Պիոնե Սիստո (դան․՝ Pione Sisto, փետրվարի 4, 1995(1995-02-04), Կամպալա, Ուգանդա), դանիացի պրոֆեսիոնալ ֆուտբոլիստ։ Ներկայումս հանդես է գալիս Սելտա Վիգոյի և Դանիայի ազգային հավաքականի կազմում։ Խաղում է ձախ վինգերի դիրքում։
Սիստոն Սելտայի կազմում 2017 թվականին | |||
Անձնական տվյալներ | |||
Ամբողջական անուն | Pione Sisto Ifolo Emirmija | ||
Քաղաքացիությունը | Դանիա Հարավային Սուդան | ||
Ծննդյան ամսաթիվ | փետրվարի 4, 1995 (29 տարեկան) | ||
Ծննդավայր | Կամպալա, Ուգանդա | ||
Հասակ | 171 սմ | ||
Քաշ | 64 կգ | ||
Դիրք | ձախ վինգեր | ||
Ակումբային տեղեկություններ | |||
Ներկա ակումբ | Սելտա Վիգո | ||
Համար | 11 | ||
Պատանեկան կարիերա | |||
2002-2010 | Տյորինգ | ||
2010-2013 | Միդտյուլան | ||
Մասնագիտական կարիերա* | |||
Տարի | Ակումբ | Խաղ (գոլ) | |
2013-2016 | Միդտյուլան | 89 | (20) |
2016-ներկա | Սելտա Վիգո | 64 | (7) |
Ազգային հավաքական‡ | |||
2015-2016 | Դանիա Մ21 | 6 | (4) |
2015-ներկա | Դանիա | 17 | (1) |
| |||
* Մասնագիտական կարիերայում ընդգրկված են միայն առաջնության խաղերը և գոլերը |
Սիստոն Միդտյուլանի ակադեմիայի սան է։ Իր պրոֆեսիոնալ դեբյուտը նշեց 2012 թվականի նոյեմբերի 29-ին՝ Դանիայի գավաթի Ռանդերսի դեմ խաղում։ Իր առաջին հանդիպումը Դանիայի առաջնությունում անցկացրեց դեկտեմբերի 2-ին՝ Սիլկեբորգի դեմ խաղում։ Իր առաջին գոլը պրոֆեսիոնալ կարիերայում խփեց 2013 թվականի հուլիսի 19-ին՝ Օրհուսի դեմ խաղում։ Սեպտեմբերի 25-ին՝ Դանիայի գավաթի Դյուրսլանդի դեմ խաղում Սիստոն դարձավ հետ-տրիկի հեղինակ՝ օգնելով իր թիմին հաղթել 4-2 հաշվով։ 2014 թվականի մարտի 2-ին նա դուբլ ձևակերպեց Կոպենհագենի դեմ խաղում։ Օգոստոսի 4-ին Սիստոն դուբլ ձևակերպեց Ռանդերսի դեմ խաղում։ Իր առաջին հանդիպումը եվրոպական առաջնություններում անցկացրեց օգոստոսի 21-ին՝ Եվրոպայի Լիգայի որակավորման փուլի Պանատինաիկոսի դեմ խաղում։
2014 թվականի հոկտեմբերի 31-ին Սիստոն դուբլի հեղինակ դարձավ Նորշելանի դեմ խաղում։ Դեկտեմբերին նա ճանաչվեց 2014 թվականի Դանիայի առաջնության լավագույն ֆուտբոլիստ, իսկ 2014-15 մրցաշրջանում Միդտյուլանի հետ հաղթեց Դանիայի առաջնությունը։ 2015 թվականի հուլիսի 18-ին Սիստոն դուբլ ձևակերպեց Վիբորգի դեմ խաղում։ Իր առաջին գոլը Եվրոպայի Լիգայում խփեց հոկտեմբերի 1-ին՝ Բրյուգգեի դեմ խաղում։ 2016 թվականի հուլիսի 24-ին՝ Նորշելանի դեմ խաղում դանիացին դարձավ դուբլի հեղինակ՝ օգնելով իր թիմին հաղթել 4-0 հաշվով։ Միդտյուլանի առաջին թիմի կազմում Սիստոն անցկացրեց 112 հանդիպում՝ դառնալով 31 գոլի և 11 գոլային փոխանցման հեղինակ։
2016 թվականի հուլիսի 31-ին Սիստոն 5 միլիոն եվրոյի դիմաց տեղափոխվեց Սելտա Վիգո։ Իր դեբյուտը նշեց օգոստոսի 22-ին՝ Լեգանեսի դեմ խաղում։ Իր առաջին գոլը ակումբի կազմում խփեց սեպտեմբերի 25-ին՝ Էսպանյոլի դեմ խաղում։ Հոկտեմբերի 2-ին Սիստոն գոլի հեղինակ դարձավ Բարսելոնայի դեմ խաղում՝ օգնելով իր թիմին հաղթել 4-3 հաշվով։ 2017 թվականի սեպտեմբերի 24-ին՝ Էյբարի դեմ խաղում նա դարձավ 3 գոլային փոխանցման հեղինակ, իսկ Սելտան հաղթեց 4-0 հաշվով։
