ამფითეატრი
ამფითეატრი — ღია არენა, რომელიც გამოიყენება სხვადასხვა სახის კულტურული სანახაობის გასამართად.
მეტად გავრცელებული იყო ძველ საბერძნეთში, საიდანაც შემდგომში რომში გავრცელდა. დასახელება ამფითეატრონ (ἀμφιθέατρον) ძველ ბერძნულში ორი სიტყვის შეერთებით შეიქმნა: ამფი (ἀμφί), რაც ითარგმნება, როგორც ირგვლივ, ყველა მხარეს და თეატრონ (θέατρον), ადგილი სანახაობისთვის.
ძველ ბერძნული ამფითეატრები ძირითადად წრიული ან ნახევარწრიული უსახურავო ნაგებობებია თანდათანობით ამაღლებული ადგილებით, სადაც იმართებოდა სხვადასხვა სანახაობა. მიუხედავად იმისა, რომ შენობა ღიაა, მისი დიზაინი ისეა შექმნილი, რომ მშვენიერი აკუსტიკით გამოირჩევა და მსახიობთა ხმა ბოლო რიგებშიც მსვენივრად აღწევს.
ძველ ბერძნულ ამფითეატრებში დანიშნულების მიხედვით სხვადასხვა ადგილები გამოიყოფა:
- თეატრონი — მაყურებელთათვის განკუთვნილი ადგილი, აქედან წარმოიშვა სიტყვა თეატრი.
- ორქესტრა — მუსიკოსთათვის განკუთვნილი ადგილი, აქედან წარმოიშვა სიტყვა ორკესტრი.
- სკენე — კულისები. დანიშნულების მიუხედავად აქედან წარმოიშვა სიტყვა სცენა.
- პროსკენიონი — სცენა.
რესურსები ინტერნეტში
This article uses material from the Wikipedia ქართული article ამფითეატრი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.