Vincent Van Gogh
Vincent Willem van Gogh (pocapan Walanda: (pitulung·info)) (30 Maret 1853 – 29 Juli 1890) punika pelukis pasca-impresionis Walanda.
Lukisan-lukisan lan gambar-gambaripun kalebet karya kagunan ingkang saé piyambak, paling misuwur, lan paling awis ing donya. Van Gogh dipunanggep minangka satunggiling pelukis paling ageng ing sajarah kagunan Éropah.
| Vincent van Gogh | |
|---|---|
 Potrèt dhiri (1887) | |
| Bangsa | Nèderlan |
| Kondhang ing | Pelukis |
| Obahan | Pasca-Impresionisme |
Nalika taksih anèm Van Gogh nyambut damel ing satunggiling perusahaan panyadé karya kagunan, lan sasampunipun sapérangan wekdal nyambut damel dados guru, panjenenganipun makarya minangka misionaris ingkang nyambut damel ing wewengkon pertambangan ingkang miskin sanget. Panjenenganipun nembé dados seniman ing taun 1880. Wiwitanipun karya-karyanipun migunaaken warni-warni ingkang surem. Nembé nalika ing paris, panjenenganipun pinanggih kaliyan impresionisme lan neo-impresionisme ingkang warni-warninipun langkung cerah lan gaya lukisanipun dipunkembangaken dados satunggiling gaya ingkang unik lan gampil dipunkenali. Gaya lukisanipun punika dumugi ing tingkat pangembangan ingkang penuh nalika piyambakipun manggèn ing Arles, Prancis.
Ing mulabukanipun, panjanenganipun tumut marang tipikal pelukis ing zamanipun kanthi gaya impresionisme. Nanging kabotenpuasan marang pangekangan èksprèsi kagunan déning pakem impresionisme ndamel piyambakpipun pindhah ing gaya ekspresionisme.
Vincent Van Gogh dipundiagnosa nandhang lelara epilepsi inglang cekap parah. Diagnosa punika dipundamel déning kalih dhokter ingkang bènten ingkang nrawat panjenenganipun. Van Gogh ugi naté ngiris talinganipun piyambak.
Ing pungkasaning gesangipun, panjenenganipun rumaos bilih piyambakipun dados édan lan pungkasanipun nelasaken sisa gesangipun ing Griya Sakit Jiwa Saint Paul-de-Mausole ing Saint-Rémy-de-Provence, Prancis. Ing griya sakit punika panjenenganipun tetep nglukis.
Lukisan-lukisan karyanipun Van Gogh
- (1885) Tiyang-tiyang nedha kenthang
- (1888) Kamar tilem ing Arles
- (1888) Tèras kafé ing wanci ndalu
- (1888) Kebon anggur abrit
- (1888) Kafe ndalu
- (1889) Ndalu kanthi lintang
- (1889) Sekar-sekar Iris †
- (1889) Jambangan kanthi 12 sekar srengéngé
- (1889) Portrait de l'artiste sans barbe †
- (1890) Potret Dr. Gachet †
- (1890) Ladang gandum kanthi peksi gagak
- (1890) Wanita wong tani kanthi latar wuri gandum
† Arupi lukisan ingkang nggayuh rékor pangaos panyadéan paling inggil.
Pirsanana ugi
Pranala njawi
- Van Gogh Museum Amsterdam[pranala mati permanèn]
- The Complete Works of Vincent van Gogh
- (ing basa Polen) Art Gallery - Vincent van Gogh
- Famous Artists Gallery: Vincent van Gogh
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Vincent van Gogh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.