Old Town Road
«Old Town Road» (անգլերենից՝ «Հին քաղաքային ճանապարհ», I Got The Horses In The Back), ամերիկացի հիփ հոփ կատարող Լիլ Նաս Էքսի (Մոնտերո Լամար Հիլլ) երգը, որը առաջին անգամ հրապարակվել է 2018 թվականի դեկտեմբերի 3-ին, դառնալով հայտնի և վիրուսային չինական TikTok սոցիալական ցանցում, իսկ ավելի ուշ, Columbia Records-ի կողմից, առանձին սինգլի տեսքով։ Սինգլը դարձել է նրա կարիերայում առաջինը, որը կարողացել է ամերիկյան Billboard Hot 100 հիթ-շքերթում զբաղեցնել առաջին հորիզոնականը, սակայն հեռացվել է Hot Country Songs չարթից, այն բանից հետո, երբ կարողացել է զբաղեցնել տասնիններորդ հորիզոնականը։ Սակայն, եթե չլիներ չարթի որակազրկումը, ապա երգը, ապրիլի 6-ին, Hot Country Songs չարթում, կկարողանար հասնել առաջին հորիզոնական։ Քանթրի երգիչ Բիլլի Ռեյ Սայրուսի մասնակցությամբ ռեմիքսը թողարկվել է 2019 թվականի ապրիլի 5-ին։
| «Old Town Road» | |
|---|---|
 | |
| Լիլ Նաս Էքսի սինգլը | |
| Թողարկված | դեկտեմբերի 3, 2018 |
| Ֆորմատ | Երաժշտության ներբեռնում և երաժշտական սթրիմինգ |
| Ձայնագրված | 2018 |
| Ժանր | Քանթրի ռեփ, Քանթրի, Թրեպ, en:Southern hip hop |
| Երգահան | Lil Nas X |
| Տևողություն | 1:53 |
| Լեյբլ | Columbia Records |
| Պրոդյուսեր | YoungKio, Reznor, Ross |
 Old Town Road | |
Այն դարձել է այն բոլոր կարճ երգերից մեկը (2 րոպեից քիչ), որը կարողացել է ԱՄՆ-ում հասնել առաջին հորիզոնական (տարբեր հաշվարկներ դասում են նրան երկրորդ, չորրորդ, հինգերորդ և յոթերորդ հորիզոնականները՝ պատմության մեջ) և վերջին տասնամյակի ընթացքում ամենակարճ առաջին հորիզոնական զբաղեցրած երգը։ Բացի այդ, սա 30 տարվա ընթացքում միայն երրորդ քանթրի երգն է, որին հաջողվում է Billboard Hot 100-ում զբաղեցնել առաջին հորիզոնականը։
Բիլլի Ռեյ Սայրուսի մասնակցությամբ ռեմիքսը նոմինացվել է Գրեմմի մրցանակաբաշխության «Տարվա ձայնագրություն» անվանակարգում և հաղթել է «Լավագույն փոփ դուո/խումբ ելույթ» և «Լավագույն երաժշտական տեսահոլովակ» անվանակարգում։
Պատմություն
«Old Town Road»-ը թողարկվել է որպես անկախ սինգլ՝ 2018 թվականի դեկտեմբերի 3-ին՝ «Yeehaw Agenda» (շարժում, որը միավորում է կովբոյական նորաձևությունը և մշակույթը) համացանցային մեմի հայտնիությունից հետո։ Քանթրի արտիստ Մեյսոն Ռեմսի մենեջեր Դենի Կանգը, Rolling Stone ամսագրին պատմել է, որը Լիլ Նաս Էքսը, SoundCloud-ում և iTunes-ում, իր երգը ավելացրել է քանթրի ժանր բաժնում՝ որպես չարթերի ալգորիթմները կառավարելու միջոց, քանի որ այդպես ավելի հեշտ կլիներ գլխավորել քանթրի չարթերը, քան այդ ոլորտում գերիշխող հիփ-հոփ և ռեփ չարթերը։ «Old Town Road»-ի առաջխաղացման համար, Լիլ Նաս Էքսը սկսեց մեմեր ստեղծել, մինչ այն սկսեց TikTok-ի օգտատերերի շրջանում հայտնի դառնալ։ Երգի պաշտոնական երաժշտական հոլովակը ամբողջությամբ կազմված է 2018 թվականի Red Dead Redemption 2 կովբոյական խաղի տեսահոլովակներից և հոլովակներից։
