Ֆիլմ Գալակտիկայի Պահապանները

Անվան այլ կիրառումների համար տե՛ս՝ Գալակտիկայի պահապանները (այլ կիրառումներ)

Գալակտիկայի պահապանները անգլ.՝ Guardians of the Galaxy
Երկիր	ԱՄՆ
Ժանր	ֆանտաստիկ ֆիլմ և ֆիլմ սուպերհերոսների մասին
Հիմք	Գալակտիկայի պահապաններ
Թվական	օգոստոսի 1, 2014, օգոստոսի 1, 2014, օգոստոսի 13, 2014, օգոստոսի 14, 2014, օգոստոսի 28, 2014 և հուլիսի 31, 2014
Լեզու	անգլերեն
Ռեժիսոր	Ջեյմս Գան
Պրոդյուսեր	Քևին Ֆայգի
Սցենարի հեղինակ	Ջեյմս Գան, Նիքոլ Փերլման, Դեն Աբնեթ և Էնդի Լանինգ
Դերակատարներ	Քրիս Փրեթ, Բատիստա, Զոի Սալդանա, Մայքլ Ռուքեր, Լի Փեյս, Օֆելյա Լովիբոնդ, Քարեն Գիլան, Ջիմոն Հոնսու, Գլեն Քլոուզ, Ջոշ Բրոլին, Բենիսիո դել Տորո, Ջոն Ք. Ռայլի, Շոն Գան, Փիթեր Սերաֆինովիչ, Գրեգ Հենրի, Շարիֆ Աթքինս, Բրենդան Ֆեր, Թոմաս Արանա, Ալեքսիս Դենիսոֆ, Ջեյմս Գան, Լլոյդ Կաուֆման, Սթեն Լի, Էմեթ Ջ. Սկանլան, Դեբորա Ռոսան, Սեթ Գրին, Լորա Հեդոք, Քրիստոֆեր Ֆեյրբենք, Քրիստիան Գոդլևսկի, Ուայաթ Օլեֆ, Ջենիս Ահերն, Սոլոմոն Մոուսլի, Լինդսի Մորթոն, Ռոբերտ Ֆերթ, Մելիա Քրեյլինգ, Թոմ Փրոքթոր, Նիկ Հոլմս, Մաքս Ռոթսլի, Նիկոլ Ալեքսանդրա Շիփլի, Միքայելա Հուվեր, Դոմինիկ Գրանթ, Սփենսեր Ուայլդինգ, Ալիսոն Լինթոթ, Ալեքսիս Ռոդնի, Քիլի Ֆորսիթ, Ֆրենկ Ջիլհուլի, Էնցո Չիլենտի, Ռիչարդ Կաց, Էնոք Ֆրոսթ, Ռոնան Սամերս, Լորա Օրտիս, Մարամա Քորլեթ, Ռոզի Ջոնս, Աբիդեմի Սոբանդե, Եկատերինա Զալիտկո, Էմիլի Ռեդինգ, Ալեքս Ռոուզ, Ֆրեդ, Սթիվեն Բլեքհարթ, Ջենիֆեր Մոյլան-Թեյլոր, Բրյուս ՄակՔինոն, Մայքլ Այնեսոն, Նաոմի Ռայան, Ջոն Բրաթերթոն, Գրեհեմ Շիլզ, Դուգլաս Ռոբսոն, Ռեյչել Քալեն, Իզաբելա Փոյնթոն, Իմոջեն Փոյնթոն, Դևիդ Յարովենսկի, Միրիամ Լյուչիա, Վին Դիզել և Բրեդլի Քուփեր
Օպերատոր	Բեն Դևիս
Երաժշտություն	Թայլեր Բեյթս
Մոնտաժ	Ֆրեդ Ռասկին
Պատմվածքի վայր	Քսանդար, ԱՄՆ և Նոուեր
Նկարահանման վայր	Լոնդոն, Shepperton Studios, Longcross Studios, Միլենիում կամուրջ և Լլոյդի շենք
Կինոընկերություն	Marvel Studios
Տևողություն	121 րոպե
Բյուջե	170 000 000 $
Շահույթ	772 776 600 $ և 333 718 600 $
Հաջորդ	Գալակտիկայի պահապաններ 2
Պաշտոնական կայքէջ
Guardians of the Galaxy (film) Վիքիպահեստում

Սցենարի վրա աշխատել Փերլմենը սկսել է դեռևս 2009 թվականից։ Պրոդյուսեր Քևին Ֆեյջը «Գալակտիկայի պահապանների» մասին առաջին անգամ հրապարակայնորեն խոսել է 2010 թվականին, անվանելով այն պոտենցիալ ֆիլմ, իսկ Marvel Studios-ը 2012 թվականի San Diego Comic-Con International-ի ժամանակ հայտարարեց, որ ֆիլմը գտնվում է ակտիվ արտադրության մեջ։ Գաննը վարձվեց, որպեսզի այդ տարվա սեպտեմբերին գրի սցենարը և նկարահանի ֆիլմը։ 2013 թվականի փետրվարին Փրեթը հաստատվեց գլխավոր հերոսի դերում, իսկ դերասանական կազմի մյուս անդամները հետագայում հերթով ընտրվեցին։ Հիմնական նկարահանումները սկսեցին 2013 թվականի հուլիսին՝ Անգլիայում գտնվող Shepperton Studios-ում, որոնք շարունակվեցին Լոնդոնում՝ մինչև նույն թվականի հոկտեմբեր ամիսը։ Հետարտադրությունն ավարտվեց 2014 թվականի հուլիսի 7-ին։

«Գալակտիկայի պահապանների» Հոլիվուդյան պրեմիերան տեղի ունեցավ 2014 թվականի հուլիսի 21-ին։ Հյուսիսային Ամերիկայում այն մեծ էկրաններին բարձրացավ 2014 թվականի օգոստոսի 1-ին՝ 3D և IMAX 3D ձևաչափերով։ Ֆիլմն ունեցավ քննադատական և շուկայական մեծ հաջողություններ, որի շահույթն ամբողջ աշխարհում կազմեց $773.3 միլիոն՝ դառնալով 2014 թվականի միակ սուպերհերոսային ֆիլմը, որն ունեցավ այդքան մեծ շահույթ, ինչպես նաև Հյուսիսային Ամերիկայի տարածքում 2014 թվականի ամենաշահութաբեր երկրորդ ֆիլմը։ Ֆիլմը գովեստի արժանացավ իր հումորի, վիզուալ էֆեկտների, սաունդթրեքերի, Գաննի ռեժիսուրայի և դերասանական խաղի համար։ Սիկվելը, որի անունն է «Գալակտիկայի պահապանները․ հատոր 2», թողարկվելու է 2017 թվականի մայիսի 5-ին։

1988 թվականին՝ մոր մահից հետո, Փիթեր Քվիլլին առևանգում են այլմոլորակայինները։ Նրանք իրեն դաստիարակում են որպես գող, և նա ինքն իրեն դնում է Աստղային լորդ մականունը։ 26 տարի անց Փիթեր Քվիլլը գալիս է Մորագ լքված մոլորակը, որպեսզի առևանգի առեղծվածային տարերքը։ Սակայն նրան բռնում է Կրիի ռասայի զինվորների խումբը՝ Կորաթի գլխավորությամբ, ով նույնպես եկել էր տարերքի ետևից, որպեսզի փոխանցեր այն Կրիի ռասայի ֆանատիկոս Ռոնանին։ Քվիլլին հաջողվում է տարերքի հետ փախչել, սակայն նրա գտնվելու վայրը հայտնի է լինում Յոնդուին՝ տիեզերական ծովահեն-հետապնդողների պարագլխին, ով էլ հենց Քվիլլին փախցրել էր Երկրից և մեծացրել։ Փիթերը պետք է տարերքը տար նրան, սակայն որոշում է ուղղակի վաճառել պատվիրատուին։ Բարկացած Յոնդուն մրցանակ է առաջադրում Քվիլլին որսալու համար։

Ռոնանն իմանում է այն մասին, որ տարերքը գողացել է Աստղային լորդը և հանձնարարում Գամոռային, որպեսզի վերադարձնի այն։ Վերջինս Քվիլլին գտնում է Քսանդարում, ով մերժվել էր պատվիրատուի կողմից տարերքի գնելու հարցում, քանի որ դրանով հետաքրքրված էր այնպիսի վտանգավոր դեմք, ինչպիսին էր Ռոնանը։ Գամոռան փորձում է հափշտակել տարերքը, սակայն Աստղային լորդը հասնում է նրան։ Նրանց կռվին են խառնվում երկու որսորդներ՝ խելացի Ռեակտիվ ջրարջը և ծառանման մարդակերպ Գրութը։ Բայց նրանց բոլորին ձերբակալում են տեղի անվտանգության աշխատակիցները՝ Կորպուս Նովան և մի քանի հանցագործությունների մեղադրանքներով տեղափոխում են Կիլն տիեզերական կայարանի բանտ։

Ռոնանի հետ համագործակցելու համար այնտեղ Գամոռային փորձում են սպանել, ով մեղադրվում էր բազմաթիվ բանտարկյալների հարազատների սպանության մեջ, որոնց մեջ էր նաև վտանգավոր մարդասպան Ավերող Դրաքսը։ Քվիլլին հաջողվում է համոզել Դրաքսին, որ Գամոռան կարող է օգնել Ռոնանին ոչնչացնելու հարցում։ Աստղային լորդը, Գամոռան, Դրաքսը, Ռեակտիվը և Գրութը միավորվում են, որպեսզի փախչեն և հսկայական գումարի դիմաց վաճառեն տարերքը։ Ռեակտիվ ջրարջը պլան է մշակում, որի շնորհիվ թիմը փախչում է բանտից դեպի Միլանոն՝ Քվիլլի նավը։

Ռոնանը կապվում է Թանոսի հետ, ով տարերքի փոխարեն խոստացել էր ոչնչացնել Քսանդարը՝ մեղադրելով նրան այն հարցում, որ իր խորթ դուստր Գամոռան դավաճանել է իրենց։ Այդ ժամանակ հերոսները ժամանում են Մոռացություն տիեզերական կայանատեղին, որտեղ իրենց պետք է սպասեր տարերքի գնորդը։ Պարվվում է, որ գնորդը հարուստ կոլեկցիոներ Թեյնլիր Թայվենն է։ Նա բացում է տարերքը, որի ներսում գտնվում է Անսահմանության քարը՝ շատ հզոր իր, որն ունակ է ոչնչացնելու մոլորակներ, սակայն որին կարող են տիրել միայն մեծ ուժի տեր արարածները։ Կարինան՝ կոլեկցիոների ստրկուհին փորձում է գողանալ քարը, որպեսզի ազատվի ստրկությունից, սակայն քարի ուժը ոչնչացնում է նրան և տեղի ունենում պայթյուն, որն ավերում է Թայվենի թանգարանը։

