Ռոբերտ Ջեյմս Բոբ Շիլլեր (անգլ.՝ Robert James Bob Shiller, մարտի 29, 1946(1946-03-29), Դետրոյթ, Միչիգան), ամերիկացի ականավոր գիտնական-տնտեսագետ, տնտեսագիտական հայտնի գրքերի հեղինակ, Նոբելյան մրցանակի դափնեկիր՝ Ակտիվների գների փոփոխման էմպիրիկ վերլուծության համար (2013)։ Ներկայումս (2014) Յելի համալսարանի տնտեսագիտության Ստերլինգի պրոֆեսոր և Յելի մենեջմենթի դպրոցին կից գործող Յելի՝ ֆինանսների միջազգային կենտրոնի գիտաշխատող։ Շիլլերը MacroMarkets LLC ներդրումային կազմակերպության հիմնադիրն ու գլխավոր տնտեսագետն է։
Ռոբերտ Շիլլերը այն բազմաթիվ ամերիկացիներից մեկն է, ում ծնողները գաղթել են Լիտվայից 1918 թվականին՝ մինչև անկախության ձեռքբերումը։
Պապը՝ Իգնաս Սիլոմը տեղափոխվել էր ԱՄՆ 1908 թվականին։
Ռոբերտ Շիլլերը սովորել է Միչիգանի համալսարանում, որտեղ 1967 թվականին ստացել է բակալավրի աստիճան և Մասաչուսեթսի տեխնոլոգիական ինստիտուտում, որտեղ 1968 թվականին ստացել է մագիստրոսի, իսկ 1972 թվականին՝ դոկտորի աստիճան։ Դոկտորական թեզը պաշտպանել է Ֆրանկո Մոդիլյանիի ղեկավարությամբ։
Դասավանդել է Փենսիլվանիայի համալսարանի Ուորթոնի բիզնեսի դպրոցում և Մինեսոտայի համալսարանում։ 1980 թվականից Տնտեսագիտական հետազոտությունների ազգային բյուրոյի գիտաշխատող։ 1982 թվականից դասավանդում է Յելի համալսարանում։
2005 թվականին եղել է ԱՄՆ տնտեսագիտական ասոցիացիայի փոխնախագահը, իսկ 2006-2007 թվականներին՝ Արևելյան տնտեսագիտական ասոցիացիայի նախագահը։
Ռոբերտ Շիլլերը մտնում է աշխարհի հարյուր ամենաազդեցիկ տնտեսագետների մեջ։
Վիքիպահեստն ունի նյութեր, որոնք վերաբերում են «Ռոբերտ Շիլլեր» հոդվածին։ |
This article uses material from the Wikipedia Հայերեն article Ռոբերտ Շիլլեր, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.