Սիստոն ծնվել է Ուգանդայում Հարավային Սուդանցի ծնողներից, և թեև ամբողջ կյանքը ապրել էր Դանիայում, Դանիայի քաղաքացի չէր։ Դանիայի ազգային հավաքականի գլխավոր մարզիչ Մորտեն Օլսենը հույս հայտնեց, որ Սիստոն իրավասու կլինի հանդես գալ հավաքականի կազմում, և 2014 թվականի դեկտեմբերին նա ստացավ Դանիայի քաղաքացիություն, ինչից հետո միանգամից հայտավորվեց Դանիայի Մ21 հավաքական ոչ պաշտոնական խաղի համար։ Նա դեռևս իրավասու չէր ներկայացնել Դանիան պաշտոնական խաղում ՖԻՖԱ-ի կարգավորումների պատճառով։ 2015 թվականի հունվարի 23-ին Սիստոն իր դեբյուտը նշեց Դանիայի Մ21 հավաքականի կազմում՝ ռումինական ֆուտբոլային ակումբ Դինամո Բուխարեստի դեմ խաղում՝ այս խաղում դառնալով հետ-տրիկի հեղինակ։
2015 թվականի մայիսի 20-ին Սիստոն առաջին անգամ հրավիրվեց Դանիայի ազգային հավաքական՝ Սերբիայի և Չեռնոգորիայի դեմ խաղերի համար, սակայն այդպես էլ այս հանդիպումներում խաղադաշտ դուրս չեկավ։ 2015 թվականի հունիսին նա Դանիայի Մ21 հավաքականի կազմում մասնակցեց Եվրոպայի առաջնությանը։ Նա գոլի հեղինակ դարձավ խմբային փուլի Չեխիայի դեմ խաղում՝ օգնելով իր թիմին հաղթել 2-1 հաշվով։ Այնուամենայնիվ, Դանիան դուրս մնաց կիսաեզրափակիչ փուլից՝ հունիսի 27-ին 4-1 հաշվով պարտվելով Շվեդիային։
Իր դեբյուտը ազգային հավաքականի կազմում Սիստոն նշեց 2015 թվականի սեպտեմբերի 4-ին՝ Ալբանիայի դեմ խաղում։ 2017 թվականի նոյեմբերի 14-ին՝ Իռլանդիայի դեմ խաղում նա դարձավ 2 գոլային փոխանցման հեղինակ՝ օգնելով իր թիմին հաղթել 5-1 հաշվով։ Իր առաջին գոլը հավաքականի կազմում Սիստոն խփեց 2018 թվականի մարտի 22-ին՝ Պանամայի դեմ ընկերական խաղում։
2018 թվականի մայիսին Սիստոն ընդգրկվեց Դանիայի՝ աշխարհի առաջնության համար վերջնական կազմում։ Նա թիմի մեկնարկային կազմում սկսեց խմբային փուլի բոլոր 3 հանդիպումները՝ օգնելով Դանիային 2-րդ տեղով հաղթահարել խմբային փուլի արգելքը։
2018 թվականի հունիսի 27-ի դրությամբ
Ակումբ | Մրցաշրջան | Առաջնություն | Գավաթ | Եվրոպա | Ընդհանուր | |||||
---|---|---|---|---|---|---|---|---|---|---|
Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Միդտյուլան | 2012–13 | Դանիայի Սուպերլիգա | 9 | 0 | 1 | 0 | 0 | 0 | 10 | 0 |
2013–14 | 27 | 6 | 2 | 3 | 0 | 0 | 29 | 9 | ||
2014–15 | 22 | 8 | 0 | 0 | 2 | 0 | 24 | 8 | ||
2015–16 | 29 | 4 | 0 | 0 | 13 | 4 | 42 | 8 | ||
2016–17 | 2 | 2 | 0 | 0 | 5 | 4 | 7 | 6 | ||
Ընդհանուր | 89 | 20 | 3 | 3 | 20 | 8 | 112 | 31 | ||
Սելտա Վիգո | 2016–17 | Լա Լիգա | 30 | 3 | 6 | 1 | 13 | 2 | 49 | 6 |
2017–18 | 34 | 4 | 2 | 1 | — | 36 | 5 | |||
Ընդհանուր | 64 | 7 | 8 | 2 | 13 | 2 | 85 | 11 | ||
Կարիերայի ընդհանուր | 153 | 27 | 11 | 5 | 33 | 10 | 197 | 42 |
2018 թվականի հունիսի 27-ի դրությամբ
Դանիա | ||
---|---|---|
Տարի | Խաղեր | Գոլեր |
2015 | 2 | 0 |
2016 | 2 | 0 |
2017 | 6 | 0 |
2018 | 7 | 1 |
Ընդհանուր | 17 | 1 |
# | Ամսաթիվ | Մարզադաշտ | Մրցակից | Հաշիվ | Արդյունք | Մրցաշար |
---|---|---|---|---|---|---|
1. | Մարտի 22, 2018 | Բրոնդբյու մարզադաշտ, Բրոնդբյու, Դանիա | Պանամա | 1–0 | 1–0 | Ընկերական խաղ |
Միդտյուլան
Վիքիպահեստն ունի նյութեր, որոնք վերաբերում են «Պիոնե Սիստո» հոդվածին։ |
This article uses material from the Wikipedia Հայերեն article Պիոնե Սիստո, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.