Ջոզեֆ Ուոքեր
Ջոզեֆ Ուոքեր (անգլ.՝ Joseph Walker, օգոստոսի 22, 1892(1892-08-22), Դենվեր, ԱՄՆ - օգոստոսի 1, 1985(1985-08-01), Լաս Վեգաս, Նևադա, ԱՄՆ), ամերիկացի կինոօպերատոր։ Մոտ 145 ֆիլմի օպերատոր է։
| Ջոզեֆ Ուոքեր | |
|---|---|
 | |
| Ի ծնե անուն՝ | Joseph Walker |
| Ծննդյան թիվ՝ | օգոստոսի 22, 1892 |
| Ծննդավայր՝ | Դենվեր, Կոլորադո, ԱՄՆ |
| Վախճանի թիվ՝ | օգոստոսի 1, 1985 |
| Վախճանի վայր՝ | Լաս Վեգաս, Նևադա, ԱՄՆ |
| Երկիր՝ |  ԱՄՆ |
| Ազգություն՝ | ԱՄՆ |
| Քաղաքացիություն՝ | USA |
| Մասնագիտություն՝ | կինոօպերատոր |
| Կարիերա՝ | 1919-1952 |
| Պարգևներ՝ | 4 անգամ ներկայացվել է Օսկարի |
| IMDb։ | ID 0907900 |
Կենսագրություն
Ջոզեֆ Ուոքերը ծնվել է ԱՄՆ-ի Կոլորադո նահանգի Դենվեր քաղաքում։ Սկզբնական շրջանում աշխատել է որպես հեռախոսային լարերի ինժեներ, ապա Կարմիր խաչի համար լուսանկարիչ է աշխատում Առաջին համաշխարհային պատերազմում։
Մի քանի օպերատորական գյուտերի հեղինակ է։
1984 թվականին իր երկրորդ կնոջ՝ Խուանիտա Ուոքերի հետ միասին նկարահանել է ինքնակենսագրական ֆիլմ՝ «Լույսը նրա դեմքին»։ Մահացել է 1985 թվականին՝ 92 տարեկան հասակում, ԱՄՆ-ի Լաս Վեգաս քաղաքում։
Կարիերա
Իր կարիերայի սկզբում՝ սկսած 1919 թվականից, աշխատում է Canadian film Back to God's Country ընկերությունում, որը նկարահումներ էր անում Արկտիկայի շրջանում։ Հաջորդ 7 տարիների ընթացքում աշխատում է անկախ ռեժիսորներ Վ. Ս. Վան Դյուկի, Ֆրենսիս Ֆորդի և Ջորջ Բ. Սեյցի հետ։ Իսկ 1927 թվականից մինչև կարիերայի ավարտը՝ 1952 թվականը մեծ մասամբ աշխատում է Columbia Pictures կինոնկերության նախագծերում
Հատկապես հաջող են եղել նրա ու ռեժիսոր Ֆրենկ Կապրայի համագործակցությունը մոտ քսան ֆիլմերում, որոնցից առավել նշանավոր են՝
- «Ժամանցի լեդիները» (1930)
- «Լեդի մեկ օրով» (1933)
- «Գեներալ Յենի դառը թեյը» (1933)
- «Դա տեղի է ունեցել մեկ անգամ գիշերը» (1934)
- «Կորած հորիզոն» (1937)
- «Միստեր Դիդսը տեղափոխվում է քաղաք» (1936)
- «Քո հետ չես տանի» (1938)
- «Միստեր Սմիթը գնում է Վաշինգտոն» (1939)
- «Այս հրաշալի կյանքը» (1946)
Մրցանակներ
4 անգամ ներկայացվել է Օսկարի հետևյալ ֆիլմերի համար.
- «Քո հետ չես տանի» - 1939
- «Միայն հրեշտակները թևեր ունեն» - 1940
- «Ահա գալիս է միստր Ջորդանը» - 1942
- «Ջոլսոնի պատմությունը» - 1947
Ծանոթագրություններ
This article uses material from the Wikipedia Հայերեն article Ջոզեֆ Ուոքեր, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.