Ovarium

Ing makluk vertebrata kalebu manungsa, duwé ovarium loro kang fungsiné mrodhuksi sel endhog lan ngetokaké hormon. Sapérangan gedhé manuk mung duwé ovarium siji kang bisa berfungsi kanthi becik, lan ula duwé ovarium loro kang kasusun berbaris.

Ing sanjeroné saben ovarium dumadi perkembangan sel endhog (oogenesis). Ing prosès iki sel endhog bakal dikantheni sawijining golongan sel kang karan sel folikel. Ing manungsa, perkembangan oogenesis saka oogonium dadi oosit dumadi ing embrio sanjeroné kandhungan lan oosit ora bakal tumuwuh dadi ovum nganti diwiwiti mangsané pubertas. Ing mangsa pubertas, ovum kang wis mateng bakal diculaké saka sel folikel lan ditokaké saka ovarium. Prosès uculé saka ovarium karan ovulasi. Sel ovum siyap dibuahi déning sel spermatozoa saka priya, kang manawa kasil nggabung bakal mbentuk zigot.

 

Ovarium fungsiné ngetokaké hormon steroid lan peptida kaya estrogen lan progesteron. Loro hormon iki wigati ing prosès pubertas wanita lan ciri-ciri seks sekunder. Estrogen lan progesteron duwé peran ing persiapan dinding rahim kanggo implantasi endhog kang wis dibuahi. Saliyané iku uga duwé peran mènèhi sinyal tumrap klanjer hipotalamus lan pituitari suwéné ngatur siklus menstruasi.

Sawisé sel endhog diovulasiké, banjur bakal lumebu ing tuba fallopi lan gerak alon-alon nuju rahim. Yèn dibuahi déning spérma ing (tuba fallopi), sel endhog bakal melakukan implantasi ing dinding uterus lan brkembang dadi sawijining prosès meteng. Yèn pambuahan ora dumadi ing tuba fallopi, bisa dumadi kehamilan ektopik, ya iku kehamilan ora dumadi ing rahim. Perkembangan janin ing kehamilan ektopik, bisa dumadi ing tuba fallopi dhéwé, lambé rahim, bisa uga ing ovarium.

• Sindrom Turner
• Menopause
• Kanker ovarium
• Uterus
• Vagina