Միաժամանակ, արբած Դրաքսը կանչում է Ռոնանին, որպեսզի կռվի նրա դեմ։ Մեղադրողը հեշտությամբ հաղթում է Ավերողին, իսկ Նեբուլան՝ Ռոնանի գործակալը և նրա մյուս խորթ դուստր Նեբուլան առևանգում են տարերքը։ Գամոռան, ով փորձում էր խանգարել իր քրոջը, հայտնվում է բայց տիեզերքում։ Որպեսզի նա փրկվի, Աստղային լորդը հայտնում է Յոդնուին իր տեղանքի մասին և վակուումով հետևում Գամոռային։ Ավերողները բռնում են նրանց, Յոնդան որոշում է սպանել Քվիլլին, սակայն նա համոզում է նրան, որպեսզի գողանա Ռոնանի մոտ գտնվող այդ հզոր քարը։ Ռեակտիվը, Գրութը և Դրաքսը կարծելով, որ իրենց ընկերները գերի են ընկել, սպառնում են Ավերողներին, սակայն Քվիլլն ամեն ինչ բացատրում է և եռյակը միանում է թիմին։

Իր հրամանատարական նավի վրա Ռոնանը Նեբուլայից ստանում է քարը և դնում իր մարտական մուրճի վրա, որպեսզի օգտագործի դրա ուժը։ Նա կապվում է Թանոսի հետ և ասում, որ հիմա, քարի ուժի շնորհիվ նրան արդեն օժանդակ օգնություն պետք չէ Քսանդարը ոչնչացնելու համար։ Ինչպես նաև Քսանդարը ոչնչացնելուց հետո նա կսպանի հենց Թանոսին։ Նեբուլան դավաճանում է հորը և անցնում Մեղադրողի կողմը։ Ռոնանի տիեզերանավը մոտենում է Քսանդարին և սկսում ավերման իր գործընթացը։ Սակայն Ավերողները հարձակվում են հրամանատարական նավի վրա, նրանց է միանում Կորպուս Նովան, որը դիմադրություն է ցույց տալիս՝ օդանավերի միջոցով կենդանի էներգետիկ վահան սարքելով։ Ռեակտիվ ջրարջն Ավերողների գլխավորությամբ մնում է, որպեսզի կռվի Կրիի նավերի դեմ՝ մինչ մնացած հերոսները ներխուժում են Ռոնանի նավատորմ։ Նրանք բաժանվում են։ Գամոռան գնում է Ռոնանի հրամանատարական սենյակ՝ անջատելու դռների պաշտպանությունը, իսկ այդ ընթացքում Քվիլլը, Դրաքսը և Գրութը կռվում են մեղադրողի պահապանների դեմ։ Կռվի ժամանակ Դրաքսը սպանում է Քորաթին՝ նրա գլխից հանելով իմպլանտանտը։ Նեբուլան փորձում է խանգարել Գամոռային, սակայն զրկվում է ձեռքից և փախչում։ Հերոսները հայտնվում են Ռոնանի մոտ և փորձում սպանել նրան, սակայն չարագործը ողջ է մնում։ Նա ավերում է Կորպուսի նավերը և նավատորմն ընկնում է Քսանդարի վրա։ Գրութը մյուս հերոսների համար իր մարմնից ստեղծում է պաշտպանիչ վահան և ընկնելուց հետո զոհվում է։

Հայտնվելով մոլորակի մակերեսին՝ Ռոնանը պատրաստվում է ավերել Քսանդարը և ծաղրելով հերոսներին՝ նրանց անվանում է «Գալակտիկայի պահապաններ»։ Սակայն Քվիլլը պարելով շեղում է նրա ուշադրությունը, մինչ Դրաքսը պատրաստվում է կրակել Ջրարջի սուպերզենքով։ Կրակոցի արդյունքում քարն ընկնում է Ռոնանի մուրճի վրայից։ Քարի էներգիան սկսում է քանդել Աստղային լորդի մարմինը, սակայն Գամոռան, Դրաքսը և Ռեակտիվը բռնում են Քվիլլի ձեռքերից, ինչը թույլ է տալիս բաժանել քարի ուժը և ոչնչացնել Ռոնանին։ Հերոսները ողջ են մնում, սակայն ըստ պայմանավորվածության՝ տարերքը պետք է տան Յոնդային։

Իրենց կատարած մեծ գործի համար Կորպուս Նովան մոռանում է նրանց նախկին հանցագործությունները և վերականգնում Քվիլլի ավերած նավը։ Ինչպես նաև Աստղային լորդին հայտնում են, որ կիսով չափ մարդ է, ինչն էլ նրան թույլ տվեց դիմանալ քարին։ Հերոսները պլանավորում են հետագայում նույնպես պաշտպանել գալակտիկան վտանգներից։ Իր նավի վրա Յոնդուն բացում է տարերքը և տեսնում, որ քարի փոխարեն խաղալիք է դրված։ Իսկական քարը Պահապանները տվել էին Կորպուս Նովային։ Դրանից հետո երևում է, որ Գրութի ծիլը, որը վերցրել էլ Ջրարջը՝ տնկված է ծաղկամանում, արմատներ է տվել և աճել նոր Գրութ։

Տիտրերից հետո եկող տեսարանում Թեյնլեր Թայվենը նստած է իր թանգարանի ավերակների վրա և դժբախտությունից խմում է։ Նրան է մոտենում իր նախկին թանգարանային նմուշը՝ շուն-տիեզերագնաց Կոսմոն, ինչի վրա զարմանում է իր հավաքածուի մյուս նմուշը՝ մարդակերպ բադը՝ գավաթից ալկոհոլ խմելով։

 

«Գալակտիկայի պահապանների» դերասանական կազմը ներկայացնում է ֆիլմը 2013 թվականի San Diego Comic-Con International-ի ժամանակ։ Վերևից ներքև՝ Փրեթ, Սալդանա, Բատիստա, Փեյս, Ռուքեր, Գիլան, Հոնսու և դել Տոռո։

• Քրիս Փրեթ՝ Փիթեր Քվիլլ / Աստղային լորդ

Պահապանների կիսամարդ, կիսաայլմոլորակային ղեկավարը, ով 1988 թվականին Միսսուրի նահանգից առևանգվել և մեծացվել է այլմոլորակայինների կողմից։ Կերպարի մասին Փրեթն ասել է. «Նա ունեցել է ծանր մանկություն, իսկ հիմա նա արդեն զբոսնում է տիեզերքի շուրջը, կապվելով կրքոտ այլմոլորակային-աղջիկների հետ՝ լինելով խաբեբա և փնտրելով նոր բարձունքներ»։ Նա նաև ավելացրեց, որ իր կերպարը Հեն Սոլոյի և Մարտի ՄաքՖլայի խառնուրդն է։ Փրեթը հայտնի էր իր խաղացած երկրորդ պլանի կերպարներով, որոնցից էին Էնդի Դուայերը՝ «Այգիներ և հանգստի գոտիներ» հեռուստասերիալում, որից ի սկզբանե հրաժարվել էր։ Փրեթն իր կերպարներին համապատասխան լինելու համար ստիպված եղավ քաշ գցել այնպիսի ֆիլմերում, ինչպիսիք են «Մարդ, ով փոխեց ամեն ինչ»-ը և «Նշանակետ համար առաջին»-ը, որոնց հաջողությունից հետո նա հրավիրվեց նկարահանվելու էքշն ֆիլմերում՝ «Աստղային ճանարպարհ» և Ավատար։ Լսումների ռեժիսոր Սառա Ֆինը Փրեթին առաջարկեց Գաննին, ով սկզբում մերժեց առաջարկը։ Սակայն վերջինս հանդիպում կազմակերպելով այդ երկուսի համար՝ Գաննը միանգամից հասկացավ, որ Փրեթը լիովին համապատասխանում է այդ դերին։ Փրեթը հաստատվեց այդ դերում, չնայած նրան, որ հավելյալ քաշ էր հավաքել «Առաքիչ» ֆիլմի համար։ Իր կերպարին համապատասխանելու համար Փրեթը ստիպված եղավ 6 ամսվա ընթացքում նիհարել 27 կիլոգրամ։ Դերասանը Marvel-ի հետ կքնեց մի քանի ֆիլմերի պայմանագիր, ինչը ստիպեց նրան դուրս գալ «Այգիներ և հանգստի գոտիներ» նախագծից։ Ուայաթ Օլեֆֆը խաղում է մանկահասակ Քվիլլի դերը։

• Զոյի Սալդանա՝ Գամոռա

Այլմոլորակային աշխարհի որբ աղջիկ, ով ձգտում է փոխհատուցել նախկինում իր կատարած հանցագործությունների համար։ Նա մարզեցվել է Թանոսի կողմից, որպեսզի դառնա իր անձնական մարդասպանը։ Սալդանան ասել է, որ նա Գամոռա է դառել ավելի շատ դիմահարդարման, քան CGI գրաֆիկայի կամ շարժումների բռնման միջոցով։ Դերը ստանալուց Սալդանան ասել է. «Ես ուղղակի հիացած եմ նրանով, որ խաղալու եմ Ջեյմս Գաննի ֆիլմում՝ մարմնավորելով կանաչ որևէ մեկին։ Ես մինչ այդ, «Ավատար»-ից հետո կապույտ էի»։ Սալդանան Գամոռային նկարագրեց որպես «․․․ զինվոր, նա մարդասպան է և վտանգավոր մահացու, բայց այն ինչ կարող է փրկել նրան, կարող է կանգնեցնել դատավճռի առաջ։ Նա արդարության կողմինակից է, նա շատ արդար անձնավորություն է»։

• Դեյվ Բատիստա՝ Ավերող Դրաքսը

Զինվոր, ով փարձում է վրեժ լուծել Ռոնանից՝ ծնողների սպանության պատճառով։ Կերպարի հետ կապված Բատիստան ասել է. «Ես հեշտությամբ մտա Դրաքսի կերպարի մեջ, ինչն այդքան էլ զվարճալի չէր։ Մենք ունենք որոշ նմանություններ, ինչպիսիք են դաջվածքները և մարդկային կորուստները, քանի որ դուք գիտեք, որ ես իմ կյանքի ընթացքում բազմաթիվ կորուստներ եմ ունեցել։ Ուստի ինձ շատ հեշտ է կատարել նրա դերը»։ Բատիստան նշեց նաև. «Կերպարն ունի կոմիկական կոնտրաստ, սակայն նա էլ չի գիտակցում դա»։ Արտաքին տեսքի մասին նա ասել է. «Բարեբախտաբար ես մարզիկ եմ և շատ շուտ եմ հարմարվում»։ Բատիստայի դիմահարդարումը արվել է չորս ժամում, իսկ դրանից ազատվելը՝ 90 րոպեում։ Դրաքսն իր մարմնի վրա ունի տարբեր քերծվածքներ, որոնք փակված են դաջվածքներով և յուրաքանչյուրն ունի իր պատմությունը։ Բացի այդ, նրա մաշկի գույնը կոմիքսներում եղած բաց կանաչից փոխվեց կեղտոտ մոխրագույնի՝ խուսափելով Հալքի հետ ունեցած արտաքին նմանություններից։

• Վին Դիզել՝ Գրութ

Ծառանման-մարդակերպ, ով համագործակցում է Ռեակտիվի հետ։ Դիզելն ասաց, որ սկզբում նա պետք է միայն ապահովեր Գրութի ձայնն ու շարժումների բռնումը, իսկ ավելի ուշ հաստատվեց Marvel-ի նոր եռագրության դերասանական կազմում։ Դիզելը նաև Գրութի ձայնն ապահովել է ֆիլմի այլ լեզուների տարբերակներում։ Քրիստիան Լիզեվսկին մարմնավորեց կերպարը, սակայն իր դերասանությունը տեղ չգտավ վերջնական CGI տարբերակում։ Կերպարի մասին Դիզելն ասել է. ««Գալակտիկայի պահապաններ»-ի աստղային թիմի բոլոր անդամները խառնածիններ են՝ բացի Գրութից։ Նա անմեղ է։ Նա հարյուր տոկոսով մահացու վտանգավոր է, հարյուր տոկոսով անվնաս-քաղցրիկ։ Նա հայտնվում է Ռեակտիվի կյանքում, իրոք»։

• Բրեդլի Քուփեր՝ Ռեակտիվ

Գենետիկորեն կառուցված ջրարջ, ով հանդիսանում է արդար մարդասպան և վարպետորեն տիրապետում է մարտական արվեստին ու զենքերին։ Գանն աշխատել է իրական ջրարջերի հետ, որպեսզի ճիշտ ընկալի կերպարի ինքնությունը և համոզվի, որ այն «մուլտֆիլմի հերոս չէ», ասելով. «Նա Բագս Բաննի չէ Վրիժառուների կողքին, նա ընդամենը փոքրիկ, մի քիչ այլանդակված կենդանի է, որը միայնակ է։ Չկա նրան թեկուզ մի փոքր նման ողջ տիեզերքում։ Նա ստեղծվել է այդ տղաների կողմից, որպես պատերոզմող մեքենա»։ Համեմատելով պահապանների հետ, Ռեակտիվի մասին Քուփերն ասել է. «Ես կարծում եմ, որ նա եռանդուն է։ Նա նման է «Լավ տղաներ»-ից մեկին՝ Ջո Պեշիին»։ Մինչ Քուփերի միանալը դերասանական կազմին, Ջեյմս Գանն ասել էր, որ Հրթիռայինի համար ձայն գտնելը մի ամբողջ մարտահրավեր էր, քանի որ նա փնտրում էր մի այնպիսի մարդու, ով կարող էր համադրել «ջրարջի պես արագ խոսելու վարպետություններն ու հումորը՝ միևնույն ժամանակ ունենալով այնպիսի սիրտ, ինչպիսին նրանն է, որովհետև կային մի քանի դրամատիկ տեսարաններ նրա մասնակցությամբ»։

• Լի Փեյս՝ Ռոնան մեղադրող

Կրիի ռասայի առաջնորդ, ով համաձայնում է նմուշը վերադարձնել Թանոսին, որի փոխարեն նա կոչնչացներ իր ոխերիմ թշնամիներ Քսանդարացիներին։ Ռոնանը և Սակարաանի բանակը հետևում են Պահապաններին, երբ նրանք փորձում են խառնվել իր նպատակերի իրականացման գործում։ Նկարագրելով Ռոնանին՝ Գանն ասաց. «Նա հիմնական չարագործն է, նա իրոք շատ վատ տղա է, ֆիլմում ունի կրոնական շեղվածություն։ Նա լիովին ուրիշ կարծիք ունի բարոյականության մասին. ուժը՝ առավելություն, թուլությունը՝ մեղք։ Իմ կարծիքով նա շատ վտանգավոր է՝ իր հավատալիքների պատճառով»։ Փեյսը, ով սկզբում ընտրված էր Փիթեր Քվիլլի դերի համար, Ռոնանին նկարագրել է որպես «խելագար» և «հրեշ»։

• Մայքլ Ռուկեր՝ Յոնդու Ուդոնտա

Կապույտ մաշկով հանցագործ, ով Ավերողների առաջնորդն է և Քվիլլի խորթ հայրը։ Յոնդուն օգնում է Քվիլլին հափշտակել տարերքը՝ մինչ Քվիլլի դավաճանելը, Յոնդուին և Ավերողներին թողնելը՝ Պահապաններին միանալու համար։ Կերպարի,մասին Ռուկերն ասել է. «Նա ունի մի քանի խնդիրներ, ոչ լավ տղա է, ոչ էլ վատ։ Յոդնուի ներսում կա հույս և սիրտ»։ Ռուկերը վերջնականապես միացավ դերասանական կազմին այն ժամանակ, երբ իմացավ, որ «Քայլող մեռյալները» հեռուստասերիալում խաղացած իր դերն ավարտվում է։

• Քերեն Գիլան՝ Նեբուլա

Թանոսի խորթ աղջիկը, ով դաստիարակվել էր Գամոռայի հետ, որպես հարազատ քույրեր, ով անձնվեր աշխատանք է մատուցում Ռոնանին և Թանոսին։ Կերպարի մասին Գիլանն ասել է. «Նա ֆիլմի իգական սեռի չարագործն է... Նա շատ դաժան է և սատանայական»։ Նա նաև ավելացրեց. «Ես կարծում եմ, որ նա շատ հետաքրքիր կերպար է։ Ինձ դուր է գալիս այն, թե ինչքան խանդոտ է նա։ Նա Գամոռայի քույրն է, սակայն նրանց միջև կա հարազատ քույրերի մրցակցություն։ Նա նաև սադիստ է, ինչն էլ ավելի զվարճալի է դարձնում»։ Գիլանն ուսումնասիրել է հինավուրց սպարտացիներին, սափրել է գլուխը և երկու ամիս մարզվել է դերի համար։ Կերպարի դիմահարդարումը տևել է չորս ու կես ժամ։

• Ջիմոն Հոնսու` Քորաթ

Կրիի ռասայի ներկայացուցիչ, ով Ռոնանի դաշնակիցն է և միջգալակտիկական սարսափելի որսորդ։ Նրա մասին, թե ինչու է վերցրել դերը՝ Քորաթն ասել է. «Ես ունեմ չորս տարեկան որդի, ով սիրում է սուպերհերոսներին՝ Սարդ մարդուց մինչև Երկաթե մարդը և Բեթմենը։ Նա ունի նրանց բոլոր կոստյումները։ Մի օր նա նայեց ինձ և ասաց. -Հայրիկ ես ցանկանում եմ լինել բաց-մաշկով սուպերհերոս, այսինքն կարող եմ լինել Սարդ-մարդը։ Սարդ-մարդն ունի բաց մաշկ։ Դա ինձ համար շոկային էր։ Ահա թե ինչու եմ այսքան ոգևորված՝ Marvel-ի տիեզերքի մի մասը դառնալով։ Դրանով ես վերջապես կարող եմ ապահովել սուպերհերոսների բազմազանությունը»։

• Ջոն Քրիստոֆեր Ռայլի` Ռոմենն Դեյ

Կորպուս Նովայի հրամանատարը։

• Գլեն Քլոուզ՝ Իրանի Ռայել

Կորպուս Նովայի կոմանդորը, ում առաքելությունն է պահպանել Նովա կայսրության բնակչության խաղաղ ու ապահով կյանքը։ Քլոուզն ասել է. «Միշտ ցանկացել եմ խաղալ այնպիսի ֆիլմերում, ինչպիսին «Գալակտիկայի պահապաներն» են։ Ամենազվարճալին այնն է, որ խաղալու եմ Ջուդի Ռենչի («Ջեյմս Բոնդ» ֆիլմում) և Սեմյուել Լերոյ Ջեքսոնի Նիք Ֆյուրի կերպարների նման դեր»։ Նա նշել է, որ միշտ սիրել է ստեղծել մի բան, որը պահանջված է և տարբերվող, որպեսզի դրանով ցույց տա, որ միշտ պետք է եկել ինչ-ոչ բանի։ Դերասանուհին ավելացրել է նաև, որ Marvel-ի հետ իր պայմանագիրնը ներառում է մի քանի ֆիլմեր՝ բացի «Գալակտիկայի պահապաններ»-ի սիկվելներից։

• Բենիսիո դել Տորո՝ Թեյնլիր Թայվեն/Կոլեկցիոներ

Մոլեգին կոլեկցիոներ, ով պահում է միջաստղային ֆաունայի, մասունքների և տարատեսակների հավաքածուն։ Նա ապրում է Knowhere կոչվող տիեզերական բնակավայրում։ Նկարագրելով դել Տորոյի խաղը՝ Գանն ասել է. «Նա նման է բաց տիեզերքի Լիբերաչեին»։ Կերպարին կենդանություն տալուց՝ դել Տորոն ասել է. «Գաննը միայն այն էր ուզում, որպեսզի ես մաս առ մաս բացահայտեի և շարունակեի զարգացնել կերպարը, քանի որ ես տեսախցիկի առաջ էի»։

Ջոշ Բրոլինը ֆիլմում հնչյունավորեց և մարմնավորեց Թանոսի դերը, որը տիտրերում չնշվեց։ Շոն Գանն նկարահանումների ժամանակ օգնեց Թանոսի կերպարը բացահայտելում, ինչպես նաև մարմնավորեց Յոնդուի առաջին օգնական Քրեգլինին։ Ալեքսիս Դենիսոֆը կրկնում է Թանոսի վեզիրի՝ «Վրիժառուների» «Ուրիշի» դերը։ Օֆելիա Լովիբոնդը խաղում է Կոլեկցիոների ստրուկի՝ Կարինայի, Փիթեր Սերաֆինովիչը՝ Գերթեն Սաալի՝ Կորպուս նովայի ոստիկանի, Գրեգգ Հենրին՝ Քվիլլի կնքահոր, Լորա Հեդդոքը՝ Քվիլլի մոր՝ Մերեդիթի, Մելիա Քրեիլինգը՝ Բերիթի, Քրիստոֆեր Ֆեիրբենքը՝ Ավերողի, Միքայելե Հուվերը՝ Նովա կայսրության աշխատակցի, Մառամա Քորլեթը՝ բարի աշխատողի, Էմեթ Սքենլենը՝ Նովայի անվտանգության աշխատակցի, Ալեքսիս Ռոդնին՝ Մոլոկա Դարի, Թոմ Պրոկտորը՝ Ավերող Հորուզի և Սթենսեր Ուիլդինգը՝ բանտի անտվանգության աշխատակցի դերը։ Շուն-դերասան Ֆրեդը ֆիլմում հայտնվում է որպես Կոսմո, շուն-տիեզերագնաց։ Սթիվեն Բլեյքհարթն ունի երկրորդ պլանի դեր։ Նաոմի Ռայանը նույնպես ուներ երկրորդ պլանի դեր, սակայն այն տեղ չգտավ վերջնական տարբերակում։ Ֆիլմի կամեոները ներառում են՝ Ջեյմս Գաննը՝ Սակաարանի, Սթեն Լին՝ Քսանդարացի տղամարդու, Լլոյդ Քոֆմանը՝ հիվանդի, Նաթան Ֆիլլիոնը՝ հիվանդի ձայնի, Ռոբ Զոմբին՝ Ավերողի ուղեցույցի ձայնի, կոմպոզիտոր Թայլեր Բեյթսը՝ Ավերող-վարորդի, իսկ Սեթ Գրինը՝ Հովարդ բադի ձայնի կերպարները։

Զարգացում

Marvel Studios-ի նախագահ Քևին Ֆեյջը «Գալակտիկայի պահապաններ»-ի մասին որպես պոտենցիալ ֆիլմ խոսել է 2010 թվականի San Diego Comic-Con International-ի ժամանակ, նշելով, որ «կան շատ տարբեր վերնագրեր, ինչպիսին օրինակ «Գալակտիկայի պահապանները»»։ Ես կարծում եմ, որ դրանք զվարճալիորեն փոփոխվել են կոմիքսների գրքերում։ Ֆեյջը ֆիլմի մասին խոսեց նաև «Entertainment Weekly»-ի 2011 թվականի սեպտեմբեր ամսվա թողարկման հարցազրույցում, «մեծ հնարավորություն կա ստեղծելու տիեզերական մեծ էպիկական ֆիլմ, որն իր տիեզերականությամբ նմանություններ ունի Marvel-ի կինեմատոգրաֆիական տիեզերքի «Թոր»-ի հետ»։ Ֆեյջն ավելացրեց, որ այն նման է լինելու այնպիսի խմբակային կինոնկարների, ինչպիսիք են «X-մարդիկ» և «Վրիժառուները»։

Ֆեյջը հայտարարեց, որ 2012 թվականի San Diego Comic-Con International-ի ընթացքում ֆիլմը գտնվում էր ակտիվ արտադրության մեջ, իսկ պրեմիերան նախատեսվում էր 2014 թվականի օգոստոսի 1-ին։ Նա նշեց, որ ֆիլմի տիտղոսային թիմի անդամներն են՝ Աստղային լորդը, Դրաքս ավերողը, Գամոռան, Գրութը և Ռեակտիվ ջրարջը։ Այն առաջին անգամ ներկայացվեց միայն Ռեակտիվ ջրարջի, մյուսը՝ ամբողջ թիմի մասնակցությամբ։ 2012 թվականի օգոստոսին Գաննը բանակցությունների մեջ մտավ՝ ֆիլմի ռեժիսորը դառնալու համար՝ իր ետևում թողնելով Փեյթոն Ռիդին, Ռևայան Ֆլեք և Աննա Բոուդեն զույգին։ «Վրիժառուների» ռեժիսոր Ջոս Վեդոնը, ով պայմանագիր էր կնքել «Վրիժառուների» սիկվելները նկարահանելու համար, ուրախացել էր, որ ֆիլմի ռեժիսոր է ընտրվել Գաննը, ասելով, որ «Ջեյմս Գաննը շատ խենթ է, սակայն միաժամանակ շատ խելացի և վարպետ, ով ստեղծում է իր սրտից։ Նա սիրում է ջրարջին։ Ջրարջի կարիքն ունի․․․ Դժվար է, այն ինչ արվում է կենդանիների վրա՝ նույնն անել մարդ-կերպարներին»։

Գրում

Նիկոլ Փերլմենը, ով դեռևս 2009 թվականից պայմանագիր էր կնքել Marvel-ի հետ, վարձվեց, որպեսզի զարգացնի մի քանի ֆիլմերիի սցենարներ։ Փերլմենը լինելով տիեզերքի և գիտական ֆանտաստիկայի սիրահար, ամբողջի միջից ընտրեց Դեն Էբնեթի և Էնդի Լեննինգի «Գալակտիկայի պահապանները»։ -Ես չեմ կարող հիշել, թե ինչ անվանումներով սցենարներ էր առաջարկում ինձ Marvel-ը, սակայն կարող եմ միայն ասել, որ դրանցից մեկն ինձ շատ էր համապատասխանում, - ասել է Փերլմենը։ «Իմ կարծիքով նրանք շփոթության մեջ ընկան, երբ ես ընտրեցի «Պահապաններ»-ին, քանի որ դա տրամաբանական կլիներ այն դեպքում, երբ ես լինեի ռոմանտիկ կոմեդիաների սցենարիստ, կամ նման մի բան»։ Փերլմենը երկու տարի է ծախսել գրելով սցենարի սևագրերը՝ իրեն ամբողջովին ընկղմելով «Պահապաններ»-ի գալակտիկայում։ 2011 թվականի վերջին նա խնդրեց, որպեսզի գրի ևս մեկ սևագիր, և Ջեյմս Գաննը բերվեց, որպեսզի աջակցի սցենարի զարգացման գործում։ Արդյունքում Գաննը կրկին գրեց ողջ սցենարը, քանի որ նախկինն իր համար «չէր աշխատում»։ Նա ստիպված եղավ որպես հղում օգտագործել «Կեղտոտ դյուժին» ֆիլմը, որպեսզի վերջինիս միտքը փոխանցի Marvel-ին։ Գանն ավելի ուշ բացատրեց, որ այն սցենարը, որը նա օգտագործել է ֆիլմում՝ շատ է տարբերվում Փերլմենի սևագրերից, որտեղ լիովին այլ պատմություն էր, տարբեր էին կերպարները։ Նա ասել է. «Նիկոլի սցենարի մեջ ամեն ինչ մի փոքր ուրիշ էր։ Նույն նյութի մասին չէր։ Բայց ահա՝ ինչպես է աշխատում Ամերիկայի գրողների գիլդիան (անգլ.՝ Writers Guild of America (WGA)): Նրանք առաջին գրածները միշտ ավելի շատ են հավանում»։ 2012 թվականի օգոստոսին Marvel ընկերությունը վարձեց Քրիս ՄակՔոյին, որպեսզի նա կրկին գրի Փերլմենի սցենարը, սակայն վերջում, անհայտ պատճառներով, չնայած սցենարի վրա իր ունեցած ներդրումներին, եթե դրանք կան, նա չստացավ արտադրողական կրեդիտ։

2014 թվականի դեկտեմբերին Գաննը հայտարարեց, որ կերպարների ներկայացումն «ամենաբարդ մասն է», հատկապես Թանոսին։

Նախարտադրություն

2012 թվականի սեպտեմբերին Գաննը հաստատեց, որ պայմանագիր է կնքել՝ ֆիլմը նկարահանելու և սցենարը կրկին գրելու համար։ Նոյեմբեր ամսվա վերջին Ջոյել Էջերթոնը, Ջեք Հյուսթոնը, Ջիմ Սթարգեսսը և Էդդի Ռեդմեյնը պայմանագիր կնքեցին՝ իրենց փորձելու Փիթեր Քվիլլի դերում։ Նույնն արեց նաև Լի Փեյսը, ով մեկ շաբաթ ուշ հաստատվեց՝ դեկտեմբերի սկզբին։ Դերի համար պրոդյուսերներն ի նկատի ունեին նաև «Թոր։ Մռայլ աշխարհը» ֆիլմից Զաքարի Լևիին, Ջոզեֆ Գորդոն-Լևիթին և Մայքլ Ռոզենբաումին։ Քրիս Փրեթը լսումներին մասնակցեց 2013 թվականի փետրվարին, քանի որ Marvel-ի հետ կնքել էր մի քանի ֆիլմանոց պայմանագիր։

 

2013 թվականի հունվարին ֆիլմի նկարահանումները պլանավորվեցին կատարել Լոնդոնում գտնվող Shepperton Studios-ում։ Նույն ամսում Marvel Studios-ը հայտարարեց, որ ֆիլմը կթողարկվի 3D ձևաչափով։ Ֆիլմի գործադիր պրոդյուսեր Վիկտորիա Ալոնսոն ասաց, որ նկարահանումները կսկսեն հունիս ամսին։ Նա նաև ասաց, որ Հրթիռային ջրարջի և Գրութի կերպարները ֆիլմում կպատկերվեն CGI և շարժումների բռնմամ տեխնիկայի միջոցով։ Դրա մասին նա ասել է․ «Դուք չեք կարող անել շարժումների բռնում ջրարջերի հետ, նրանք թույլ չեն տա ֆիքսել իրենց։ Բայց մենք կանենք ռոտոսկոպիա, որպեսզի իմանանք նրանց վարքագիծը․․․ Մենք միանշանակ կունենանք կատարողներ, ովքեր կանեն այն, ինչ կասի Գաննը։ Նա կերպարներ վերցնելու հարցում շատ անկեղծ է»։ 2013 թվականի մարտին Ֆեյջն ասաց. ««Գալակտիկայի պահապանները», կապված Marvel-ի կինեմատոգրաֆիական տիեզերքի հետ, ավելի նման է «միայնակ սիկվելի»։ Այն տեղի ունենում նույն տիեզերքում։ Եվ երբ մենք հայտնվում ենք այդ նույն տիեզերքի մյուս կողմում՝ ուրիշ ֆիլմերում, դուք կորող եք այդ բնորոշ կողմերը տեսնել Պահապաններում, սակայն Վրիժառուները ներառված չեն այն գործողություններում, որոնք տեղի են ունենում այդ ժամանակ»։ Ֆեյջը նաև նշեց, որ ֆիլմի գործողությունների 95%-ը կընթանան տիեզերքում։ Մարտի կեսերին Դեյվ Բատիստան հաստատվեց իր Դրաքս ավերողի դերում։ Դերի համար նայվում էին մի քանի դերասաններ, ներառյալ Իսայա Մուստաֆան, Բրայան Պարտիկ Ուեդը և Ջեյսոն Մոմոան։ Նույն շաբաթվա մեջ քանդակագործ Բրայան Մուիրը, ով քանդակել էր «Աստղային պատերազմներ» ֆիլմի Դարթ Վեյդերի դիմակը՝ միացավ ֆիլմի ստեղծագործական անձնակազմին։

2013 թվականի ապրիլի սկզբին Զոյի Սալդանան քննարկումների մեջ մտավ, որպեսզի մտնի ֆիլմի դերասանական կազմի մեջ, որպես Գամոռա։ Այն հաստատվեց նույն ամսվա վերջին։ Ապրիլին նաև կազմին միացավ Մայքլ Ռուկերը, որպես Յոնդու, ինչպես նաև հայտնի դարձավ, որ Օֆելյա Լովիբոնդը հանդես կգա երկրորդ պլանի դերով։ Այդ ողջ ընթացքում Լի Փեյս-ը ֆիլմի չարագործի դերը խաղալու բանակցությունների վերջին փուլում էր։ Մայիս ամսին Marvel-ը Ջոն Քրիստոֆեր Ռայլիին առաջարկեց Ռոման Դեյի դերը։ Այդ ժամանակ հայտնի դարձավ, որ ֆիլմմեյքերներն ուշադրություն են դարձնում դերասաններ Հյու Լորիի, Ալան Ռիքմանի և Քեն Ուաթանեյբի վրա, և որ Քրիստոֆեր Մարկուսը և Սթիվեն ՄաքՖիլին սցենարի վրա կատարում են վերջին հպումները։ Մի քանի օր անց Գլեն Քլոուզը ստացավ Կորպուս Նովայի ղեկավարի դերը, ինչպես նաև Քերեն Գիլանը հաստատվեց ֆիլմի կանացի գլխավոր չարագործի դերում։ 2013 թվականին ֆիմի կազմին միացավ նաև Բենիսիո դել Տորոն, ով նախկինում Marvel Studios-ի հետ մի քանի ֆիլմերի պայմանագիր էր կնքել։ Այդ ամսվա վերջում հաստատվեց, որ Ռայլին կխաղա Ռոման Դեյի դերը։

