ᱵᱟᱠᱩ
ᱵᱟᱠᱩ (ᱟᱡᱟᱨᱵᱟᱭᱡᱟᱱᱤ : Bakı) ᱫᱚ ᱟᱡᱟᱨᱵᱟᱭᱡᱟᱱ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱟᱨ ᱚᱸᱰᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱦᱚᱸ ᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱫᱚ ᱟᱡᱟᱨᱵᱟᱭᱡᱟᱱ ᱨᱮᱱᱟᱜ ᱠᱚᱧᱮ ᱥᱮᱦᱮ ᱨᱮ ᱟᱨ ᱟᱵᱮᱥᱴᱚᱱ ᱯᱮᱱᱤᱥᱩᱞᱟ ᱠᱟᱥᱯᱤᱭᱟᱱ ᱥᱟᱹᱢᱩᱸᱫᱽ ᱨᱮᱱᱟᱜ ᱯᱟᱪᱮ ᱟᱲᱮ ᱨᱮ ᱢᱮᱱᱟᱜᱼᱟ ᱾ ᱠᱟᱥᱯᱤᱭᱟᱱ ᱥᱟᱹᱢᱩᱸᱫᱽ ᱡᱟᱯᱟᱜ ᱱᱟᱜᱟᱨ ᱵᱷᱤᱲᱟᱹᱣ ᱨᱮ ᱟᱭᱢᱟ ᱥᱩᱱᱩᱢ ᱠᱷᱟᱫᱟᱱ ᱢᱮᱱᱟᱜᱼᱟ ᱾ ᱥᱩᱱᱩᱢ ᱥᱟᱥᱟᱯᱷᱟ ᱫᱚ ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱢᱩᱬ ᱠᱟᱹᱨᱜᱟᱲ ᱠᱟᱱᱟ ᱾ ᱵᱟᱠᱩ ᱠᱷᱚᱱ ᱠᱷᱚᱸᱡᱟ ᱦᱟᱠᱟᱱ ᱯᱟᱭᱤᱯ ᱞᱟᱭᱤᱱ ᱛᱮ ᱥᱟᱦᱟᱥᱟ, ᱡᱚᱨᱡᱤᱭᱟ, ᱱᱚᱵᱚᱥᱟᱨᱭᱤᱡᱟᱠ (Novosaryczak) ᱟᱨ ᱨᱩᱥᱤᱭᱟ ᱨᱮᱱᱟᱜ ᱦᱮᱸᱫᱮ ᱥᱟᱹᱢᱩᱸᱫᱽ ᱟᱲᱮ ᱟᱨ ᱛᱮᱦᱨᱟᱱ ᱨᱮᱱᱟᱜ ᱢᱮᱰᱤᱴᱮᱨᱤᱭᱟᱱ ᱥᱟᱹᱢᱩᱸᱫᱽ, ᱛᱩᱨᱠᱤ ᱮᱢᱟᱱ ᱴᱚᱴᱷᱟ ᱛᱮ ᱥᱩᱱᱩᱢ ᱥᱮᱱᱚᱜ ᱠᱟᱱᱟ ᱾ ᱵᱟᱠᱩ ᱨᱮ ᱟᱨᱦᱚᱸ ᱡᱚᱢᱟᱜ, ᱢᱮᱬᱦᱮᱫ, ᱛᱩᱞᱟᱹᱢ ᱟᱨ ᱦᱟᱨᱛᱟ ᱠᱟᱹᱨᱜᱟᱹᱲ ᱦᱚᱸ ᱢᱮᱱᱟᱜ ᱜᱮᱭᱟ ᱾ ᱞᱚᱱᱞᱤ ᱯᱞᱟᱱᱮᱴᱟᱜ ᱠᱷᱚᱸᱫᱽᱨᱚᱸᱫᱽ ᱞᱮᱠᱟᱛᱮ ᱵᱟᱠᱩ ᱫᱚ ᱡᱮᱜᱮᱛ ᱨᱮᱱᱟᱜ ᱱᱟᱭᱤᱴ ᱞᱟᱭᱤᱯᱷ ᱵᱟᱝᱢᱟ ᱧᱤᱫᱟᱹ ᱡᱤᱭᱚᱱ ᱞᱟᱹᱜᱤᱫ ᱴᱚᱯ ᱑᱐ ᱴᱷᱟᱣ ᱵᱷᱤᱛᱤᱨ ᱨᱮ ᱢᱮᱱᱟᱭᱟ ᱾
| ᱵᱟᱠᱩ Bakı | ||
|---|---|---|
 ᱵᱟᱠᱩ ᱨᱮᱱᱟᱜ ᱚᱥᱟᱨ ᱪᱤᱛᱟᱹᱨ | ||
| ||
| Coordinates: 40°23′43″N 49°52′56″E / 40.39528°N 49.88222°E 49°52′56″E / 40.39528°N 49.88222°E | ||
| ᱫᱤᱥᱚᱢ | ᱟᱡᱟᱨᱵᱟᱭᱡᱟᱱ | |
| ᱥᱚᱨᱠᱟᱨ | ||
| • ᱢᱮᱭᱚᱨ | ᱦᱟᱡᱤᱵᱟᱞᱟ ᱟᱵᱩᱴᱟᱞᱤᱵᱚᱵᱽ | |
| ᱮᱨᱤᱭᱟ | ||
| • ᱞᱮᱠᱷᱟᱜᱩᱴ | 2130 ᱠᱤᱢᱤ২ (820 ᱜᱟᱺᱴ ᱢᱟᱭᱤᱞ) | |
| ᱩᱥᱩᱞ | -28 ᱢᱤᱴᱚᱨ (-92 ᱯᱷᱩᱴ) | |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱐) | |
| • ᱞᱮᱠᱷᱟᱜᱩᱴ | ᱒,᱐᱖᱔,᱙᱐᱐ | |
| • ᱰᱮᱱᱥᱤᱴᱤ | 969.44/ᱠᱤᱢᱤ2 (2510.8/ᱜᱟᱺᱴ ᱢᱟᱹᱭᱤᱞ) | |
| ᱮ.ᱡᱮᱰ.ᱴᱤ (ᱭᱩᱴᱤᱥᱤ+᱔) | ||
| • ᱥᱤᱛᱩᱝ (DST) | ᱮ.ᱡᱮᱰ.ᱮᱥ.ᱴᱤ (UTC+᱕) | |
| ᱯᱤᱱ ᱠᱳᱰ | AZ1000 | |
| ᱮᱨᱤᱭᱟ ᱠᱳᱰ(ᱠᱚ) | 12 | |
| ᱣᱮᱵᱽᱥᱟᱭᱤᱴ | BakuCity.az | |
ᱱᱟᱜᱟᱢ
ᱵᱟᱠᱩ ᱱᱟᱜᱟᱨ ᱨᱮᱱᱟᱜ ᱢᱟᱨᱮ ᱮᱞᱟᱠᱟ ᱫᱚ ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱡᱤᱣᱤ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱫᱚ ᱤᱱᱪᱮᱨᱤ ᱥᱮᱦᱟᱨ ᱾ ᱒᱐᱐᱐ ᱥᱟᱞᱮ ᱨᱮ ᱭᱩᱱᱮᱥᱠᱚ ᱤᱱᱪᱮᱨᱤ ᱥᱮᱦᱟᱨ ᱫᱚ ᱡᱮᱜᱮᱛ ᱨᱮᱱᱟᱜ ᱦᱮᱨᱤᱴᱮᱡᱽ (heritage) ᱴᱷᱟᱶ ᱞᱮᱠᱟᱛᱮ ᱢᱟᱹᱱ ᱮᱢ ᱟᱠᱟᱫᱼᱟᱭ ᱾ ᱱᱚᱶᱟ ᱮᱞᱟᱠᱟ ᱨᱮ ᱟᱹᱰᱤ ᱵᱷᱮᱜᱟᱨ ᱵᱷᱮᱜᱟᱨᱟᱜ ᱟᱨᱠᱤᱴᱮᱠᱪᱚᱨ, ᱟᱢᱮᱴᱷᱤ , ᱥᱟᱥᱟᱱᱤᱭᱟ, ᱟᱨᱚᱵᱤᱠ, ᱯᱚᱨᱥᱤᱭᱟᱱ, ᱥᱤᱵᱷᱟᱱᱤ, ᱚᱴᱚᱢᱟᱱ ᱟᱨ ᱨᱩᱥᱤᱭᱟᱱ ᱞᱟᱠᱪᱟᱨ ᱨᱮᱱᱟᱜ ᱪᱤᱱᱦᱟᱹ ᱠᱚ ᱧᱮᱞ ᱧᱟᱢᱚᱜᱼᱟ ᱾ ᱤᱱᱪᱮᱨᱤ ᱥᱮᱦᱟᱨ ᱨᱮᱱᱟᱜ ᱫᱩ ᱫᱟᱨᱟᱢ ᱵᱷᱤᱛ ᱫᱚ ᱑᱒ ᱥᱟᱭᱟᱸᱫ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱠᱟᱥᱯᱤᱭᱟᱱ ᱥᱟᱹᱢᱩᱸᱫᱽ ᱥᱟᱢᱟᱝ ᱨᱮ ᱟᱭᱢᱟ ᱜᱚᱴᱟᱝ ᱢᱞᱚᱰᱚᱨᱱ ᱵᱤᱞᱰᱤᱝᱥ ᱠᱚ ᱛᱮᱭᱟᱨ ᱟᱠᱟᱱᱟ ᱾ ᱢᱚᱰᱚᱨᱱ ᱵᱟᱠᱩ ᱱᱟᱜᱟᱨ ᱵᱷᱤᱛᱤᱨ ᱨᱮ ᱵᱟᱠᱩ ᱥᱚᱨᱠᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ ᱾ ᱟᱭᱢᱟ ᱛᱷᱤᱭᱮᱴᱚᱨ ᱟᱨ ᱢᱤᱣᱡᱤᱭᱚᱢ ᱡᱟᱦᱟᱸ ᱫᱚ ᱑᱙᱑᱙ ᱥᱟᱞᱮ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾
ᱪᱷᱟᱹᱴᱭᱟᱹᱨ
ᱱᱟᱜᱟᱨ ᱨᱮᱱᱟᱜ ᱧᱩᱛᱩᱢ ᱫᱚ ᱯᱚᱨᱥᱤᱭᱟᱱ ᱟᱹᱲᱟᱹ ᱵᱟᱰ-ᱠᱩᱵᱮ (باد-کوبه Bād-kube) ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱦᱩᱭᱩᱜ ᱠᱟᱱᱟ "ᱦᱚᱭ ᱛᱷᱟᱯᱲᱮᱜ ᱱᱟᱜᱟᱨ" ᱾ ᱵᱟᱰ ᱢᱮᱱᱫᱚ "ᱦᱚᱭ" ᱟᱨ ᱠᱩᱵᱮ ᱫᱚ "ᱠᱩᱵᱤᱰᱟᱱ" (کوبیدن kubidan) ᱨᱮᱱᱟᱜ ᱢᱩᱬ ᱟᱹᱲᱟᱹ ᱡᱟᱦᱟᱸ ᱫᱚ "ᱛᱷᱟᱯᱲᱮᱜ" ᱟᱨᱵᱟᱝ "ᱟᱹᱰᱤ ᱡᱩᱨ ᱛᱮ ᱛᱟᱹᱠᱤᱡᱚᱜ" ᱨᱮᱱᱟᱝ ᱢᱮᱱᱮᱛ ᱮ ᱥᱚᱫᱚᱨᱮᱫᱼᱟ ᱾ ᱢᱮᱱᱫᱚ ᱢᱤᱫ ᱛᱷᱟᱶ ᱡᱟᱦᱟᱸ ᱨᱮ ᱦᱚᱭ ᱟᱹᱰᱤ ᱡᱩᱨ ᱛᱮ ᱛᱟᱹᱠᱤᱡᱚᱜᱼᱟ ᱵᱟᱝᱢᱟ ᱛᱷᱟᱯᱲᱮᱜᱼᱟ ᱾ ᱚᱥᱚᱞ ᱨᱮ ᱱᱚᱶᱟ ᱱᱟᱜᱟᱨ ᱫᱚ ᱡᱩᱨ ᱦᱚᱭ ᱦᱤᱥᱤᱫ ᱦᱩᱰᱩᱨ ᱵᱚᱡᱚᱨ ᱫᱟᱜ ᱡᱟᱹᱲᱤ ᱠᱷᱟᱹᱛᱤᱨ ᱵᱟᱰᱟᱭᱚᱜᱼᱟ ᱾ ᱱᱚᱶᱟ ᱱᱟᱜᱟᱨ ᱫᱚ "ᱦᱚᱭ ᱱᱟᱜᱟᱨ" ᱢᱮᱱᱛᱮ ᱦᱚᱸ ᱠᱚ ᱵᱟᱭᱱᱟᱭ ᱜᱮᱭᱟ ᱾
ᱥᱟᱹᱠᱷᱭᱟᱹᱛ
ᱵᱟᱨᱦᱮ ᱡᱚᱱᱚᱲ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱵᱟᱠᱩ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- UNESCO/ICOMOS (29 April 2003). "Joint UNESCO-ICOMOS Mission to the Walled City of Baku" (PDF). UNESCO/ICOMOS.
- Baku's profile at the Organization of World Heritage Cities website
- UNESCO World Heritage Site listing Walled City of Baku
- Photos of Baku
- Trip To Azerbaijan
This article uses material from the Wikipedia ᱥᱟᱱᱛᱟᱲᱤ article ᱵᱟᱠᱩ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.