ꦏꦸꦕꦶꦁ
꧋ꦏꦸꦕꦶꦁ(ꦥ꦳ꦼꦭꦶꦱ꧀ꦕꦠꦸꦱ꧀)꧈ꦆꦁꦏꦁꦄꦱꦿꦶꦁꦣꦶꦥꦸꦤ꧀ꦱꦺꦧꦠ꧀ꦩꦶꦤꦁꦏꦏꦸꦕꦶꦁꦏꦩ꧀ꦥꦸꦁ꧈ꦥꦸꦤꦶꦏꦱꦠꦸꦁꦒꦭꦶꦁꦱ꧀ꦥꦺꦱꦶꦪꦺꦱ꧀ꦆꦁꦏꦁꦣꦶꦥꦸꦚ꧀ꦗꦶꦤꦏꦏꦺꦤ꧀ꦮꦺꦴꦤ꧀ꦠꦺꦤ꧀ꦆꦁꦏꦸꦭꦮꦂꦒꦥ꦳ꦺꦭꦶꦣꦌ꧉ꦏꦼꦩꦗꦺꦔꦤ꧀ꦆꦁꦧꦧꦒꦤ꧀ꦄꦂꦏꦺꦪꦺꦴꦭꦺꦴꦒꦶꦭꦤ꧀ꦒꦺꦤꦺꦠꦶꦏꦱꦩ꧀ꦥꦸꦤ꧀ꦤꦸꦣꦸꦲꦏꦺꦤ꧀ꦧꦶꦭꦶꦃꦗꦶꦤꦏꦶꦥꦸꦤ꧀ꦏꦸꦕꦶꦁꦥꦸꦤꦶꦏꦏꦼꦣꦝꦺꦴꦱꦤ꧀ꦮꦺꦴꦤ꧀ꦠꦺꦤ꧀ꦆꦁꦮꦺꦠꦤ꧀ꦠꦺꦔꦃꦏꦶꦫꦏꦶꦫꦠꦻꦴꦤ꧀꧇꧗꧕꧐꧐꧇ꦱꦩ꧉ꦏꦸꦕꦶꦁꦄꦱꦿꦶꦁꦣꦶꦥꦸꦤ꧀ꦠꦩ꧀ꦥꦶꦣꦝꦺꦴꦱ꧀ꦱꦠꦸꦁꦒꦭꦶꦁꦥꦶꦪꦩ꧀ꦧꦏ꧀ꦆꦁꦏꦁꦚꦼꦤꦼꦔꦏꦺꦤ꧀ꦭꦤ꧀ꦆꦁꦒꦶꦃꦥꦸꦤꦶꦏꦒꦣꦃꦏꦼꦩꦩ꧀ꦥꦸꦮꦤ꧀ꦆꦁꦏꦁꦱꦌꦏꦁꦒꦺꦤꦸꦩ꧀ꦥꦺꦱ꧀ꦲꦩ꧉ꦄꦩꦂꦒꦶꦒꦣꦃꦏꦸꦏꦸꦤꦶꦁꦆꦁꦏꦁꦱꦒꦺꦣ꧀ꦚꦶꦩ꧀ꦥꦺꦤ꧀ꦏꦸꦕꦶꦁꦥꦸꦤꦶꦏꦕꦺꦴꦕꦺꦴꦒ꧀ꦏꦁꦒꦺꦤꦸꦩ꧀ꦥꦺꦱ꧀ꦩꦁꦱꦤ꧀ꦄꦭꦶꦠ꧀ꦏꦣꦺꦴꦱ꧀ꦠꦠꦶꦏꦸꦱ꧀ꦭꦤ꧀ꦧꦧꦶ꧉ꦏꦸꦕꦶꦁꦒꦣꦃꦧꦣꦤ꧀ꦆꦁꦏꦁꦊꦤ꧀ꦠꦸꦂ꧈ꦫꦺꦥ꦳꧀ꦭꦺꦏ꧀ꦱ꧀ꦆꦁꦏꦁꦕꦼꦥꦼꦠ꧀ꦠꦫꦶꦁꦆꦁꦏꦁꦭꦤ꧀ꦝꦺꦥ꧀ꦭꦤ꧀ꦥꦤꦶꦔꦭ꧀ꦮꦼꦔꦶꦭꦤ꧀ꦥꦔꦿꦸꦔꦺꦴꦤꦶꦥꦸꦤ꧀ꦱꦩ꧀ꦥꦸꦤ꧀ꦝꦶꦥꦸꦤ꧀ꦠꦺꦩꦸꦏꦤ꧀ꦛꦶꦱꦌ꧉ꦏꦸꦕꦶꦁꦥꦸꦤꦶꦏꦱꦠꦸꦁꦒꦭꦶꦁꦱ꧀ꦥꦺꦱꦶꦪꦺꦱ꧀ꦱꦺꦴꦱꦶꦪꦭ꧀꧈ꦤꦔꦶꦁꦣꦝꦺꦴꦱ꧀ꦥꦼꦩ꧀ꦧꦸꦫꦸꦆꦁꦏꦁꦚꦺꦴꦫꦺꦴꦁꦭꦤ꧀ꦝꦣꦺꦴꦱ꧀ꦥꦼꦩ꧀ꦧꦸꦫꦸꦕꦿꦺꦥꦸꦱ꧀ꦕꦸꦭꦂ꧉ꦏꦺꦴꦩꦸꦤꦶꦏꦱꦶꦏꦸꦕꦶꦁꦏꦭꦺꦧꦺꦠ꧀ꦮ꦳ꦺꦴꦏꦭꦶꦱꦱꦶꦏꦣꦺꦴꦱ꧀ꦝꦼꦤꦼꦔꦺꦴꦔꦺꦴꦁ꧈ꦩꦼꦤ꧀ꦝꦼꦭ꧀ꦠꦿꦶꦭ꧀ꦭꦶꦁ꧈ꦔꦶꦱꦶꦱ꧀ꦔ꧀ꦒꦿꦼꦁꦒꦼꦁ꧈ꦭꦤ꧀ꦔ꧀ꦒꦸꦩꦸꦤ꧀ꦈꦒꦶꦏꦭꦺꦧꦺꦠ꧀ꦧꦱꦄꦮꦏ꧀ꦏꦸꦕꦶꦁ꧉ꦏꦸꦕꦶꦁꦱꦒꦺꦣ꧀ꦏꦿꦸꦔꦸꦱ꧀ꦮꦤ꧀ꦠꦺꦤ꧀ꦆꦁꦏꦁꦄꦭꦶꦠ꧀ꦈꦠꦮꦶꦣꦸꦮꦸꦂꦆꦁꦥ꦳ꦿꦺꦏꦸꦮꦺꦤ꧀ꦱꦶꦏꦁꦒꦺꦏꦸꦥꦶꦁꦩꦤꦸꦁꦱ꧈ꦏꦣꦺꦴꦱ꧀ꦠꦱ꧀ꦮꦤ꧀ꦠꦺꦤ꧀ꦆꦁꦏꦁꦣꦶꦥꦸꦤ꧀ꦲꦱꦶꦭꦏꦺꦤ꧀ꦝꦺꦤꦶꦁꦱꦠ꧀ꦮꦄꦭꦶꦠ꧀꧈ꦈꦒꦶꦏꦸꦕꦶꦁꦔꦱꦶꦭꦏꦺꦤ꧀ꦭꦤ꧀ꦔꦿꦎꦱꦏꦺꦥ꧀ꦲꦺꦫꦺꦴꦩꦺꦴꦤꦺ꧉
|
ꦆꦁꦄꦒꦩꦶꦆꦱ꧀ꦭꦩ꧀
.jpg)
꧋ꦆꦁꦠꦿꦣꦶꦱꦶꦆꦱ꧀ꦭꦩ꧀ꦏꦸꦕꦶꦁꦣꦶꦥꦸꦤ꧀ꦥꦸꦗꦶꦄꦩꦂꦒꦶꦏꦼꦧꦼꦂꦱꦶꦲꦤꦺ꧉ꦏꦸꦕꦶꦁꦣꦶꦪꦁꦒꦺꦥ꧀ꦉꦱꦶꦏ꧀ꦱꦌꦁꦒꦣꦶꦥꦸꦤꦶꦣꦶꦤꦏꦺꦤ꧀ꦩ꧀ꦭꦼꦧꦼꦠ꧀ꦎꦩꦃꦭꦤ꧀ꦈꦒꦶꦩꦱ꧀ꦗꦶꦣ꧀꧈ꦏꦭꦺꦧꦺꦠ꧀ꦩꦱ꧀ꦗꦶꦣꦶꦭ꧀ꦲꦫꦩ꧀꧉ꦥꦔꦤꦤ꧀ꦏꦁꦱꦩ꧀ꦥꦸꦤ꧀ꦝꦶꦕꦶꦕꦶꦥꦶꦣꦼꦤꦶꦁꦏꦸꦕꦶꦁꦣꦶꦪꦁꦒꦺꦥ꧀ꦲꦭꦭ꧀꧈ꦆꦁꦄꦂꦠꦶꦏꦺꦴꦤ꧀ꦱꦸꦩ꧀ꦱꦶꦥꦔꦤꦤ꧀ꦏꦱꦺꦧꦸꦠ꧀ꦝꦺꦤꦶꦁꦏꦸꦕꦶꦁꦧꦺꦴꦠꦺꦤ꧀ꦔ꧀ꦒꦮꦺꦥꦔꦤꦤ꧀ꦮꦻꦴꦣꦝꦶꦲꦫꦩ꧀ꦏꦁꦒꦺꦈꦩꦠ꧀ꦆꦱ꧀ꦭꦩ꧀ꦭꦤ꧀ꦧꦚꦸꦏꦁꦱꦩ꧀ꦥꦸꦤ꧀ꦝꦶꦥꦸꦤꦶꦤꦸꦩ꧀ꦝꦺꦤꦶꦁꦏꦸꦕꦶꦁꦣꦶꦪꦶꦣꦶꦤꦏꦺꦤ꧀ꦏꦁꦒꦺꦮꦸꦣꦸ(ꦫꦶꦠꦸꦮꦭ꧀ꦮꦸꦣꦸꦏꦁꦣꦶꦥꦸꦤ꧀ꦭꦏꦺꦴꦤꦶꦣꦺꦤꦶꦁꦈꦩꦠ꧀ꦆꦱ꧀ꦭꦩ꧀)꧉ꦱꦭꦗꦺꦔꦶꦥꦸꦤ꧀ꦮꦺꦴꦤ꧀ꦠꦺꦤ꧀ꦏꦥꦺꦂꦕꦪꦤ꧀ꦆꦁꦏꦭꦔꦤ꧀ꦱꦮꦺꦠꦮꦶꦱ꧀ꦈꦩꦠ꧀ꦆꦱ꧀ꦭꦩ꧀ꦩꦼꦤꦮꦶꦏꦸꦕꦶꦁꦒꦣꦃꦏꦥꦿꦶꦒꦺꦭꦤ꧀ꦩꦶꦭꦫꦠꦶꦪꦁꦏꦁꦱꦸꦗꦸꦣ꧀꧉
꧋ꦏꦛꦃꦠꦶꦪꦁꦩꦸꦱ꧀ꦭꦶꦩ꧀ꦆꦁꦏꦁꦥꦼꦂꦕꦪꦧꦶꦭꦶꦃꦩꦸꦮꦺꦗ꦳꧀ꦗ꦳ (ꦈꦠꦮꦶ Muʿizza; Arab: معزة)ꦩꦼꦤꦶꦏꦏꦸꦕꦶꦁꦆꦁꦏꦁꦥꦭꦶꦁꦣꦶꦥꦸꦤ꧀ꦠꦿꦼꦱ꧀ꦤꦤꦶꦣꦼꦤꦶꦁꦩꦸꦲꦩ꧀ꦩꦣ꧀꧈ ꦩꦸꦲꦩ꧀ꦩꦣ꧀ꦱꦮꦺꦒ꧀ꦠꦔꦶꦆꦁꦱꦠꦸꦁꦒꦭ꧀ꦝꦶꦤ꧀ꦠꦺꦤ꧀ꦄꦩꦂꦒꦶꦱ꧀ꦮꦫꦤꦶꦁꦄꦣ꧀ꦗ꦳ꦤ꧀꧉ꦤꦭꦶꦏꦧꦣꦺꦄꦁꦒꦠꦺꦴꦱꦏꦺꦤ꧀ꦥꦏꦺꦪꦤ꧀ꦱꦼꦩ꧀ꦧꦲꦾꦁ꧈ꦥꦶꦪꦩ꧀ꦧꦏꦶꦥꦸꦤ꧀ꦄꦼꦁꦒꦭ꧀ꦱꦸꦩꦺꦫꦺꦥ꧀ꦧꦶꦭꦶꦃꦩꦸꦮꦺꦗ꦳꧀ꦗ꦳ꦠꦤ꧀ꦱꦃꦊꦉꦤ꧀ꦆꦁꦄꦱ꧀ꦠꦧꦸꦱꦤꦱꦼꦩ꧀ꦧꦲꦾꦔꦶꦥꦸꦤ꧀꧈ꦱꦗꦏ꧀ꦩ꧀ꦧꦺꦴꦠꦺꦤ꧀ꦧꦣꦺꦔ꧀ꦒꦸꦒꦃ꧈ꦥꦶꦪꦩ꧀ꦧꦏꦶꦥꦸꦤ꧀ꦩꦶꦭꦶꦃꦔ꧀ꦒꦸꦤ꧀ꦠꦶꦁꦄꦱ꧀ꦠꦤꦶꦥꦸꦤ꧀ꦔꦤ꧀ꦠꦺꦥꦏꦺꦤ꧀ꦏꦸꦕꦶꦁꦩꦼꦤꦶꦏꦠꦼꦠꦼꦥ꧀ꦊꦉꦤ꧀꧈ꦭꦗꦺꦁꦥꦶꦪꦩ꧀ꦧꦏꦶꦥꦸꦤ꧀ꦩꦺꦱꦼꦩ꧀ꦭꦤ꧀ꦏꦤ꧀ꦛꦶꦄꦭꦸꦱ꧀ꦚꦮꦶꦗꦶꦏꦸꦕꦶꦁꦩꦼꦤꦶꦏꦏꦥꦶꦁꦠꦼꦭꦸ꧈ꦥꦫꦶꦁꦏꦧꦶꦱꦤ꧀ꦩꦫꦁꦱꦼꦣꦪꦏꦸꦕꦶꦁꦱꦸꦥꦣꦺꦴꦱ꧀ꦠꦤ꧀ꦱꦃꦠꦶꦤ꧀ꦝꦏ꧀ꦏꦤ꧀ꦛꦶꦕꦼꦏꦥ꧀꧈ꦩ꧀ꦧꦺꦴꦠꦺꦤ꧀ꦮꦺꦴꦤ꧀ꦠꦺꦤ꧀ꦱꦺꦧꦠꦤ꧀ꦏ꦳ꦸꦱꦸꦱ꧀ꦧꦧꦒꦤ꧀ꦏꦸꦕꦶꦁꦩꦼꦤꦶꦏꦈꦠꦮꦶꦕꦫꦶꦠꦆꦁꦏꦁꦒꦼꦒꦪꦸꦠꦤ꧀ꦮꦺꦴꦤ꧀ꦠꦺꦤ꧀ꦆꦁꦲꦣꦶꦛ꧀ꦈꦠꦮꦶꦏꦶꦠꦧ꧀ꦏꦶꦠꦧ꧀ꦥꦼꦊꦁꦏꦥ꧀ꦭꦤ꧀ꦮꦺꦴꦤ꧀ꦠꦺꦤ꧀ꦕꦫꦶꦠꦕꦫꦶꦠꦱꦤꦺꦱꦶꦥꦸꦤ꧀ꦆꦁꦏꦁꦣꦶꦥꦸꦤ꧀ꦱꦺꦧꦠꦏꦺꦤ꧀ꦝꦠꦺꦁꦠꦶꦪꦁꦱꦤꦺꦱ꧀ꦱꦏꦶꦁꦄꦧꦣ꧀ꦏꦥꦶꦁ꧇꧖꧇ꦆꦁꦄꦫꦧꦶꦪꦆꦁꦏꦁꦩ꧀ꦧꦺꦴꦏ꧀ꦩꦺꦤꦮꦶꦣꦝꦺꦴꦱ꧀ꦄꦱꦭ꧀ꦈꦱꦸꦭꦶꦥꦸꦤ꧀ꦕꦫꦶꦠꦩꦼꦤꦶꦏ꧉
ꦒ꧀ꦭꦢꦿꦶ
-
ꦩꦠꦏꦸꦕꦶꦁꦏꦁꦏꦺꦤꦺꦁꦏꦼꦕ꧀ꦭꦥꦶꦁꦭꦩ꧀ꦥꦸ
ꦱꦶꦠꦶꦫꦤ꧀
This article uses material from the Wikipedia Basa Jawa article ꦏꦸꦕꦶꦁ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.