Adipati Tejakusuma I ya iku adipati ing Lasem wiwit taun 1585 M, ing pungkasan jaman Pajang setaun sadurunge Sultan Hadiwijaya surut.
Nalika iku, Lasem kasil teluk marang Pajang déné Santhi Wira kang nguwasani Lasem disingkirake. Anake nama Raden Teja Bagus Srimpet diwisudha dadi Adipati anyar kanthi nama Tejakusuma lan kanggo ngraketake sesambungan banjur didhaupake karo salah siji putri Hadiwijaya. Sawise dadi Adipati, Tejakusuma mindhah kadhaton saka Puri Kriyan menyang ing Soditan taun 1510 saka/1588M.
Runtuhe Pajang uga ngowahi kahanan tekan Lasem. Tahun 1612M Tumenggung Puspanegara ing Kriyan ngraman mbedhah kadhaton Lasem. Tejakusuma nyumingkir menyang Mataram nganti Sultan Agung kasil mbesmi Puspanegara lan taun 1616M Tejakusuma kondur kadhaton
Tejakusuma surut taun 1554 saka/1632M lan disarekake ing sakulone Masjid Agung Lasem, umur 77taun. Adipati Lasem diterusake putune aran Tejakusuma III
This article uses material from the Wikipedia Basa Jawa article Tejakusuma I, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.