Հատուկ էֆեկտների դիմահարդարման դիզայներ Դևիդ Ուայթը վերցրեց հերոսների գլուխների գիպսե տարբերակները, ինչպիսին Բատիստայինն էր, որպեսզի էքսպերիմենտներ անի այն նյութով, որն օգտագործվելու էր կերպարները ստեղծելու համար։ Ուայթն ասաց. «Ջեյմսը միշտ ձգտել է օգտագործել դիմահարդարման պրակտիկ էֆեկտներ»։ Ուայթը միշտ վախեցել է օգտագործել կերպարների ստեղծման «ժամանակակից» դիզայնները, որպեսզի երաշխավորի, որ դրանք անհաջողություն չեն ունենա Գաննի ստեղծած երևակայական աշխարհում։ Ուայթը և իր թիմը ստեղծեցին ավելի քան 1,000 պրոթեզավորված դիմահարդարման հավելվածներ և 2,000-ից ավել գունավոր այլմոլորակայինների նախատիպեր։ Ֆիլմին վերջնական էսթետիկ տեսք հաղորդելու համար Գաննը ցանկանում էր ստեղծել գունավոր գիտաֆանտաստիկ աշխարհ և ներառել 1950-ականների և 60-ականների ֆիլմերի տարրեր, նշելով Ավերողների տիեզերանավը, որը համեմատեց այն համեմատեց մեծ հզորության մեքենաների հետ։

Նկարահանումներ

Հիմնական նկարահանումները սկսեցին 2013 թվականի հուլիսի 6-ին, Լոնդոնում, Մեծ Բրիտանիա՝ «Լրիվ թեքություն» աշխատանքային վերնագրի տակ։ Նկարահանումները տեղի ունեցան Shepperton Studios և Longcross Studios ստուդիաներում։ Հուլիսի վերջին Գաննը դերասանական կազմի որոշ մասի հետ Լոնդոնից ժամանակավորապես հեռացավ, որպեսզի մասնակցի San Diego Comic-Con International-ին։ Դրա ժամանակ պարզ դարձավ, որ Փեյսը կխաղա Ռոնան Մեղադրողի, Գիլանը՝ Նեբուլայի, դել Տորոն Կոլեկցիոների, իսկ Ջիմոն Հոնսուն՝ Քորաթի դերը։ Ավելի ուշ բացահայտվեց, որ Քլոուզը կխաղա Նովա Կայսրության Իրանի Ռայելի դերը։ San Diego Comic-Con-ին Ֆեյջը նաև ասաց, որ Թանոսը նույնպես կլինի ֆիլմում, որպես «գաղտնի ղեկավար»։ 2013 թվականի օգոստոսի 11-ին նկարահանումները վերսկսեցին Լոնդոնի Միլլենիում կամրջի վրա, որը արդեն երկրորդ անգամ էր ընտրվում, որպես Քսանդարի տեղանք։ 2013 թվականի օգոստոսին Marvel-ը հայտարարեց, որ Բրեդլի Քուփերը կհնչյունավորի Հրթիռային ջրարջին։ 2013 թվականի սեպտեմբերին Գանն ասաց, որ նկարահանումների կեսն արդեն արված են։ Նաև սեպտեմբերին Վին Դիզելը նշեց, որ ինքը կհնչյունավորի Գրութին։ Չնայած դրան, Marvel-ն այդ ժամանակ չհաստատեց Դիզելի մասնակցությունը ֆիլմում։ 2013 թվականի հոկտեմբերին Գաննը սոցիալակ ցանցերում հայտարարեց, որ նկարահանումներն ավարտվել են։

Կինոօպերատոր Բեն Դեյվիսն օգտագործել է Arri Alexa XT տեսախցիկները, ասելով. «Ես ինչպես միշտ ֆոտոքիմիականի երկրպագու եմ, բայց անցնում եմ թվային ձևաչափին, քանի որ դա ճիշտ տարբերակն է․․․ Alexa-ն ապահովում է այս յուրահատուկ ֆիլմի ճիշտ տեսքը»։ 1980-ականների ֆիլմերի բացման տեսարաններում Դեյվիսն օգտագործում էր JDC Cooke Xtal (Crystal) Express անամորֆիկ հիմնական ոսպնյակները, քանի որ դրանք «ավելի շատ ունեին անամորֆիկ աղճատումներ և թեքումներ»։ Դեյվիսը ֆիլմի հանգստության համար օգտագործել է Panavision Primos։ Յուրաքանչյուր տեսարանի համար ճիշտ լուսավորություն ապահովելու համար Դեյվիսը մտերմորեն աշխատել է արտադրական դիզայներ Չարլզ Վուդի հետ։ Գործ ունենալով երկու լիարժեք CGI կերպարների հետ, Դեյվիսը ստիպված եղավ տեսարանները նկարահանել մի քանի անգամ, մեկը՝ նրանց հետ, մյուսը՝ առանց նրանց։

2015 թվականի հունվարին Disney ընկերությունը հայտարարեց, որ, որ ֆիլմի վերջնական բյուջեն կազմում է $232.3 միլիոն, որից $36.4 միլիոնն ընկերությունը ստացավ Բրիտանական կառավարության կողմից։ Սկզբում հաշվարկվել էր, որ ֆիլմի բյուջեն կկազմի միայն $170 միլիոն։

Հետարտադրություն

2013 թվականի նոյեմբերին Գանն ասաց, որ փորձում է նկարահանումների ժամանակ որքան հնարավոր է շատ օգտագործել իրական էֆեկտներ, որպեսզի օժանդակի CGI-ին և շարժումների բռնմանը՝ հետարտադրության ընթացքում։ Այդ մասին նա ասել է. «Մեր գործերը հսկայական են։ Մենք ունենք բանտ, որը կշռում է 350,000 ֆունտ երկաթի չափ։ Բոլոր նրանք, ովքեր ճանաչում են ինձ, գիտեն, որ ես սիրում եմ իրական և CGI էֆեկտների համակցումը․․․ Ես չեմ համբերում, թե երբ են մարդիկ տեսնելու այն, որովհետը այն ապշեցուցիչ գեղեցկություն ունի»։ «Թոր։ Մռայլ աշխարհ»-ի պրեմիերայից հետո Ֆեյջը նշեց, որ Անվերջության քարերը կլինեն ֆիլմի կենտրոնում։ «Մռայլ աշխարհ»-ի մասին մի այլ հարցազրույցում, նոյեմբեր ամսին, Ֆեյջն ավելացրեց, որ երրորդ՝ անհայտ Անվերջության քարը կհանդիպի ֆիլմում, որը կհիշատակվի որպես «Ուժի քար»՝ Կալեկցիոների կողմից։ «Մռայլ աշխարհ»-ի միջտիտրային տեսարանում ցույց է տրվում Լովիբոնդը, Կոլեկցիների օգնականը, ում անունը Կարինա է։ 2013 թվականի դեկտեմբերին Marvel-ը հաստատեց, որ Դիզելը կհնչյունավորի Գրութին։

2014 թվականի մարտից սկսած, մի քանի շաբաթ ընթացան ֆիլմի հիմնական նկարահանումները, ներառյալ ֆիլմի գլխավոր կազմը և հավելյալ թիմը, որոնք տեղի ունեցան Բըրբանքում գտնվող Walt Disney Studios ստուդիայում։ 2014 թվականի ապրիլին Գաննը Թանոսին նկարագրեց, որպես ֆիլմի «օձի գլուխ» և հաստատեց, որ նա կհայտնվի շարժումների բռնման միջոցով։ 2014 թվականի մայիսին Գաննը նշեց, որ ֆիլմում կան «հսկայական» կերպարներ՝ համեմատած Marvel-ի տիեզերքի փոքր ու միջին հերոսների։ Նա ավելացրեց, որ Marvel Studios-ի կողմից մինչև օրս նկարված ֆիլմերում չեն եղել այդքան ընդգրկուն կերպարներ։ Կոստյումների դիզայներության ղեկավար Դեն Գրեյսն այդ մասին ավելացրեց. «Մենք իրոք, իրոք զգացինք գալակտիկայի գամման և հորիզոնը։ Մենք այցելում ենք հինգ մոլորակներ և տեսնում հարյուրավոր տարբեր ռասաներ»։ Ֆիլմում ներկայացվում են Սակաարան այլմոլորակայինների ռասան, որոնք համարվում են Ռոնանի վարձկանները։ Այստեղ Սակաարանը Բադուն ռասայի փոխարեն է ներկայացված, քանի որ վերջինիս հեղինակային իրավունքները պատկանում են 20th Century Fox-ին։

Մայիսի վերջին հայտնի դարձավ, որ Ջոշ Բրոուլինը կհնչյունավորի Թանոսին, իսկ Ֆեյջը հուլիս ամսին հաստատեց, որ Բրոուլինը կապահովի կերպարի շարժումների բռնումը։ Ֆիլմի մեծ մասում Թանոսը երևում է հոլոգրամական կապի միջոցով, բայց և այնպես հայտնվում է Ռոնանի և Նեբուլայի հետ տեսարանում։ 2014 թվականի հունիսին Ֆեյջն ավելացրեց, որ Թանոսը և իր հետևորդները «այն ամենամեծ կապող պարանն են, որոնք վերջնական արդյունքում մեզ հետ կբերեն դեպի «Վրիժառուներ», դեպի ապագա»։ Բրոուլինի լսումների մասին Ֆեյջն ասել է․

Մենք հասանք նրան, և դա այն բաներից էր, որը երբեք տեղի չէր ունենա, սակայն երբ այն տեղի ունեցավ՝ նա շատ լարվեց։ Նա մեր ամեն արածների երկրպագուն է։ Նա հանդիպում է ունեցել Ջերեմի Լետչեմի հետ, Լոնդոնի հյուրանոցներից մեկում և մի փոքր տեղեկություն ստացել կերպարի մասին։ Ես նրա հետ հեռախոով մի քանի անգամ խոսել եմ։ Մենք ղեկավարեցինք այն Ջեյմսի միջոցով, ով սիրում էր դա, քանի որ Թանոսն այդ տիեզերքում էր հայտնվել «Վրիժառուներ»-ի պատճառով։ Հետո մենք նկարեցինք նրան և ձայնագրեցինք դրա համար։

