«Էլվիս» (անգլ.՝ Elvis), սպասվելիք կենսագրական ֆիլմ Էլվիս Փրեսլիի մասին, որի համահեղինակը և ռեժիսորը Բազ Լուրմանն է։ Գլխավոր դերերում հանդես են եկել Օսթին Բաթլերը և Թոմ Հենքսը։
Տեղեկությունը այս հոդվածում կամ նրա որոշ բաժիններում հնացել է: Դուք կարող եք օգնել նախագծին՝ թարմացնելով այն և դրանից հետո հեռացնել կաղապարը: |
Ֆիլմը տեղայնացող Warner Bros. Pictures ընկերությունը նախատեսում է թողարկել այն 2021 թվականի նոյեմբերի 5-ին։
Ռոքնռոլի լեգենդ Էլվիս Փրեսլիի կյանքի և կարիերայի ժամանակագրություն։
Նախագծի մասին առաջին անգամ հայտարարվել էր 2014 թվականի ապրիլին, երբ Բազ Լուրմանը բանակցությունների մեջ է մտել ֆիլմը նկարահանելու, իսկ Քելի Մարքելը՝ սցենարը գրելու համար։ Մինչև 2019 թվական ֆիլմի մասին հայտարարություններ չեն հնչել։ Սակայն 2019 թվականի մարտին հայտարարվել է, որ Թոմ Հենքսն ընդգրկվել է դերասանական կազմում Թոմ Փարքերի դերը կատարելու համար։ Լուրմանը դարձել է ֆիլմի ռեժիսորը, ինչպես նաև փոխարինել է Մարքելին՝ Քրեյգ Փիրսի և Սեմ Բրոմելի հետ միասին դառնալով սցենարի համահեղինակ։ Հուլիսին Փրեսլիի դերը կատարելու համար նախատեվում էին այնպիսի դերասաններ, ինչպիսիք են Էնսել Էլգորթը, Մայլզ Թելերը, Օսթին Բաթլերը, Աարոն Թեյլոր-Ջոնսոնը և Հարի Սթայլզը։ Արդյունքում՝ որպես Էլվիսի դերակատար ընտրվել է Բաթլերը։ Նույն տարվա հոկտեմբերին Օլիվիա ԴեՋոնգն ընդգրկվել է դերասանական կազմում՝ Փրիսցիլա Փրեսլիի դերը կատարելու համար։ 2020 թվականի փետրվարին Մեգի Ջիլենհոլը և Ռուֆուս Սյուելը միացել են ֆիլմի անձնակազմին՝ որպես Գլեդիս և Վերնոն Փրեսլիների դերակատարներ, իսկ Յոլան՝ քույր Ռոզետա Թարփի։
Ֆիլմի նկարահանումները սկսվել են Ավստրալիայում 2020 թվականի հունվարի 28-ին։ 2020 թվականի մարտի 12-ին դրանք սառեցվել են, քանի որ Հենքսը և նրա կինը՝ Ռիտա Ուիլսոնը, COVID-19 թեստավորման արդյունքում դրական պատասխան են ստացել։
Ֆիլմը նախատեսվում է թողարկել 2021 թվականի նոյեմբերի 5-ին։ Ի սկզբանե այն նախատեսվում էր թողարկել 2021 թվականի հոկտեմբերի 1-ին, սակայն պրեմիերան հետաձգվել է COVID-19 համավարակի պատճառով։
Վիքիպահեստն ունի նյութեր, որոնք վերաբերում են «Էլվիս (ֆիլմ, 2021)» հոդվածին։ |
This article uses material from the Wikipedia Հայերեն article Էլվիս (ֆիլմ, 2021), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.