Փորոտանիների մեծ մասը պաշտպանված է մեկ պարուրաձև խեցիով, որի մեջ կենդանին կարող է թաքնվել վտանգի դեպքում։ Նրանց մեծամասնությունն ունի առանձնացված գլուխ շոշափուկների ծայրերին տեղակայված աչքերով։ Ծովերում, քաղցրահամ ջրերում և ցամաքում բնակվող փորոտանիները կազմում են փափկամարմինների տեսակների ընդհանուր թվի 1/3 մասը։ Փորոտանիների մեծ մասը ծովաբնակ է։ Ունեն ամբողջական խեցի, որը սովորաբար պարուրաձև է։ Նրանց մի մասը բուսակեր է, սակայն կան նաև գիշատիչ փորոտանիներ։
Խխունջ են անվանում այն փորոտանիներին, որոնք ունեն արտաքին խեցի, իսկ ռուդիմենտային կամ կորսված խեցիով փորոտանիներն անվանում են կողինջներ։
Խխունջի մարմինը կազմված է գլխից, ոտքից և իրանից, որը պատված է մաշկային ծալքով՝ ked թիկնոցով, որի արտաքին մակերեսին գտնվում է խեցին, որը կատարում է պաշտպանական դեր։ Թիկնոցի և իրանի միջև գտնվում է թիկնոցային խոռոչը, որի մեջ բացվում են հետնաղին, սեռական և արտաթորության համակարգի արտատար ծորանները։ Այդ խոռոչում են գտնվում նաև խռիկները։ Սնվում են խաղողի և այլ բույսերի տերևներով։ Բայց տարացքներում կարելի է հանդիպել հիմնականում գիշերային կենսակերպ վարող կողինջների, որոնց խեցին մասնակի կամ լրիվ ապաճել է։
Կենսաբանության 7-րդ դասարանի դասագիրք
Վիքիցեղերն ունի նյութեր, որոնք վերաբերում են «Փորոտանիներ» հոդվածին։ |
Վիքիպահեստն ունի նյութեր, որոնք վերաբերում են «Փորոտանիներ» հոդվածին։ |
This article uses material from the Wikipedia Հայերեն article Փորոտանիներ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.