2014 թվականի հուլիսի 7-ին Գաննը սոցիալական հարթակում հայտարարեց, ոչ նա ավարտել է ֆիլմի վրա իր աշխատանքը։ Օգոստոսին, երբ կրկին նայվեց հետ-տիտրային տեսարանը, Գաննը բացահայտեց, որ այն իրական նկարահանումների ժամանակ չէր նեռարում Հովարդ բադի տեսարանը, ավելի ուշ նա ավելացրեց այն հետ-արտադրական փուլում, որի պատճառը «Գաննի և ռեժիսոր Ֆրեդ Ռեսկինի հետ որևէ կապ ստեղծել էր»։ Կերպարի ներառման ցանկությունը ֆիլմում մի փոքր ուշ առաջացավ՝ հետ-արտադրական փուլում, նա ստիպված եղավ այդ նույն օրը ծրագրել այն՝ մինչ Sony Pictures Imageworks-ի ձեռքեր հանձնելը։ Օգոստոսին նաև վերանայելով Գրութի պարելու հետ-տիտրային տեսարանը, Գաննը նշեց, որ հենց ինքն է պարել, որպեսզի անիմատորները վերցնեն նրա շարժումները։ «Կապիտան Ամերիկա։ Ձմռան զինվոր»-ի վրա կատարած իր աշխատանքից գոհ մնացած Marvel ընկերությունը այս անգամ նույնպես դիմեց Sarofsky արտադրամասին, որպեսզի ստեղծի ֆիլմի վերնագրերը։

Վիզուալ էֆեկտներ

 

Ֆիլմում օգտագործվել են թվով 2,750 վիզուալ էֆեկտներ, որոնք առկա են ֆիլմի մոտ 90%-ում։ Վիզուալ էֆեկտները ստեղծվել են Moving Picture Company (MPC) ընկերության կողմից, որն աշխատել է Գրութի, Մորագի, Քսանդարի, «Մռայլ աստղածաղկի» և Քսանդարում ընթացող մարտերի տեղարանների վրա։ Framestore ընկերություն ստեղծել է Հրթիռային ջրարջին, ընդարձակել Կիլն տիեզերական բերդը և նախագծել Knowhere-ը։ Luma Pictures-ը աշխատել է Թանոսի, Method Studios-ը՝ տարերքի բացման և դրա ուժերի բացահայտման, Sony Pictures Imageworks-ը՝ Հովարդ բադի և «Մռայլ աստղածաղկի» վրա։ Վիզուալ էֆեկտների բնագավառում ներդրումներ են կատարել նաև Lola VFX, Cantina Creative, CoSA VFX, Secret Lab, Rise Visual Effects Studios և Technicolor VFX ընկերությունները։ Նախա- և հետ-զվիուալիզացիաները կատարվել են Proof և The Third Floor կազմակերպությունների կողմից։ Proof-ը նաև մասնակցել է Հրթիռայինի և Գրութի ստեղծման գործընթացին։

Պրոդյուսեր Նիկ Կորդան նշեց, թե ինչքան օգտակար է ունենալ Սին Գաննին և Կրիստիան Գոդլեվսկուն, ովքեր նկարահանումների ժամանակ մարմնավորեցին Հրթիռայինին և Գրութին, որպեսզի անիմատորները վերջնական նկարահանումներին ճիշտ որոշեին լուսավորությունն ու շարժումները։ Երբ ստեղծում էին Գրութին, MPC-ն բացատրեց, որ իր աչքերը կլինեն միակ բանը, որոնք կհիշեցնեն իր մարդկային հատկանիշները, քանի որ իր դեմքը չի շարժվելու այնպես, ինչպես մարդկանցն է շարժվում։ MPC վիզուալ էֆեկտների ղեկավար Նիկոլաս Էյթեդին բացատրեց, որ «երբ դուք նայում եք մարդկանց աչքերին, դրանց հետաքրքիր է դարձնում հենց այն թերությունները, որոնք փորձում են անել այդ երկու ծիածանաթաղանթները՝ հառած չնայել մի կետի։ Փորձելով դրանք դարձնել ավելի տարօրինակ՝ դառնում են ավելի մարդկային»։

Framestore-ի գլխավոր փորձությունը Հրթիռայինի բուրդը ստեղծելն էր։ Framestore-ի Ռեյչել Ուիլիամսը դա բացատրեց. «Ջրարջի բուրդը բաղկացած է երկու շերտից, մեկը՝ կարճ ու նոսր, մյուսը՝ երկար ու խիտ», և այդ երկու շերտերը անջատվել և անիմացվել են առանձին-առանձին։ Framestore-ը և MPC-ն աշխատել են միասին՝ կիսելով ակտիվությունը, որպեսզի երաշխավորեն, որ Ջրարջի նկարահանումները, որոնք կատարվել են MPC-ի կողմից, համապատասխանում են Framestore-ի ստեղծած Ջրարջին, և նույնը Գրութի համար։

Որպեսզի Թանոսին տրվի «իրեն արժանի կատարողականությունն ու քաշը», Luma Pictures-ը ստեղծեց դիմային մուլտիպլիկացյի նոր համակարգ, որպեսզի Ջոշ Բրոուլինին վերստեղծեն, որպես լիարժեք CG կերպար, օգտագործելով նրա «աչքերը, այտերի մի մասը, դեմքի մկանների շարժումները, երբ նա խոսում է»։ Հերոսի մեծ գանգը և դեպի ներքև գնացող մեծ դունչը պետք է «զգուշորեն համապատասխանեին դեմքի շարժումներին»։

2013 թվականի օգոստոսին Գանն ասաց, որ Թայլեր Բեյթսը կլինի ֆիլմի երաժշտության կոմպոզիտորը։ 2014 թվականի փետրվարին Գաննը տեղեկացրեց, որ ֆիլմում կհնչեն 1960-ականների և 1970-ականների երաժշտություն, ինչպիսին է օրինակ՝ «Hooked on a Feeling» երգը։ Դրանք ներառված կլինեն Քվիլլի Walkman-ում, որը խաղում է Երկրի, տան և կորցրած ընտանիքի կապի դերը։ 2014 թվականի մայիսին Գանն ավելացրեց, որ 60-ականների և 70-ականների երաժշտության օգտագործումը «մշակութային հղման կետերն են», ասելով, որ «այն կապահովի ֆիլմի ողջ բալանսը», որը միաժամանակ և՛ ունիկալ է, և՛ հասանելի մարդկանց։ Երաժշտությունը և Երկրից մնացած իրերը հենց այն չափանիշներն են, որոնք ապացուցում են, որ այո, Քվիլլը իրական մարդ է՝ Երկիր մոլորակից և նման է ինձ ու քեզ, իհարկե հաշվի չառնելով, որ նա գտնվում է բաց տիեզերքում ընթացող արկածներում։

Երբ ընտրում էին երգերը, Գանն ասաց, որ «նա սկսել է «Billboard»-ի 70-ականների չարթերի ընթերցումը և ներբեռնել է «մի քանի հարյուր» երգեր, որոնք «կիսաընտանեկան են և դու միանգամից կարող ես ճանաչել» և ֆիլմի երանգին համապատասխան երգացանկ ստեղծելը»։ Նա ավելացրեց, որ «կլսի երգացանկի բոլոր երգերն ականջակալներով՝ տան շուրջը պտտվելով, քանի որ երբեմն ինքը տեսարաններ է ստեղծում երգի շուրջ, երբեմն էլ ստեղծած տեսարաններին են երգեր հարկավոր լինում, սակայն այդ բոլորից նա կնտրի մի քանի լավագույնները»։ Երգերի մեծ մասը հնչել է նկարահանումների ժամանակ, ինչը օգնել է «դերասաններին և տեսախցիկի օպերատորներին գտնել նկարահանումների բացվածքը»։ Դեյվիդ Բոուիի «Moonage Daydream» երգը միակն էր, որն ավելացվել և ընտրվել էլ դեռևս հետարտադրության շրջանում։

Երեք ալբոմները՝ ֆիլմի երաժշտությունը՝ «Guardians of the Galaxy (Original Score)», Guardians of the Galaxy: Awesome Mix Vol. 1 (Original Motion Picture Soundtrack)-ը, գրված Բեյթսի կողմից, որը ֆիլմում Քվիլլի երգացանկն է կազմում և դելյուքս տարբերակը թողարկվեցին 2014 թվականի հուլիսի 29-ին՝ Hollywood Records լեյբլի ներքո։ 2014 թվականի օգոստոսից, ալբոմը, որն արտացոլում էր Քվիլլի երգացանկը, հասավ Billboard 200 չարթի առաջին հորիզոնականին։ Այն դարձավ պատմության մեջ սաունդթրեքերի միակ ալբոմը, որի երգերը թողարկվել են նախկինում և ներկա պահին գրավել չարթի առաջին տեղը։ 2014 թվականի նոյեմբերի 28-ին Hollywood Records-ը թողարկեց սաունդթրեքերի ալբոմի կասետային տարբերակը։

«Guardians of the Galaxy: Awesome Mix Vol. 1»-ի երգացանկ

Բոլոր երգերը, բացի «Spirit in the Sky»-ից, որը հնչել է թրեյլերում, եղել են ֆիլմում։

«Guardians of the Galaxy (Original Score)»-ի երգացանկ

Բոլոր երգերը գրվել են Թայլեր Բեյթսի կողմից։

 

«Գալակտիկայի պահապաններ»-ի համաշխարհային պրեմիերան տեղի է ունեցել 2014 թվականի հուլիսի 21-ին, Հոլիվուդի Dolby կինոթատրոնում։ Մեծ Բրիտանիայում ֆիլմը թողարկվել է 2014 թվականի հուլիսի 31-ին, իսկ Միացյալ Նահանգներում՝ օգոստոսի 1-ին՝ 3D և IMAX 3D ձևաչափերով։ Միացյալ Նահագներում ֆիլմը բարձրացել է թվով 4,080 թատրոնների էկրաններին՝ 354-ը՝ IMAX, 3,200-ը՝ 3D, 350-ը՝ լայն ֆորմատով, 240-ը՝ D-Box, անցնելով «Կոբրայի վերելք»-ի ռեկորդից (4,007 թատրոններ)։ Վեցերորդ շաբաթում, «Գալակտիկայի պահապանները» շարունակում էր մնալ 69 երկրների կինոթատրոններում, որն առավելագույնն էր։

2014 թվականի հունիսին Գանն ասաց, որ հենց սկզբից էլ պլանավորվել էր, որ ֆիլմը լինելու է 3D ձևաչափով. «Մյուս ռեժիսորներին նման չլինեմ, ես ակտիվորեն ընկղմված էի յուրաքանչյուր կադրը 3D սարքելու մեջ, վստահ լինելով, որ այն լավ է պատմության և ֆիլմի համար, համոզված լինելով, որ այն թատրոնային է և ինտերակտիվ»։ 2014 թվականի հուլիսին Գաննը տեղեկացրեց, որ կան շատ տեսարաններ, որոնք նա կտրել է ֆիլմի ժապավենից և մտածում է, թե ինչպես թողարկի դրանք՝ մյուս տարբերակու՞մ, թե՞ սկավառակի վրա, որպես բոնուս նյութ։

Մարքեթինգ

 

