Karédhok: Panganan saka woh-wohan dibumboni bumbu kacang
Karédhok iku panganan khas laladan Jawa Kulon.
Panganan iki unik awit kabèh janganan kang digawé isih seger. Janganan kang digawé karédhok ora dimasak dhisik saéngga ngandhut gizi lan serat kang akèh. Kang mbédakaké karédhok karo lotèk yaiku karedhok janganané mentah yèn lotèk digodhog dhisik. Kang mbédakaké karédhok karo salad yaiku yèn karédhok diwuwuri sambel kacang déné salad nganggo saus mayonès. Karédhok kalebu panganan kang séhat awit ora ngandhut pengawét, ora kadalu warsa, lan ora ngandhut zat-zat kang marakaké kanker.
Sambel
Sambel karedhok digawé saka kacang brol kang diocéki lan digoréng. Bumbu-bumbu kanggo nggawé sambel yaiku lombok rawit, lombok abang kriting, asem, ketéla rambat kang digodhog. Bumbu-bumbu iki banjur diuleg ing cowèk lan dicampur bumbu kacang brol, yèn wis alus banjur diwènèhi banyu putih lan dicampur nganti rata.
Janganan
Janganan kang digawé karédhok yaiku kacang lanjaran kang isih enom, godhong kol, godhong ketéla pohung kang wis digodhog, timun, kecambah utawa taugé dikethok-kethok lan dicampur. Janganan iki banjur diwènèhi bumbu kacang. Karédhok uga biyasa diwènèhi tambahan krupuk. Karédhok uga bisa digawé saka bahan leunca. Karédhok kang digawé saka leunca diarani karedhok leunca.
Cathetan suku
This article uses material from the Wikipedia Basa Jawa article Karédhok, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.