Էմոճին ճափոնական բառ մըն է, որ կը նշանակէ «պատկեր» (է) + «գիր» (մոճի):
Ծագումով անոնք կը ներկայացնէին ելեկտրոնային հաղորդագրութիւններուն եւ ճափոնական կայքէջերուն վրայ երեւցող փոքրիկ պատկերները: Ապա այս պատկերները կը տարածուին ամբողջ աշխարհի մէջ:
Այբուբենի մը նման, իւրաքանչիւր էմոճի կը համապատասխանէ համակարգչային ծածկագրուածի մը (քոտ), փոինթ քոտի օրինակի համար` ժպտուն երեսի քոտը U+1F600 է: Այս գրութեան ձեւն է, որ կարելիութիւն կու տայ ամէն տեսակի համակարգիչներու եւ բջիջային հեռաձայններու նոյն էմոճիները ունենալու եւ ցուցադրելու:
Լեզուի նոր տարբերակներու ստեղծում
1991 թուականէն ի վեր «Քոնսորթիոմ քոնիքոտ» անունով ընկերակցութիւնն է, որ կ'ուսումնասիրէ բոլոր առաջարկները եւ կ'որոշէ նոր էմոճիներու պատկերները: Այս ընկերակցութեան մաս կը կազմեն տարբեր հաստատութիւններէ անդամներ, որոնք մեծ դեր կը խաղան նոր արհեստագիտութեան զարգացման մարզին մէջ, ինչպէս` Ֆէյսպուք, Մայքրոսոֆթ, Կուկըլ, Հուաուէյ, Թուիթթըր… Ներկայացուցիչները տարուան ընթացքին բազմաթիւ ժողովներ կը գումարեն եւ տարին մէկ անգամ այս պատկերներով լեզուին նոր տարբերակը կը յայտնաբերեն:
Ոեւէ մէկը կրնայ առաջարկ մը ներկայացնել, սակայն անոր պէտք է ընկերանան շատ հաստատ եւ համոզիչ փաստեր: Ներկայի բոլոր էմոճիները ունին հասարակաց կէտ մը: Անոնք շատ խիստ եւ մանրամասն քննութեան ենթարկուած են` վստահ ըլլալու, թէ անոնք հասկնալի կրնան ըլլալ բոլորին կողմէ:
Հետաքրքրական փաստեր
17 Յուլիսը «Էմոճիներու միջազգային օր» է: Այս թուականը ընտրուած է պարզապէս, որովհետեւ այս օրն է, որ կ'երեւի «օրացոյց էմոճիին» վրայ:
Ըստ կարգ մը ուսումնասիրութիւններու, աշխարհի շուրջ օրական աւելի քան 6 միլիառ էմոճիներ կը ղրկուին:
Կարգ մը մասնագէտներ կը հաստատեն, թէ առաջին էմոճին յայտնաբերուած է բանաստեղծութեան մը վերջաւորութեան, 1648-ին:
Թէեւ էմոճիները յայտնուած են 1990-ական թուականներուն վերջաւորութեան, սակայն անոնց «նախահայրերը»` էմոթիքոններուն մեծ մասը, արդէն Ճափոնի մէջ կը գործածուէր հեռաձայնային հաղորդակցութիւններու ընթացքին` 1982-ի շուրջ:
2020 -ին 117 նոր էմոճիներ լոյս տեսած են, եւ էմոճիներու ընդհանուր թիւը հասած է 3304-ի:
2021-ին, «Քորոնա» ժահրին պատճառով, միայն 5 նոր էմոճիներ լոյս տեսած են` յոգնութենէն փչող դէմք մը, ամպերուն մէջ կորսուած դէմք մը (շփոթ), պարուրաձեւ աչքերով դէմք մը (յոգնութիւն, գլխապտոյտ), վիրակապով կոտրտուած սիրտ մը եւ բռնկող սիրտ մը:
This article uses material from the Wikipedia Արեւմտահայերէն article «Էմոճի»ներ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.
