სან-მარინო

• ოფიციალურო: სან-მარინოშ რესპუბლიკა.
• ოდაბადურო - Repubblica di San Marino.

ეტიმოლოგია მოურს დალმაციარი ქუაშმათოლარი მარინუსშე, ნამუთ ქირსიანობაშ გურშენ თხოზინელი რდჷ მუშ ქიანას დო ონტებელქ აჸუ იტალიაშა. თაქ მუქ ქჷდარსხუ ოხვამე, უკულიანშო გეკჷდჷ ჯიხა. მოგვიანაფათ კათოლიკურ ეკლესიაქ წიმინდეთ დონათჷ მარინიშ ჯოხოთ.

ქიანა იდვალუაფუ აპენინიშ ჩქონს, იდვალუაფუ იტალიაშ დინოხოლე. ფართობი რე 60 კვ.კმ.

სახენწჷფო სისტემათ რე რესპუბლიკა. დღასანწალი რე 3 ეკენია, რესპუბლიკაშ დორსხუაფაშ დღა (301წ). სახენწჷფოშ მადუდური რე 2 კაპიტან-რეგენტი. კანონიშდუმადვალუ ორგანო რე ართპალატამი პარლამენტი (60 მაკათური). ადმინისტრაციულო ირთუ 9 კომუნათ (castello).

მახორობა რე 28.000 კოჩი, თენეფშე 91% სანმარიონოალეფი, 9% იტალიარეფი. ოფიციალური ნინა რე იტალიური, რელიგია - კათოლიციზმი. ნანანოღა რე სან-მარინო (4.300).

1862 წანას გინირთჷ დუდიშულ ქიანათ იტალიაშ პროექტორატიშ თუდო. 1947-1986 წანეფს ქიანას დუდენდჷ მეკვარჩხანე ცენტრისტული კოალიცია, უკული კომუნისტური დო ქირსიან-დემოკრატიული.