Tegesé aksara Jawa iku kajupuk saka ajaran filsafat panggesangan Pakubuwana kaping IX adhedhasar aksara Jawa, punika kajlèntrèhaken kados makaten:
ha na ca ra ka
ateges ana utusan, yaiku utusan urip wujudé napas sing kajibah manunggalaké jiwa lan ragané manungsa, maksudé ana sing paring kapercayan, ana sing dipercaya, lan ana sing dipercaya kanggo makarya. Telung perkara iku yaiku, Gusti kang murbèng dumadi, manungsa kang jejibahané manungsa minangka titah.
da ta sa wa la
Ateges manungsa sawisé cinipta nganti tekan wanciné tinimbalan ora bisa nolak utawa endha apa déné semaya. Manungsa lan samubarangé kudu ndhèrèk sendika dhawuh nampa sarta nindakaké kersané Gusti Kang Murbèng Dumadi.
pa dha ja ya nya
Ateges manunggalé Dat kang paring werna abang-ijoné lombok, yaiku Sang Khaliq karo sing diparingi urip utawa makhluk. Karepé cocog nunggal batiné sing bisa disawang ing sajeroné salah, sing bisa disawang sajeroné solah bawané, adhedhasar kaluhuran lan kautaman. Jaya iku tegesé menang, unggul, sing sabener-beneré, ora mung menang-menangan utawa menang sing ora sportif.
ma ga ba tha nga
Kang ateges nampa sakabèhing dhedhawuhan sarta laranganing Gusti Kang Murbèng Kawasa, maksudé manungsa kudu pasrah sumarah marang garis sing diwajibaké senadyan ta manungsa diparingi wenang kanggo budidaya kanggo nanggulangi, wusananané kabèh mung ana panguwasané Gusti Kang Murbeng Dumadi.
This article uses material from the Wikipedia Basa Jawa article Tegesé Aksara Jawa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.