2013 թվականի օգոստոսին տեղի ունեցող Disney-ի D23 ցուցահանդեսին Ֆեյջը ցուցադրեց հոլովակ, որն առաջին անգամ ցույց էր տրվել 2013 թվականի հուլիսին՝ San Diego Comic-Con-ի ժամանակ։ Ֆիլմի առաջին թրեյլերի պրեմիերան տեղի ունեցավ 2014 թվակլանի փետրվարի 18-ին՝ «Jimmy Kimmel Live!» հեռուստաշոուի ժամանակ, որն ուղեկցվում էր Քրիս Փրեթի հատուկ ուղերձով։ «Los Angeles Times»-ն ասաց, որ թրեյլերը մատուցեց «որոշակի այլմոլորակային էներգետիկայով գործողություններ՝ պայթող տիեզերանավերով և մկանուտ վատ տղաներով, չնշելով նաև մի քանի մաքուր կատակերգական տեսարանները, որը լուսավորում էր մի քանի օրիգինալ կերպարների»։ «Total Film»-ը նկատեց թրեյլերի և 1981 թվականի «Ինդիանա Ջոնս։ Կորուսյալ տապանը որոնելիս» ֆիլմի բացման տեսարանների նմանությունը, որը Գաննը բացատրել է, որպես «Պահապաններ»-ի վրա կրած մեծ ազդեցություն և նշեց, որ «սուր» հումորն օգտագործված է ամենուրեք։ «Total Film»-ը նաև ավելացրեց ևս մի նմանություն՝ Comic-Con-ում և D23-ում ցուցադրված թրեյլերի հետ՝ Նեբուլայի և Կոլեկցիոների հետ մի քանի հավելյալ կադրերով։ Թրեյլերն ուժեղ է քննարկվել նաև սոցիալական հարթակում՝ 12 ժամվա ընթացքում Թվիթերում, Ֆեյսբուքում և տարբեր բլոգերում քննարկվելով ավելի քան 88,000 անգամ։ Այս թվերը համեմատելի են այլ սուպերհերոսների մասին պատմող ֆիլմերի թրեյլերների հետ, ինչպիսիք են՝ «Պողպատե մարդը» և «Ապշեցուցիչ սարդ-մարդը 2»։ Թրեյլերի թողարկումից հետո, 24 ժամվա ընթացքում այն դիտվել է 22,8 միլիոն անգամ։ Այդ նույն օրը, «Hooked on a Feeling» երգի Blue Swede-ի տարբերակը, որը լսվում էր ողջ թրեյլերի ընթացքում, վաճառքը բարձրացավ 700%-ով։ Սերաֆինովիչի կերպարի «Ա-անցքերի ինչպիսի խումբ» (անգլ.՝ "What a bunch of A-holes") արտահայտությունը, որը նախատեսված էր լինել միայն թրեյլերներում, ստացավ շատ դրական արձագանքներ, և դրա շնորհիվ այն ավելացվեց ֆիլմի վերջնական տարբերակում։

2014 թվականի մարտին նողարկված «Marvel-ի S.H.I.E.L.D.-ի գործակալներ» հեռուստասերիալի «T.A.H.I.T.I.» կոչվող էպիզոդում ներկայացվում էր Կրիի ռասան, որն էլ հենց դարձավ սցենարի գլխավոր ուղին, երևաց ողջ սերիալի ընթացքում և ներառեց կորած Կրիի քաղաքի որոնումները։ Նաև մարտ ամսին ABC հեռուստաընկերությունը հեռարձակեց մեկժամանոց հեռուստատեսային հատուկ հաղորդում, որի վերնագիրն էր «Marvel Studios։ Միավորելով տիեզերքը», ներառում էր մի փոքր հատված «Գալակտիկայի պահապաններ»-ից։ 2014 թվականի ապրիլից սկսած թողարկվեց «Marvel-ի գալակտիկայի պահապանների նախաբանը» վերնագրով երկմասանի կոմիքսը։ Գրված Դեն Էբնեթի և Էնդի Լեննինգի, նկարազարդված Ուելինգթոն Էլվսի կողմից, առաջին թողարկումը կենտրանացած էր Նեբուլայի և Թանոսի հետ կապի նախադրյալի, երկրորդն ներառում էր Հրթիռային ջրարջի և Գրութի արկածները և նրանց ուժերի միավորումը Պահապանների հետ։ 2014 թվականի հունիսին Marvel Studios-ի ավագ համա-նախագահ Մայկ Պասկիլլոն նկարագրեց «Գալակտիկայի պահապաններ»-ի մարկետինգի մատուցումը, ասելով, որ Marvel-ը «կինոթատրոնային պրեմիերայի համար մշակել է ուժեղ մարկետինգային ծրագիր, որը մասամբ ներառում է ավանդական գովազդը, սոցիալական հարթակը, թվային մարկետինգը, ստրատեգիական գովազդային համագործակցումը, օրգանական զվարճանքը և հրապարակայնությունը»։

2014 թվականի հուլիսին Marvel-ը ֆիլմի համար թողարկեց վիրուսային մարքեթինգային արշավ, որի անունն է «Գալակտիկայի արձակուրդը» (անգլ.՝ Galaxy Getaways), հնարովի ճանապարհորդական վեբկայք, որը թույլ է տալիս ճանապարհորդել ֆիլմում ներկայացված մոլորակներից մի քանիսում, ներառյալ Քսանդարում, Մորագում և Knowhere-ում։ Սկսած 2014 թվականի հուլիսի 4-ից, ֆիլմի կարճ կադրերը ցուցադրվեցին Դիսնեյլենդի Magic Eye և ABC Sound Studio թատրոններում։ Ֆիլմի մոտավորապես 14 րոպեանոց հատվածները ցուցադրվել են Միացյալ Նահանգներում՝ IMAX 3D և Կանադայում՝ 3D ու IMAX 3D թատրոններում, 2014 թվականի հուլիսի 7-ին՝ երկու թրեյլերների հետ մեկտեղ։ Ցուցադրությունն ընդունվեց դրական, հատկապես նշելով հումորի առկայությունը, 3D և IMAX ձևաչափերի միախառնումը, և Քուփերի Հրթիռային Ջրարջի հնչյունավորումը։

2014 թվականի հուլիսի 12-ին Գաննը և ֆիլմի դերասանները «Գալակտիկայի պահապանները» ներկայացրեցին Lido 8 Cineplex-ում, Սինգապուր։ 2014 թվականի հուլիսի 17-ին Disney Interactive-ը թողարկեց էքշն ժանրի դերերով համակարգչային խաղ՝ «Գալակտիկայի պահապանները։ Տիեզերական զենքը» (անգլ.՝ Guardians of the Galaxy: The Universal Weapon), որը հասանելի եղավ iOS, Անդրոիդ և Մայքրոսոֆթ Վինդոուզ օպերացիոն համակարգերով աշխատող սարքերի համար։ Խաղի բնօրինակ սցենարը գրվել է Դեն էբնեթի կողմից և ուներ ֆիլմը լրացնելու միտում։ Հուլիսի 21-ին Փրեթը, Սալդանան, Բատիստան, Դիզելը և Քուփերը ներկա եղան «Jimmy Kimmel Live!» շոուին՝ տարածելու ֆիլմը և լուսաբանելու բացառիկ նյութեր։ Հուլիսի 29-ին Փրեթը և Սալդանան, որպես ֆիլմի մարկետինգային ստատեգիա, տվեցին Նյու Յորքի ֆոնդային բորսայի բացման զանգերը։

Օգոստոսի 14-ին Marvel-ը հրապարակեց Գրութի պարելու հոլովակը, որին միանգամից հետևեց Funko ընկերության հայտարարությունը, որում ասվում էր, որ նրանք ստեղծում են «Պարող Գրութի» խաղալիքը։ «The Hollywood Reporter»-ը նկատեց, որ ֆիլմի թատրոնային պրեմիերայից երկու շաբաթ անց Marvel-ի կողմից արագ թողարկած հոլովակը՝ Funko-ի հայտարարության հետ մեկտեղ, ցույց տվեցին կերպարի և տեսարանի հայտնիությունը։ Տեսարանում նաև ներկայացվում էր «գրութինգ» (անգլ.՝ grooting) բառը՝ հորինված Մայքլ Ռուկերի կողմից, որը նշանակում է պարել Գրութի նման։ Այդ բառը մտավ սոցիալական ցանցերի բառապաշարի մեջ։ Նաև օգոստոսին Marvel-ը Լոս Անջելեսի մանկական հիվանդանոցում կազմակերպեց ֆիլմի հատուկ ցուցադրություն, որտեղ Փրեթը հագնված էր, որպես Աստղային լորդ՝ զվարճացնելու հիվանդներին։

Ապրանքներ

2012 թվականի հունիսին Marvel-ը մշակեց «Գալակտիկայի պահապաններ»-ի հավելվածային ապրանքանիշեր, որն ներառում էր օգտոգործվող իրեր՝ տեսախաղերից մինչև կոսմետիկա։ Disney Consumer Products-ը համագործակցեց Mad Engine, C-Life, New Era Cap, Hasbro, Disguise, Rubies, Sideshow Collectibles, Lego, KIDdesigns, Funko, Freeze, Fast Forward և Innovative Designs ընկերությունների հետ, որպեսի պատրաստեն ֆիլմի արտադրատեսակները։ Mad Engine-ի և C-Life-ի համատեղ աշխատանքի արդյունքում ստեղծվեցին հիմնական զգեստները, շապիկները և բրդյա ժակետները, իսկ New Era-ն՝ պաշտպանիչ հագուստը և գլխարկները։ Hasbro -ն ֆիլմի համար ստեղծեց խաղալիքներ, Disguise-ը և Rubies-ը՝ կոստյումներ, Sideshow Collectibles-ը՝ հավաքածուներ։ Lego-ն հայտարարեց խաղալիքների երեք հավաքածուների մասին, որոնք հիմնված էին ֆիլմի տեսարանների վրա, մինչ iHome-ը ստեղծեց կերպարների բարձրախոսները, իսկ Funko -ն՝ վինիլային պղպջակ-գլխարկները։

Տնային թողարկում

«Գալակտիկայի պահապանները» թվային տարածման համար թողարկվեց 2014 թվականի նոյեմբերի 18-ին, Walt Disney Studios Home Entertainment-ի ներքո, իսկ Blu-ray, Blu-ray 3D և DVD սկավառակների վրա Մեծ Բրիտանիայում՝ 2014 թվականի նոյեմբերի 24-ին և Միացյալ Նահանգներում՝ դեկտեմբերի 9-ին։ Թվային և Blu-ray թողարկումներն իրենց մեջ ներառում էին նկարահանումներից դուրս մնացած կադրերը, աուդիո մեկնաբանումը, ջնջված տեսարանները, չստացված կադրերը և «Վրիժառուները։ Ալտրոնի դարաշրջանը» ֆիլմի բացառիկ նյութը։ 2015 թվականի հոկտեմբերի 4-ին Միացյալ Նահագներում վաճառքները հասաց մինչև $118 միլիոնի։

