Besaran utawi besar, uga diarani murbéi lan arbéi, kalebu tuwuhan kang bisa dimanfaataké woh lan godhongé.
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Nanging lumrahé godhongé luwih wigati tinimbang wohé. Godhong besaran lumrahé kanggo pakan uler sutera. Déné uler sutera iki kena kanggo indhustri tékstil. Uler sutera bisa ngasilaké benang kepompong kang bisa diolah dadi kain sutera kang larang regané. Woh besaran bisa diolah dadi sari woh kang nduwéni khasiat kanggo kaséhatan lan bisa duwé aji tambah kanggo wong tani besaran.
Saliyané dikenal dadi tuwuhan kang godhongé bisa kanggo pakan uler sutera kanggo indhustri tékstil, besaran uga kena dadi antioksidan kang bisa ngundhakaké kadar kolésterol HDL lan ngurangi kadar kolésterol LDL. Déné kolesterol LDL iki kang nyebabake lelara jantung koronér. Ing Indonésia woh besaran lumrahé dipangan nalika isih seger.
Salah sijiné cara kanggo ngolah woh besaran ya iku kanthi digawé sari woh besaran. Nalika di tés ing tikus, sari woh besaran bisa nurunaké kadar kolésterol LDL lan triglisérida serum darah lan ngundhakaké kadar HDL.
Besaran uga nduwéni khasiat kanggo nambani lelara talasemia. Talasemia ya iku lelara amarga sél darah merah ora bisa mbentuk sèl-sél kang wutuh, lumrahé sèl kang kena talasemia dhapuré kaya wulan sabit. Besaran kanggo obat talasemia lumrahé digawé tèh besaran lan madu royal jelly Jambi.
Besaran nduwéni jeneng latin Fragaria vesca. Tuwuhan iki dikenal mirib stroberi alpin utawa stroberi cilik. Besaran wernané abang utawa putih gumantung variétase.
Zat-zat kang ana ing besaran kang bisa migunani kanggo kaséhatan akèh cacahé.
Miturut Pratélan Komposisi Bahan Makanan (DKBM), saben 100 gram besaran ngandhut akèh nutrisi.
Besaran ngandhut akèh vitamin C lan zat-zat kang migunani kanggo kaséhatan, mulané besaran nduwéni akèh khasiat.
Kajaba iku besaran uga nduwéni khasiat kanggo kecantikan.
This article uses material from the Wikipedia Basa Jawa article Besaran, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.