აბოტაბადი
აბოტაბადი (ურდუ, ჰინდკო.
ایبٹ آباد) — ქალაქი ხაიბერ-პახტუნხვას პროვინციის ჰაზარის რეგიონში, ჩრდილო-აღმოსავლეთ პაკისტანში. მდებარეობს ორაშის ველზე, დედაქალაქ ისლამაბადიდან 110 კმ-ით და ქ. რავალპინდიდან 130-ით ჩრდილოეთით, ქალაქ ფეშავარიდან 150 კმ-ით ჩრდილო-აღმოსავლეთით, ზღვის დონიდან 1,260 მ. სიმაღლეზე. იგი აბოტაბადის რაიონის დედაქალაქია. ქალაქის აღმოსავლეთით მდებარეობს პაკისტანის ავტონომიური ერთეული — აზად ქაშმირი (ლიტ. „თავისუფალი ქაშმირი“). მთელს პაკისტანში აბოტაბადი კარგადაა ცნობილი მისი სასიამოვნო კლიმატის, მაღალი დონის საგანმანათლებლო ინსტიტუტებისა და სამხედრო დაწესებულებების გამო. ქალაქში შემონახულია პოპულარული სამთო სადგური (hill station), რომელიც ყოველ წელს ათასობით ტურისტს იზიდავს.
| ქალაქი | |
|---|---|
| აბოტაბადი ურდუ ایبٹ آباد | |
 ქუჩა აბოტაბადის ძველ ქალაქში | |
| ქვეყანა |  პაკისტანი |
| პროვინცია | ხაიბერ-პახტუნხვა |
| რაიონი | აბოტაბადის რაიონი |
| კოორდინატები | 34°09′21″ ჩ. გ. 73°13′10″ ა. გ. / 34.15583° ჩ. გ. 73.21944° ა. გ. |
| ნაზიმი (მერი) | ნაიბ ნაზიმი |
| დაარსდა | 1863 |
| ცენტრის სიმაღლე | 1,256 მ |
| მოსახლეობა | 1,430,238 კაცი (2012) |
| სასაათო სარტყელი | UTC+5 |
| სატელეფონო კოდი | 0992 |
| ოფიციალური საიტი | abottabad.gov.pk |
  | |
ენა
1998 წლის აღწერის მიხედვით, აბოტაბადის რაიონის მკვიდრი 881,000 ადამიანიდან, ჰინდკო-ზე ლაპარაკობდა 45.26%, პუშტუ-ზე 44.74% ხოლო ურდუ-ზე 9.05%. მოსახლეობის უმრავლესობას ურდუ ესმის და გამართულად საუბრობენ, როგორც ოფიციალურ ენას, ურდუს ისინი ძირითადად ვაჭრობისას, საქმიან შეხვედრებზე და ფორმალურ საქმიანობაში იყენებენ. ინგლისური ფართოდ გამოიყენება ბიზნესსა და განათლებაში.
კლიმატი
| წლიური ამინდი — აბოტაბადი, პაკისტანი | |||||||||||||
|---|---|---|---|---|---|---|---|---|---|---|---|---|---|
| თვე | იან | თებ | მარ | აპრ | მაი | ივნ | ივლ | აგვ | სექ | ოქტ | ნოე | დეკ | |
| საშუალო მაღალი °F | 54 | 57 | 64 | 73 | 82 | 91 | 86 | 82 | 82 | 77 | 68 | 59 | |
| საშუალო დღიური °F | |||||||||||||
| საშუალო დაბალი °F | 36 | 39 | 46 | 54 | 61 | 68 | 68 | 64 | 63 | 55 | 46 | 39 | |
| ნალექი დუიმი | 2.9 | 4.1 | 4.8 | 4.1 | 2.9 | 3 | 9.7 | 9.6 | 3.8 | 2 | 1.2 | 1.9 | |
| საშუალო მაღალი °C | 12 | 14 | 18 | 23 | 28 | 33 | 30 | 28 | 28 | 25 | 20 | 15 | |
| საშუალო დღიური °C | |||||||||||||
| საშუალო დაბალი °C | 2 | 4 | 8 | 12 | 16 | 20 | 20 | 18 | 17 | 13 | 8 | 4 | |
| ნალექი მმ | 73 | 103 | 123 | 104 | 73 | 77 | 247 | 244 | 96 | 51 | 31 | 47 | |
| წყარო: Weatherbase აგვისტო 2010 | |||||||||||||
რესურსები ინტერნეტში
- ოფიციალური საიტი
Abbottabad, ტურისტული მეგზური ვიკივოიაჟზე
სქოლიო
This article uses material from the Wikipedia ქართული article აბოტაბადი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.