Ti Baku (Azerbaijani: Bakı, IPA: ) ket ti kapitolio ken kadakkelan a siudad ti Azerbaijan, ken ti pay kadakkelan a siudad idiay Baybay Kaspio ken ti rehion ti Kaukaso.
Ti Baku ket mabirukan iti 28 metro (92 ft) iti baba ti pantar ti baybay, isu a mangaramid daytoy iti kababaan a nailian a kapitolio iti lubong ken ti kadakkelan a siudad iti lubong a mabirukan iti baba ti pantar ti baybay. Daytoy ket mabirukan idiay akin-abagatan nga aplaya ti Peninsula Absheron, iti igid ti Luek ti Baku. Idi rugi ti 2009, ti urbano a populasion ti Baku ket nakarkulo iti sumurok a 2 a riwriw a tattao. Opisial nga agrup a 25 porsiento iti amin a mangtagtagitao ti pagilian ket agtataengda idiay metropolitano a lugar ti Baku.
Baku Bakı | |
---|---|
Parbo a nagan: Siudad dagiti Angin | |
Nagsasabtan: 40°23′43″N 49°52′56″E / 40.39528°N 49.88222°E 49°52′56″E / 40.39528°N 49.88222°E | |
Pagilian | Azerbaijan |
Gobierno | |
• Mayor | Hajibala Abutalybov |
Kalawa | |
• Siudad | 2,130 km2 (820 sq mi) |
Kangato | −28 m (−92 ft) |
Populasion (2015 (karkulo)) | |
• Siudad | 2,374,000 |
• Densidad | 996.38/km2 (2,580.6/sq mi) |
• Urbano | 2,795,000 |
• Metro | 4,308,740 |
Nagan dagiti umili | Bakuviano, Taga-Baku |
Sona ti oras | UTC+4 (AZT) |
Kodigo ti koreo | AZ1000 |
Kodigo ti lugar | (+994) 12 |
Panagrehistro ti karro | 10–90 AZ |
Website | www |
Opisial a nagan | Nadidingan a Siudad ti Baku nga agraman iti Palasio ni Shirvanshah ken ti Torre ti Balasang |
Kita | Kultural |
Kriteria | iv |
Naidesignado | 2000 (maika-24 a sesion) |
Reperensia blng. | 958 |
Madangran | 2003–2009 |
Partido ti Estado | Azerbaijan |
Rehion | Europa ken Asia |
Ti Baku ket nabingbingay kadagiti sangapulo ket maysa nga administratibo a distrito (raion) ken dagiti 48 nga ili. Kadagitoy ket dagiti ili ken dagiti isla ti Purpuro Baku, ken ti ili ti Oil Rocks a nabangon kadagitisalingkadang idiay Baybay Kaspio, ken 60 km (37 mi) iti kaadayona manipud iti Baku. Ti Akin-uneg a Siudad ti Baku, a mairaman iti Palasio ni Shirvanshah ken ti Torre ti Balasang, ket naisuratda a kas Lugar ti Tawid iti Lubong ti UNESCO idi 2000. Segun ti panangiranggo ti Lonely Planet, ti Baku ket maysa kadagiti 10 a kasayaatan a papanan para iti urbano a biag iti rabii.
Dagiti midia a mainaig iti Baku iti Wiki Commons
Pakaammo ti panagbiahe idiay Baku manipud iti Wikivoyage (iti Ingles)
This article uses material from the Wikipedia Ilokano article Baku, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.