Björn Th. Björnsson: íslenskur listfræðingur og rithöfundur (1922-2007)
Björn Th.
(Theodor) Björnsson (3. september 1922 — 25. ágúst 2007) var íslenskur listfræðingur og rithöfundur. Hann hefur skrifað bækur um íslenska listasögu og sögulegar skáldsögur.
Björn fæddist í Reykjavík, foreldrar hans voru Baldvin Björnsson gullsmiður og Martha Clara Björnsson, fædd Bemme, húsmóðir. Björn útskrifaðist frá Menntaskólanum í Reykjavík árið 1943 en þar gegndi hann embætti forseta Framtíðarinnar, nemendafélags MR, árið 1941. Því næst nam hann listasögu við Edinborgarháskóla 1943-44, var í háskóla í London 1944-46 og svo Kaupmannahafnarháskóla 1946-49.
Að námi loknu kenndi Björn við Myndlista- og handíðaskóla Íslands, Kennaraskólann og Háskóla Íslands. Hann starfaði að undirbúningi að stofnun Ríkissjónvarpsins á árunum 1958-1964 og að þáttagerð eftir stofnun þess. Hann ritstýrði tímaritinu Birtingi á tímabilinu 1958-1963. Virkisvetur, fyrsta skáldsaga Björns, hlaut fyrstu verðlaun í skáldsögusamkeppni Menntamálaráðs árið 1959.
Ritverk
Skáldsögur
- 1959 - Virkisvetur
- 1975 - Haustskip
- 1993 - Falsarinn
- 1997 - Hraunfólkið: Saga úr Bláskógum
- 1997 - Solka
- 1998 - Brotasaga
- 2000 - Byltingarbörn
- 2001 - Haustlauf
- 2004 - Glóið þið gullturnar
- 2007 - Jarlhettur: sagan um Þórurnar tvær á Þingvelli
Leikrit:
- 1991 - Ljón í síðbuxum, leikur í 12 atriðum með lokaþætti.
- 1992 - Dunganon leikrit í 12 atriðum með lokaþætti.
Annað:
- 1954 - Íslenzka teiknibókin í Árnasafni
- 1954 - Íslenzkt gullsmíði, afmælisrit: Skartgripaverzlun Jóns Sigmundssonar.
- 1955 - Brotasilfur
- 1956 - Myndhöggvarinn Ásmundur Sveinsson
- 1961 - Á Íslendingaslóðum í Kaupmannahöfn
- 1964 - Íslenzk myndlist á 19. og 20. öld, I
- 1969 - Reykjavík
- 1973 - Íslenzk myndlist á 19. og 20. öld, II
- 1973 - Aldateikn
- 1982 - Seld norðurljós, Björn Th. Björnsson ræðir við fjórtán fornvini Einars Benediktssonar.
- 1984 - Þingvellir - staðir og leiðir
- 1988 - Minningarmörk í Hólavallagarði
- 1996 - Úr plógfari Gefjunar: tólf Íslendingaþættir
| Fyrirrennari: Viggó Maack |
| Eftirmaður: Skúli Guðmundsson | |||
Tilvísanir
Tenglar
This article uses material from the Wikipedia Íslenska article Björn Th. Björnsson, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.