Kebon Raja Surabaya utawi ingkang biyasa dipunwastani Kebon Binatang Surabaya (KBS) punika satunggiling kebon raja ingkang manggèn wonten ing Surabaya sisih Kidul.
Kebon Raja punika kalebet salah satunggaling kebon raja ingkang misuwur ing Indonésia. Kebon Raja punika manggèn wonten ing Jalan Setail No. 1 Surabaya. KBS gadhah kathah kéwan tropis. Kajawi punika ugi wonten Akuarium, karantina toxidemi saha ruang nokturama (kéwan saba ndalu). Kebon Raja Surabaya punika kebon Raja ingkang paling wiyar ing Asia Kidul-wétan. Wonten ing kebon raja punika dumunung kirang langkung 300 spésies satwa ingkang bènten-bènten, saha wonten kéwan ingkang cacahipun kirang langkung 4300. Ing kebon raja punika ugi wonten satwa langka Indonésia utawi satwa langka ing donya kados ta jinis Mamalia, Aves, Reptilia, Pisces.
Kebon Raja Surabaya punika kalebet panggènan wisata ingkang ngremenaken amargi panggènanipun ingkang wonten ing satengahing kitha Surabaya. Kebon Raja Surabaya miturut SK Gubernur Jéndral Walanda tanggal 31 Agustus 1916 No. 40, dipunwastani kanthi nama “Soerabaiasche Planten-en Dierentuin” (Kebun Botani lan Kéwan Surabaya). Kebon punika kawujud amargi jasanipun salah satunggaling jurnalis ingkang namanipun H.F.K. Kommer ingkang gadhah hobi ngoleksi kéwan. Nalika taun 1916 panggénan Kebon Binatang Surabaya ingkang sepisanan wonten ing Kaliondo. Salajengipun nalika tanggal 28 September 1917 pindhah wonten ing jalan Groedo. Nalika taun 1920 pindhah ing laladan Darmo kanggé areal kebon binatang ingkang énggal kanthi jasa OOST-JAVA STOOMTRAM MAATSCHAPPIJ utawi Maskapé Kereta Api ingkang ngusahaaken panggènan ingkang wiyaripun 30.500 m2.
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Kebon Raja Surabaya, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.