Tirto Adhi Soerjo

Dhèwèké uga dadi plopor persuratkabaran lan kewartawanan nasional Indonésia. Jenengé asring dicekak dadi T.A.S..

R. M. Tirto Adhi Soerjo
Lair	Raden Mas Djokomono c. 1880 Blora, Indhiya-Néderlan
Pati	7 Dhésèmber 1918 (yuswa 37–38) Batavia, Indhiya-Néderlan
Pakaryan	Juru warta
Taun aktif	1894–1912
Bojo	Raden Siti Suhaerah Siti Habibah Fatimah

Tirto asring wènèh panyaruwé bab papréntahan kolonialé Néderlan ing Indonésia. Sawisé dhèwèké namataké sekolah dhasaré, dhèwèké lunga menyang Batavia saperlu sekolah ana ing Hogere Burger School (HBS), banjur dhèwèké nerusaké sinau ana ing sekolah dhokter bumiputra, yaiku School tot Opleiding van Inlandsche Artshen (STOVIA), kang ana ing Batavia. Sanajan sinau ana ing sekolah dhokter, nanging dhèwèké seneng nulis. Dhèwèké wis tau ngirim tulisan-tulisané menyang sawenèh warta, ing antarané Bintang Betawi, Chabar Hindia Olanda, Pewarta Priangan, Bromartani, juga Pembrita Betawi. Ing pungkasan, dhèwèké ora namataké sekolah dhokteré amarga dhèwèké luwih milih kanggo makarya ana ing jagad tulis-tinulis.

Tirto lair saka kulawarga priyayi ing kutha Blora, Jawa Tengah, antarané taun 1872 and 1880. Dhèwèké saka cilik urip karo simbahé. Simbahé duwé hubungan kang ora apik karo pamaréntah Néderlan kang mréntah wektu iku, amarga simbah kakungé Tirto dipeksa kanggo mandheg saka jabatané minangka wali panguwasa déning sawijining wong kanthi dukungané pamaréntah Néderlan. Sanajang mangkono, Tirto bisa sekolah ing sekolah kanggoné bocah Éropa (Europeesche Lagere School) ing Bojonegoro, Rembang, and Madiun. Dhèwèké lulus ing taun 1894; ing taun iku dhèwèké uga wiwit nulis, lan kerja ing sawijining ariwarta abasa Melayu, Hindia Olanda. Ing kono dhèwèké ora nampa gaji, nanging dhèwèké diwènèhi ariwarta gratis yèn ana tulisané kang kasil dibabar ing kono.

• "Seabad Pers Jawa Barat" Archived 2014-03-07 at the Wayback Machine., Pikiran Rakyat, 8 Fèbruari 2006
• Koran Nasional Pertama Lahir di Bandung Archived 2006-11-04 at the Wayback Machine.