისი მიღწევები ხელოვნების, ლიტერატურის, მხატვრობისა თუ მუსიკის სფეროში.
ლიტერატურისმცოდნეთა შეფასებით, ჰაკის შემოქმედება დასავლურ–აღმოსავლური სალიტერატურო ტრადიციების სინთეზს წარმოადგენს. ის ახალი ტიპის არაბული ნოველისტიკის ერთ–ერთ ფუძემდებლად მიიჩნევა.
ნინო კვირიკაშვილი, მთარგმნელისაგან, „ჩვენი მწერლობა“, № 8, 2006 წ. გვ. 60
This article uses material from the Wikipedia ქართული article იაჰია ჰაკი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.