Վանգա
Վանգա (բուլղար․՝ Ванга, հոկտեմբերի 3, 1911(1911-10-03), Ստրումիցա, Մակեդոնիայի Սոցիալիստական Հանրապետություն, ՀՍՖՀ - օգոստոսի 11, 1996(1996-08-11) կամ նոյեմբերի 11, 1996(1996-11-11), Սոֆիա, Բուլղարիա)՝ ծննդյան անունը Վանգելիա Պանդևա Դիմիտրովա (Вангелия Пандева Димитрова) (ամուսնությունից հետո՝ Վանգելիա Գուշտերովա (Вангелия Гуштерова)), կույր բուլղարացի գուշակ։ Նա իր կյանքի մեծ մասն անցկացրել է Բուլղարիայի, Հունաստանի և Մակեդոնիայի Հանրապետության սահմանին գտնվող Պետրիչ գյուղում։ Կյանքի վերջին 20 տարիներին գուշակն այցելուներին ընդունել է Ռուպիտեում։
| Վանգա բուլղար․՝ Вангелия Пандева Димитрова | |
|---|---|
| Ծնվել է | հոկտեմբերի 3, 1911 |
| Ծննդավայր | Ստրումիցա, Մակեդոնիայի Սոցիալիստական Հանրապետություն, ՀՍՖՀ |
| Մահացել է | օգոստոսի 11, 1996 (84 տարեկան) կամ նոյեմբերի 11, 1996 (85 տարեկան) |
| Մահվան վայր | Սոֆիա, Բուլղարիա |
| Գերեզման | Բուլղարիա |
| Քաղաքացիություն |  Բուլղարիա, .svg){kind=small} Օսմանյան կայսրություն, .svg){kind=small} Սերբիայի թագավորություն և .svg){kind=small} Հարավսլավիայի Թագավորություն |
| Մասնագիտություն | էքստրասենս |
| Ծնողներ | հայր՝ Pando Surchev? |
 Baba Vanga Վիքիպահեստում | |
Կենսագրություն
Վանգան ծնվել է Ստրումիցայում, որն այն ժամանակ գտնվել է Օսմանյան կայսրության կազմում, այնուհետև հաջորդաբար եղել է Բուլղարիայի թագավորության, Հարավսլավիայի թագավորության, այնուհետև նորից Բուլղարիայի, Սոցիալիստական Հարավսլավիայի Դաշնային Հանրապետության, իսկ այժմ՝ Մակեդոնիայի Հանրապետության կազմում։ Այս շրջանի՝ բուլղարացիների կողմից երկրորդ անգամ գրավումից հետո (1941-1944 թթ.) Վանգան տեղափոխվում է Պետրիչ (այն ժամանակ և հիմա գտնվում է Բուլղարիայում)։ Վանգան վաղաժամ էր ծնվել (9 ամսից շուտ) և առողջական խնդիրներ ուներ։ Տեղի ավանդույթների համաձայն՝ երեխային անուն չէր տրվում, քանի դեռ նա կենդանության նշաններ ցույց չէր տվել։ Եվ ահա, երբ երեխան առաջին անգամ ճչաց, ցույց տվեց կենդանության նշաններ, դայակը դուրս եկավ փողոց և անծանոթից խնդրեց մի անուն ասել։ Անծանոթն առաջարկեց Էնդրոմեհա (Andromaha (Andromache)) անունը, սակայն սա շատ հունական էր, իսկ ահա երկրորդ անծանոթի առաջարկած անունը՝ Վանգելիա, որը նշանակում է «բարի լուր բերող», դուր եկավ դայակին, և նա ընտրեց այդ անունը, չնայած այն նույնպես հունական ծագում ուներ, բայց այդ տարածքներում տարածված անուն էր։
Ծանոթագրություններ
 | Վիքիքաղվածքն ունի նյութեր, որոնք վերաբերում են «Վանգա» հոդվածին։ |
 | Վիքիպահեստն ունի նյութեր, որոնք վերաբերում են «Վանգա» հոդվածին։ |
This article uses material from the Wikipedia Հայերեն article Վանգա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.