ბეირა
ბეირა (პორტ.
სოფალის პროვინციის ადმინისტრაციული ცენტრი. მოსახლეობა — 436 240 ადამიანი (2007 წლის აღწერის მონაცემები). ბეირის პორტი მოზამბიკში მესამეა ტვირთბრუნვის სიდიდით, მაპუტუსა და ნაკალას პორტების შემდეგ. არსებობს აეროპორტი. ბეირიდან აფრიკის კონტინენტის სიღრმეში გადის სარკინიგზო ხაზი ჰარარემდე.
| ქალაქი | |
|---|---|
| ბეირა პორტ. Beira | |
 ბეირას ცენტრალური ნაწილი | |
| ქვეყანა |  მოზამბიკი |
| დაქვემდებარება | ქალაქი |
| პროვინცია | სოფალის პროვინცია |
| კოორდინატები | 19°50′00″ ს. გ. 34°51′00″ ა. გ. / 19.83333° ს. გ. 34.85000° ა. გ. |
| დაარსდა | 1887 |
| ფართობი | 633 კმ² |
| ცენტრის სიმაღლე | 14 მ |
| მოსახლეობა | 436 240 კაცი (2007) |
| სიმჭიდროვე | 689,16 კაცი/კმ² |
| სასაათო სარტყელი | UTC+1, ზაფხულში UTC+2 |
| საფოსტო ინდექსი | 2100 |
| ოფიციალური საიტი | http://municipiobeira.gov.mz/ |
  | |
გეოგრაფია და კლიმატი
ბეირა მდებარეობს მოზამბიკის ცენტრალურ ნაწილში, მოზამბიკის სრუტეში, ინდოეთის ოკეანის სანაპიროზე. ქალაქი ააგეს მდინარე პუნგვეს დელტის დამშრალი ჭაობების ადგილას. კლიმატი აქ არის ცხელი და მშრალი, განსაკუთრებით ზაფხულის პერიოდში, ოქრომბრიდან თებერვლის ჩათვლით. არსებობს მალარიის საშიშროება.
ისტორია და ეკონომიკა
1887 წელს ბეირას ადგილას ააგეს პორტუგალიური ფორტი, რომლის გარშემოც წარმოიქმნა დასახლება. 1891 წელს აქ მდებარეობდა პორტუგალიური მოზამბიკური კომპანიის შტაბ-ბინა. მხოლოდ 1942 წელს გადაეცა ბეირა პორტუგალიურ კოლონიალურ ადმინისტრაციას მმართველობის ქვეშ. 1975 წელს მოზამბიკის მიერ დამოუკიდებლობის მოპოვების შემდეგ, ქალაქის მიდამოებში მიმდინარეობდა სასტიკი და ხანგრძლივი ბრძოლები სამთავრობო ძალებსა და რენამოს ოპოზიციურ მოძრაობას შორის, რომელსაც ბეირასა და ოფალის პროვინციაში მნიშვნელოვანი მხარდაჭერა ჰქონდა. ამ წლებში — მოზამბიკში საბჭოური გავლენის წლებში — ბეირაში, როგორც ქალაქში, ასევე პორტში, საბჭოთა სპეციალისტების მიერ მიმდინარეობდა მნიშვნელოვანი მშენებლობები.
ქალაქის ეკონომიკის საფუძველს წარმოადგენდა პორტის მომსახურება და ვაჭრობა. ბეირის საპორტე ნაგებობები აკმაყოფილებდა არა მხოლოდ სოფალისა და მოზამბიკის ახლო უბნების მოთხოვნილებების, არამედ მათი გავლით ხდებოდა ძირითადი შიგასავაჭრო ბრუნვა ზამბიაში, ზიმბაბვესა და მალავიში. ქალაქში ასევე არის ნავთობგადამამუშავებელი და კვების მრეწველობის წარმოებები.
ბეირის ღირსშესანიშნაობას წარმოადგენს კათოლიკური ეკლესია, რომელიც პორტუგალიელებმა ააგეს XX საუკუნის დასაწყისში. ეს არის ევროპელების მიერ აფრიკის კონტინენტზე აგებული ერთ-ერთი ყველაზე გრანდიოზული შენობა. ტაძარი აგებულია ყოფილი პორტუგალიური სიმაგრის, სან-გაეტანოს ქვებისგან, რომელიც XVI საუკუნეშია აგებული.
ბეირაში ასევე მუშაობს კათოლიკური უნივერსიტეტი, რომელიც დააარსეს 1996 წელს.
მოსახლეობა
ქალაქის მოსახლეობის რაოდენობა 2007 წლის აღწერის მონაცემებით შეადგენს 436 240 ადამიანს.
| წელი | მოსახლეობა |
|---|---|
| 1970 | 113 770 |
| 1980 | 230 744 |
| 1997 | 412 588 |
| 2007 | 436 240 |
ცნობილი მაცხოვრებლები
- მია კოუტუ — მოზამბიკელი მწერალი
- ტაშა დი ვაშკონსელუში — მოზამბიკელ-კანადელი ფოტომოდელი და მსახიობი
- ჟოზე ედუარდუ დუშ სანტუში — პორტუგალიელი მწერალი.
დაძმობილებული ქალაქები
.svg)
.svg)
იხილეთ აგრეთვე
სქოლიო
This article uses material from the Wikipedia ქართული article ბეირა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.