Գերմանական Ազգային Թանգարան
Գերմանական ազգային թանգարան (գերմ.՝ Germanisches Nationalmuseum) Նյուրնբերգում, արվեստի և պատմության ամենամեծ թանգարանը գերմանախոս Եվրոպայում։ Թանգարանում ցուցադրվում է ավելի քան 1,3 միլիոն ցուցանմուշ։ Այն որպես Գերմանական թանգարան (Germanisches Museum) 1852 թվականին հիմնադրել է Հանս Ֆիլիպ ֆոն Աուֆզեսը։ Ժամանակակից թանգարանային համալիրը (վերջին անգամ վերանորոգվել է 1996 թվականին) ընդգրկում է նյուրնբերգյան կարտեզյան միաբանության մեծ եկեղեցու շինությունը (նաև գավիթը)։
Գերմանական ազգային թանգարան | |
|---|---|
 | |
 | |
| Տեսակ | ազգային թանգարան և պատկերասրահ |
| Երկիր |  Գերմանիա |
| Տեղագրություն | Նյուրնբերգ |
| Կազմված է | Q117450786? |
| Հասցե | Kartäusergasse 1, 90402 Nürnberg |
| Հիմնադրվել է | 1852 |
| Հիմնադիր | Հանս Ֆիլիպ ֆոն Աուֆզես |
| Այցելուներ | 405 799 մարդ |
| Տնօրեն | Գ․ Ուլրիխ Գրոբման |
| Կայք | gnm.de(գերմ.) |
Թանգարանային ցուցադրություն
Առավել նշանակալից են գեղանկարների և քանդակների հավաքածուները։ Գեղանկարչության հավաքածուն ներառում է Ալբրեխտ Դյուրերի, Հանս Հոլբայն Ավագի, Լուկաս Կրանախ Ավագի, Պիտեր Բրեյգել Ավագի, Ռեմբրանդի և բազմաթիվ նկարիչների գործեր։
Քանդակների հավաքածուն հայտնի է Ֆայտ Շտոսի և Ադամ Կրաֆտի աշխատանքներով։
Թանգարանում ցուցադրված են նաև պատմական երաժշտական գործիքներ, խաղալիքներ, ինտերիերի և կահույքի տարրեր, աստղագիտական, աշխարհագրական և վիրաբուժական գործիքների գիտական պարագաներ, նաև՝ Մարտին Բեհայմի Երկրային խնձորը, դրամներ, կնիքներ, շքանշաններ, տեքստիլի նմուշներ, ոսկերչական զարդեր, զենքեր և որսորդական պարագաներ։
Թանգարանի արխիվում պահպանվում են ավելի քան 10000 հին ձեռագրեր և փաստաթղթեր։
Երաժշտական գործիքներ
Գերմանական թանգարանում է գտնվում Եվրոպայում պատմական երաժշտական գործիքների ամենամեծ հավաքածուն։ Ցուցադրությունից բացի՝ թանգարանը, Բավարական ռադիոյի հետ համատեղ, կազմակերպում է «Musica Antiqua» շարքի համերգներ, որոնց մասնակցում են հայտնի երաժիշտներ՝ թանգարանային հավաքածուի նվագակցությամբ։
Ցուցանմուշներից առավել հայտնի երաժշտական գործիքներից են․
- 1551 թվականով թվագրված լավ պահպանված հնագույն տենորային տրոմբոնը
- զարդարուն բասային վիոլա (1563) վարպետ Հանս Ֆոգելի աշխատանքը
- վիրգինալ (ֆլամանդացի վարպետ Մ. վան դեր Բիստ, 1580)
- փղոսկրից ֆլեյտա (վարպետ Յակոբ Դեններ)
- կոնտրաբասային ֆլեյտա (բլոկֆլեյտա) (վարպետ՝ Հիերոնիմ Կյունզեկեր)
- Կլավեսին, մոտ․ 1750 (Յոհան Դանիել Դուլկեն)
- XVII դարավերջի հնգալար կիթառ (վարպետ՝ Հոակիմ Տիլկե)
- ջութակ, մոտ․ 1680 (վարպետ՝ Մաթիաս Գումել)
- մուրճիկավոր դաշնամուր, 1749 (վարպետ՝ Գոտֆրիդ Զիլբերման)
- սպինետ, 1767 (վարպետ՝ Յոհան Հենրիխ Զիլբերման)
- մուրճիկավոր դաշնամուր, 1788 (վարպետ՝ Յոհան Անդրեաս Շտայն)
Հավաքածուն ներառում է նաև մասնավոր հավաքածուներ, որոնցից վերջինը (2000 թվականին) Կառլ և Հելգա Հախենբերգների պղնձե փողային գործիքների հավաքածուն է։
Պատկերասրահ
Ծանոթագրություններ
Գրականություն
- Культура Германии: лингвострановедческий словарь (GERMANISCHES NATIONALMUSEUM ГЕРМАНСКИЙ НАЦИОНАЛЬНЫЙ МУЗЕЙ) 338—338
Արտաքին հղումներ
 | Վիքիպահեստն ունի նյութեր, որոնք վերաբերում են «Գերմանական ազգային թանգարան» հոդվածին։ |
This article uses material from the Wikipedia Հայերեն article Գերմանական ազգային թանգարան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.