Քո Ընկերն Առնետ Է
«Քո ընկերն առնետ է», 2007 թվականի Pixar ընկերության կարճամետրաժ անիմացիոն ֆիլմ, որը թողարկվել է «Ռատատույ» ֆիլմի հետ տնային դիտման համար։ Կարճամետրաժ ֆիլմի հերոսները ընդունում են «Ռատատույ» լիամետրաժ մուլտֆիլմի գլխավոր հերոսներից երկուսի՝ Ռեմի և Էմիլի կերպարները, որոնք վիճում են մարդկանց և առնետների հաշտեցման մասին։ Սա Pixar ընկերության երկրորդ կարճամետրաժ ֆիլմն է ավանդական անիմացիայի համար։ Ներկա պահին մուլտֆիլմը համարվում է Pixar ստուդիայի ամենաերկար կարճամետրաժ ֆիլմը, որի տևողությունը կազմում է տասնմեկ րոպե։ 2D անիմացիայի հետ մեկտեղ, այն իր մեջ է ներառում նաև շարժման կանգնեցման անիմացիան, համակարգչային պատկերները և գործողությունը իրական ժամանակում։
 անգլ.՝ Your Friend the Rat | |
|---|---|
| Տեսակ | կարճամետրաժ մուլտիպլիկացիոն ֆիլմ |
| Ժանր | կինոկատակերգություն և ընտանեկան ֆիլմ |
| Ռեժիսոր | Jim Capobianco? |
| Սցենարիստ | Jeff Pidgeon? |
| Հնչյունավորում | Փաթոն Օսվալտ և Պիտեր Սոն |
| Պրոդյուսեր | Բրեդ Բերդ, Ջոն Լեսսետեր և Բրեդ Լյուիս |
| Երկիր |  ԱՄՆ |
| Լեզու | անգլերեն |
| Ընկերություն | Պիքսար և Walt Disney Pictures |
| Դիստրիբյուտոր | Buena Vista Home Entertainment և Դիսնեյ+ |
| Տևողություն | 11 րոպե |
| Թվական | 2007 |
| pixar.com/short_films/Home-Entertainment-Shorts/Your-Friend-the-Rat(անգլ.) | |
«Ռատատույ» և «Քո ընկերն առնետ է» մուլտֆիլմերը ունեն նույն երաժշտական հաջորդականությունը։ Մուլտֆիլմը արժանացել է լավագույն կարճամետրաժ անիմացիոն ֆիլմ կոչմանը 35-րդ ամենամյա Annie Awards մրցանակաբաշխությունում և 2007 թվականի նոյեմբերի 6-ին թողարկվել է DVD և Blu-ray տարբերակներով «Ռատատույ» մուլտֆիլմի հետ։
Սյուժե
Ռեմին և Էմիլը պատմում են հանդիսատեսին մարդկանց և առնետների փոխհարաբերությունների, առնետների արժանիքների և ունակությունների մասին։ Նրանք կոչ են անում մարդկանց առնետների հետ համերաշխ լինել։ Առնետները իրենց ելույթն ավարտում են «Մենք ձեզ հետ անգամ դեպի Մարս» երգով։
Արտադրություն
Գաղափարը նախաձեռնվել է Ջիմ Կապոբիանկոյի կողմից, երբ Բրեդ Լյուիսը էլեկտրոնային նամակ է ուղարկել նրան՝ խնդրելով լրացուցիչ ծառայություններ տրամադրել DVD-ի համար։ Կապոբիանկոն հավաքելով բոլոր տեղեկությունները, որոնք նրանք ունեին առնետների մասին, զվարճալի ձևով ներկայացրել է դրանք հանդիսատեսին։ Մուլտֆիլմի արտադրությունը սկսվել է «Ռատատույ»-ի ստեղծման վերջին մեկ տարվա ընթացքում և ավարտվել է մեկ տարուց քիչ ժամանակահատվածում։ Արտադրության ժամանակ Ջիմ Կապոբիանկոն գրել է «Քո ընկերն առնետ է. Փոքրիկ ոսկե գիրք» գիրքը, որը ներառում է «Պլան Բ» երգի երաժշտությունն ու տեքստը։
Ծանոթագրություններ
Արտաքին հղումներ
- Պաշտոնական կայք
- «Your Friend The Rat»(անգլ.) Big Cartoon DataBase կայքում
This article uses material from the Wikipedia Հայերեն article Քո ընկերն առնետ է, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.