2018 թվականի դեկտեմբերի վերջին երգը հայտնի դարձավ այն բանից հետո, երբ TikTok-ում, «Yeehaw Challenge»-ում, մեմ դարձավ, որտեղ օգտատերերը, այս երգին նվիրված, կարճ տեսահոլովակներ էին ստեղծում։ Սա թույլ տվեց երգին ինքնուրույն և առանց լեյբլի, Billboard Hot 100-ում, 83-րդ հորիզոնականով, դեբյուտ անել, որտեղ երգը, ավելի ուշ կարողացավ առաջին հորիզոնական հասնել։ Երգի հայտնիությունը այնքան արագ էր աճում, որ ռադիոկայանները սկսեցին YouTube-ից աուդիո տարբերակներ ներբեռնել։ 2019 թվականի մարտի 22-ին երգի հայտնիությունը Լիլ Նաս Էքսին հնարավորություն տվեց Columbia Records-ի հետ պայմանագիր կնքել, որն էլ այժմ տարածում է սինգլը։
Վիճաբանություն և Billboard
«Old Town Road»-ը Billboard-ի պատմության մեջ հազվադեպ ձեռքբերում է գրանցում, երբ 2019 թվականի մարտին այն միաժամանակ հայտնվում է Billboard Hot 100, Hot Country Songs և Hot R&B/Hip-Hop Songs չարթերում։ Ավելի վաղ, այս արդյունքով ևս մեկ երգ կար՝ «We Are the World»-ը, որը, միաժամանակ հայտնվել է վեց տարբեր չարթերում, այդ թվում նշված երեքը, գումարած Dance Club Songs-ը, Adult Contemporary-ը և Mainstream Rock-ը։ Սակայն, Billboard-ը «Old Town Road»-ը լուռ ջնջեց Hot Country Songs-ից՝ «ժամանակակից քանթրի երաժշտության տարրեր բավարար չպարունակելու համար»։ 2019 թվականի ապրիլի 6-ին, «Old Town Road»-ը Hot Country Songs-ի ցանկում առաջին հորիզոնական կհասներ, եթե նրան այնտեղից չհեռացնեին։
Անձամբ Լիլ Նաս Էքսը ասել է, որ «չափազանց հիասթափված է» նման որոշումով։ Time ամսագրին տված իր հարցազրույցում, լրագրող Էնդրյու Ռ. Չոուն ասել է Billboard-ի որոշումը («Old Town Road» երգը հեռացնել քանթրի չարթից, սակայն թողնել հիփ հոփ չարթում) և հարցրել է Լիլ Նաս Էքսին, թե համարում է «Old Town Road»-ը քանթրի ժանրի երգ։ Լիլ Նաս Էքսը պատասխանել է՝ «Երգը քանթրի թրեփ է։ Այն ոչ մեկն է, ոչ էլ մյուսը։ Հետևաբար, այն պետք է երկու հիթ-շքերթներում էլ լինի»։
Բացառապես «Old Town Road»-ը, քանթրի ժանրի ոչ սպիտակամորթ կատարողների աշխատանքներում, քննադատությունների է ենթարկվել, իսկ հեղինակ Էլիաս Լեյտը, Rolling Stone ամսագրում, ևս մեկ սպիտակամորթ կատարողին՝ Բիյոնսեին է վկայակոչել, ում «Daddy Lessons» երգը 2016 թվականին, The Recording Academy-ում, որպես քանթրի երգ չի ընդունվել։ Լեյտը նաև այլ դժվարություններ է նշել, որին բախվում են սևամորթ արտիստները, ովքեր տարբեր ժանրերի երգեր են