იორდანია აბდულა I
აბდ ალ-ლაჰ იბნ ჰუსაინი, აბდულა I იბნ ჰუსეინი (არაბ.
1882, მექა — გ. 20 ივლისი, 1951, იერუსალიმი) — იორდანიის პირველი მეფე (1946–1951) და იორდანიის სამეფო დინასტია ჰაშიმიტების დამაარსებელი. მექის შერიფის — ჰუსაინის ძე.
| აბდულა I იბნ ჰუსეინი | |
|---|---|
| عبد الله الأول بن الحسين | |
 | |
| იორდანიის პირველი მეფე | |
| მმართ. დასაწყისი: | 25 მაისი, 1946 |
| მმართ. დასასრული: | 20 ივლისი, 1951 |
| წინამორბედი: | თანამდებობა დაარსდა |
| მემკვიდრე: | თალალ იბნ აბდულა |
| პირადი ცხოვრება | |
| დაბ. თარიღი: | 1882 |
| დაბ. ადგილი: | მექა, ჰიჯაზი |
| გარდ. თარიღი: | 20 ივლისი, 1951 |
| გარდ. ადგილი: | იერუსალიმი, ისრაელი |
| შვილები: | თალალ იბნ აბდულა |
| დინასტია: | ჰაშიმიტები |
| მამა: | ჰუსეინ იბნ ალი |
| რელიგია: | ისლამი |
ბიოგრაფია
დაიბადა 1882 წელს მექაში. 1896 წელს სასწავლებლად გააგზავნეს ოსმალეთის სულთნის კარზე. 1909-1916 წლებში იყო ოსმალეთის პარლამენტის დეპუტატი და ვიცე-სპიკერი. 1916-1918 წლებში მეთაურობდა არაბთა ჯარის ნაწილებს, რომლებიც გარს შემოერტყნენ ჰიჯაზის თურქულ გარნიზონებს. 1920 წელს გამოაცხადეს ერაყის მეფედ, მაგრამ ერთი წლის შემდეგ გადადგა თავისი ძმის ფეისალ I-ის სასარგებლოდ. 1921-1946 წლებში, ინგლისელთა ხელშეწყობით გახდა ტრანსიორდანიის ამირა, 1946 წლის 25 მაისიდან — ტრანსიორდანიის (1950 წლიდან იორდანიის) მეფე. ცდილობდა ინგლისელთა კონტროლისათვის დაექვემდებარებინა არაბულ სახელმწიფოთა ლიგა. 1951 წლის 20 ივლისს პალესტინის ტერორისტული ორგანიზაციის წარმომადგენელმა ალ-აქსას მეჩეთის ზღურბლზე დაცხრილა.
ლიტერატურა
- ქართული საბჭოთა ენციკლოპედია, ტ. 1, თბ., 1975. — გვ. 22.
რესურსები ინტერნეტში
This article uses material from the Wikipedia ქართული article აბდულა I (იორდანია), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.