Գանձակի պայմանագիր, 1724 թվականի մարտի 4-ին Արցախի հայերի (սղնախների) և Գանձակի թյուրքերի (թաթարների) ֆեոդալների միջև Գանձակում կնքված պայմանագիր։ Պայմանագրի նպատակն էր միավորել Արցախի հայերի ու Գանձակի թյուրքերի ռազմական ուժերն ընդդեմ Օսմանյան կայսրության և Դաղստանի լեզգի ֆեոդալների։
1724 թվականի փետրվարին Արցախի սղնախների հարյուրապետերը (յուզբաշիները) և մելիքները դիմել են Ռուսական կայսրության ներկայացուցիչ Իվան Կարապետին, որպեսզի նա դառնա միջնորդ Արցախի հայերի ու Գանձակի թյուրքերի միջև դաշինք կնքելու համար։ Արդյունքում կնքվել է փոխօգնության պայմանագիր երկու օրինակից՝ հայերեն և պարսկերեն։
Հայկական կողմից ստորագրել են Եսայի Հասան–Ջալալյանը, Ավան հարյուրապետը, Արցախի մելիքները, իսկ երկրորդ կողմից՝ Գանձակի թյուրք մեծամեծեերը։ Հայերը պարտավորվել են օգնության հասնել Գանձակի թյուրքերին՝ Օսմանյան կայսրության կամ լեզգի ֆեոդալների հարձակման դեպքում, իսկ Գանձակի թյուրքերը, իրենց հերթին, օգնելու էին Արցախի հայերին՝ նրանց վրա հարձակվելու դեպքում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 686)։ |
This article uses material from the Wikipedia Հայերեն article Գանձակի պայմանագիր (1724), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.