ստեղծում, նշելով, որ ռեփեր Juice Wrld-ի Death Race for Love (2019) ալբոմը լինելու է «հավանաբար, 2019 թվականի շահույթապես ամենա հաջողակ ռոք ալբոմը», սակայն երբեք չի հայտնվի այն երկրների ռոք չարթերում կամ այլ ժանրերի փլեյլիստերում, որտեղ գերակշռում են սպիտակամորթ արտիստները։ Այդ քննադատություններից հետո Billboard-ը հայտարարել է, որ Hot Country Songs չարթից «Old Town Road»-ը հեռացնելու որոշումը ոչ մի կապ չունի Լիլ Նաս Էքսի ռասայի հետ։ Երբ նրան հարցրեցին, թե կարծում է, որ Billboard-ի որոշումը պարունակում է ինչ որ ռասային երանգներ, Լիլ Նաս Էքսը պատասխանել է՝ «Ես հավատում եմ, որ երբ դուք ինչ որ նոր բան եք փորձում, դա միշտ, ինչ որ կերպ, վատ է ընկալվում»։
Առևտրային հաջողություն
«Old Town Road»-ը 83-րդ հորիզոնականով դեբյուտ է արել, իսկ ավելի ուշ զբաղեցրել է առաջին հորիզոնականը ամերիկյան հիմնական հիթ-շքերթում՝ Billboard Hot 100-ում։
2019 թվականի ապրիլի 20-ին, Լիլ Նաս Էքսի սինգլը (արդեն Բիլլի Ռեյ Սայրուսի մասնակցությամբ), երկու շաբաթ անցկացնելով Streaming Songs չարթի առաջին հորիզոնականում, նոր ռեկորդ է գրանցում, անցնելով կանադացի ռեփեր Դրեյքի ռեկորդից, ով մեկ շաբաթվա ընթացքում ամենաշատն է սթրիմ հավաքել (ըստ Nielsen Music-ի` 143 մլն (U.S. streams) ): Նախորդ ձեռքբերումը պատկանում էր «In My Feelings»-ին (Drake) (116,2 մլն սթրիմ (2018 թվականի հունիսի 28) )։
Հիթ-շքերթներ
"Old Town Road"
| "Old Town Road (Remix)"Շաբաթական հիթ-շքերթներIllegal chart entered CIS|21 Illegal chart entered Russia|25
Ամսական հիթ-շքերթներ
|
.svg)
Հավաստագրում
| Տարածաշրջան | Հավաստագրում | Վաճառք |
|---|---|---|
| Ավստրալիա (ARIA) | 8× Platinum | 560 000^ |
| Ավստրիա (IFPI Austria) | Platinum | 30 000x |
| Բելգիա (BEA) | 2× Platinum | 60 000* |
| Դանիա (IFPI Denmark) | Gold | 45 000^ |
| Ֆրանսիա (SNEP) | Diamond | 400 000* |
| Գերմանիա (BVMI) | Platinum | 400 000^ |
| Իտալիա (FIMI) | 2× Platinum | 100 000* |
| Մեքսիկա (AMPROFON) | 2× Platinum+Gold | 150 000^ |
| Նոր Զելանդիա (RIANZ) | 4× Platinum | 120 000* |
| Լեհաստան (ZPAV) | 3× Platinum | 60,000* |
| Պորտուգալիա (AFP) | 2× Platinum | 20 000x |
| Իսպանիա (PROMUSICAE) | Gold | 20 000^ |
| Շվեդիա (GLF) | 2× Platinum | 160,000x |
| Մեծ Բրիտանիա (BPI) | Platinum | 600 000^ |
| ԱՄՆ (RIAA) | Diamond | 10,000,000 / 1,438,000 |
*Վաճառքի վերաբերյալ տվյալները հիմնված են միայն հավաստագրումների վրա։ | ||
Նշումներ
Ծանոթագրություններ
Արտաքին հղումներ
This article uses material from the Wikipedia Հայերեն article Old Town Road, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.