Ֆիլմը նաև տեղ է գտել 13-սկավառականի հավաքածուում, որի անունն է «Marvel-ի կինեմատոգրաֆիական տիեզերքի ֆիլմերի ցանկ»։ Այն թողարկվել է 2015 թվականի դեկտեմբերի 8-ին։

Շահույթ

«Գալակտիկայի պահապանները» Հյուսիսային Ամերիկայում հավաքեցին $333.2 միլիոն, մյուս երկրներում՝ $441 միլիոն, իսկ ֆիլմի ողջ հասույթը կազմեց $773.3 միլիոն։ Այն դարձավ Marvel-ի կինեմատոգրաֆիական տիեզերքի երրորդ ամենաշատ շահույթ հավաքած ֆիլմը, ետ մնալով միայն «Վրիժառուներից» և «Երկաթե մարդը 3»-ից։ Այն 2014 թվականի ամենաշատ վարձույթ հավաքած ֆիլմերի ցանկում զբաղեցրեց 3-րդ հորիզոնականը (ետ մնալով «Տրանսֆորմերները․ ոչնացման դարաշրջանից» և «Հոբիթը․ հինգ բանաների կռվից») և առաջին տեղը՝ 2014 թվականի սուպերհերոսների մասին պատմող ֆիլմերում շարքում։ Առաջին համաշխարհային ուիքենդում ֆիլմը հավաքեց $160.7 միլիոն։ Deadline.com-ը հաշվեց ֆիլմի մաքուր շահույթը, որը կազմեց $204.2 միլիոն՝ նախօրոք հանելով արտադրության վրա եղած ծասերը, դերասանների վարձը և այլն։ Ըստ կայքի, ֆիլմը դարձավ 2014 թվականի «ամենաշահութաբեր բլոկբասթերների» ցանկում հինգերորդը։

Հյուսիսային Ամերիկա

«Գալակտիկայի պահապաններ»-ի պրեմիերայի առաջին օրը՝ հինգշաբթի գիշերը հավաքեց $11.2 միլիոն, առաջ անցնելով «Կապիտան Ամերիկա։ Ձմեռային զինվոր»-ից ($10.2 միլիոն), որն էլ իր հերթին ռեկորդ էր սահմանել 2014 թվականին։ IMAX-ը հաշվարկվեց ողջ հասույթի 17%-ը ($1.9 միլիոն), որն օգոստոս ամսիվ ամենաշատն էր։ Բացման օրը ֆիլմի շահույթը կազմեց $37.8 միլիոն, ներառյալ հինգշաբթի օրվա գումարը։ Իր առաջին շաբաթվա ժամանակ «Գալակտիկայի պահապանները» համար առաջին ֆիլմն էր՝ $94.3 միլիոնով, սահմանելով օգոստոս ամսվա առաջին շաբաթվա ռեկորդ։ Առաջին շաբաթում IMAX ձևաչափով տարբերակը հավաքեց $11.7 միլիոն, իսկ 3D ցուցադրումները՝ վաճառված տոմսերի 45%-ը։ Ֆիլմի հաջողությունը կապվում է նրա հետ, որ առաջին շաբաթվա հանդիսատեսի 44% իգական սեռի ներկայացուցիչներ էին, ինչն ամենամեծ ցուցանիշն է Marvel-ի կինեմատոգրաֆիական տիեզերքի ֆիլմերի համար։ Ինչպես նաև առաջին հանգստյան օրերի 55%-ը 25 տարեկանից ցածր էին։

Չնայած այդ ամեն ինչին, ֆիլմն իր երկրորդ շաբաթվան ընկավ երկրորդ հորիզոնական, ետ մնալով «Կրիա-մուտանտ-նինջաներ»-ից, սակայն այն կրկին առաջին հորիզոնակաանում հայտնվեց չորրորդ, հինգերորդ և վեցերորդ շաբաթվա հանգստյան օրերին։ Այդպես մնալով, այն դարձավ 2014 թվականի առաջին ֆիլմը, որը գլխավորում էր շաբաթական շահույթով՝ ոչ հաջորդաբար, ամառվա առաջին ֆիլմը, որը առաջին հորիզոնականում մնաց երեք շաբաթ շարունակ, դարձավ Marvel-ի կինեմատոգրաֆիական տիեզերքի առաջին ֆիլմը, որն առաջին հորիզոնականում մնաց չորս շաբաթ՝ առաջ անցնելով «Կապիտան Ամերիկա։ Ձմռան զինվոր»-ից և «Վրիժառուներ»-ից, որոնք երկուսն էլ առաջին տեղում էին մնացել երեք շաբաթ, ինչպես նաև գերազանցեց «Մռայլ ասպետին», դառնալով կոմիքսների վրա հիմնված առաջին հորիզոնականում ամենաշատ մնացած ֆիլմը։ BoxOffice.com-ի համանախագահ և գլխավոր խմբագիր Ֆիլ Կոնտրինոն զգաց, որ «Պահապանների» հաջողությունը «անսովոր էր» և «արդարացնում էր բոլոր սպասելիքները»։ Ֆիլմը տասը ուիենդի ընթացքում չէր լքում թոփ-10-նյակը։

Այն դարձավ 2014 թվականի ամռանն ամենաշատ շահույթ հավաքած ֆիլմը (առաջ անցնելով «Տրանսֆորմերներ։ Բնաջնջման դարաշրջանը» ֆիլմից), առաջինը, որի տարածաշրջանային շահույթը 2014 թվականին անցավ $300 միլիոնը, և երկրորդը՝ 2014 թվականին տարածաշրջանում հավաքած շաույթով (առաջ է անցել «Քաղցած խաղեր։ Ճայ-Ծաղրասարյակ - Մաս 1»-ը, 2015 թվականին)։ Ֆիլմի մասին ասեց, որ այն ունեցավ «ընդմիջված կյանք»՝ և ավելի քիչ շահույթ, քան ամառը թողարկված նորմա ֆիլմը։

Հյուսիսային Ամերիկայից դուրս

«Գալակտիկայի պահապանները» թողարկվեց արտասահմանյան 42 շուկաներում և առաջին շաբաթում հավաքեց $67.4 միլիոն։ Ամենամեծ դեբյուտը եղավ Ռուսաստանում՝ $13 միլիոն, Մեծ Բրիտանիայում՝ $10.8 միլիոն, Մեքսիկայում՝ $6.5 միլիոն, Բրազիլիայում՝ $6.5 միլիոն և Հարավային Կորեայում՝ $4.7 միլիոն։ Ֆիլմն իր առաջին և երկրորդ ուիքենդներում գլխավորեց շահութային աղյուսակը։ Իր իններորդ շաբաթվա ժամանակ այն բարձրացավ նաև Չինաստանի կինոէկրաններին՝ հավաքելով $29.8 միլիոն և դարձավ Disney ընկերության թողարկած տարվա երրորդ ամենաբարձր շահույթով բացումը, ետ մնալով միայն «Երկաթե մարդը 3»-ից և «Կապիտան Ամերիկա։ Ձմռան զինվոր»-ից։ Ինչպես նաև դարձավ պատմության մեջ հոկտեմբեր ամսվա ամենամեծ բացումը։ Այդ շաբաթվա ընթացքում ֆիլմը հավաքեց $21.3 միլիոն՝ Չինաստանը դառնալով ամենամեծ շահույթ ունեցած շուկան՝ $69 միլիոն։ Ֆիլմի երեք ամենամեծ շուկաներն են՝ Չինաստանը՝ $96.5 միլիոն, Միացյալ Թագավորությունը՝ $47.4 միլիոն, և Ռուսաստանը՝ $37.5 միլիոն։

Քննադատական արձագանք

Rotten Tomatoes կայքը ֆիլմին տվեց 91% դրական վարկանիշ և 273 կարծիքների վրա, ֆիլմի միջին գնահատականը կազմեց 7.8/10։ Վեբկայքի համաձայնագրության մեջ գրված է, ««Գալակտիկայի պահապանները» ուղղակի անպատկառ են, ինչպիսին սովորաբար լինում են Marvel-ի հիմար կոմիքսների երկրպագուները։ Չնայած դրան, այն զվարճալի է, լարված, զգացմունքներով լի և պատված վիզուալ փայլով»։ Metacritic կայքում ֆիլմի վարկանիշը 100-ից կազմում է 76՝ կիմնվելով 46 «հիմնականում դրական» կարծիքների վրա։ CinemaScore-ի հանդիսատեսը ֆիլմին տվեց «A» գնահատական, մինչ «A+» գնահատականը հաճախ տրվեց 18-ից ցածր և 25-34 տարեկան անձանք շուրջը։

«Variety» ամսագրի Սքոթ Ֆոնդասն ասաց, - «Ջեյմս Գաննի հավանական սկսվող ֆիլմաշարը շատ երկար է, ծանրաբեռնված և երբեմն շատ անտանելի՝ դուր գալու համար, սակայն անպարկեշտ հումորային ֆոնը այդ ամենը դարձնում են լողունակ՝ ինչպիսին Քրիս Փրեթի հաղթական խաղը», և գովեստի արժանացրեց ֆիլմի տեսքի ստեղծողին՝ կինոօպերատոր Բեն Դեյվիսին, արտադրական դիզայներ Չարլզ Վուդին և հատուկ էֆեկտների դիմահարդար Դևվիդ Ուայթին։ The Hollywood Reporter-ի Ջասթին Լոուն նույնպես գովաբանեց ֆիլմի տեսքը, ասելով, «լավ միավորված թիմը վերակենդանանում է պայքարելու հերոսական ծագում ունեցող ֆիլմում՝ դրան հատկանշական ոճ հաղորդելով, առատ լարվածությամբ և առանց հումորի պակասի»։ «The Daily Telegraph»-ի Ռոբբի Քոլլինն ասաց, - «Այն կարող է լինել ամառային նոր ընտանեկան բլոկբասթեր, բայց դրանում խաղում են մեծահասակները՝ կիսամոռացված կանոններով»։

«Associated Press»-ի Ջեյք Քոյլը ֆիլմին մոտեցավ ավելի քննադատական, անվանելով այն «ահավոր շատ ծանրաբեռնված, իսկ հումորները՝ խամրած հատուկ էֆեկտների տակ»։ Նա նաև նկատեց, որ Քլոուզը, Ռայլին և դել Տառոն այդքան էլ ներգրավված չէին ֆիլմում։

Անվանակարգեր և մրցանակներ

«Գալակտիկայի պահապանները․ հատոր 2»-ը պլանավորված է, որ էկրաններին կբարձրանա 2017 թվականի մայիսի 5-ին, որը կրկին գրվել և նկարահանվել է Ջեյմս Գաննի կողմից։ Փրեթը, Սլդանան, Բոտիստան, Դիզելը, Քութերը, Ռուկերը, Ջիլլենը, Սին Գաննը և Քլոուզը ֆիլմում հանդես կգան իրենց նախկին դերերով, որոնց միացել են Փոմ Քլեմենթիֆը՝ Մանտիսի դերում, Էլիզաբեթ Դեբիքին, Քրիս Սալլիվանը և Կուրտ Ռասելը՝ Քվիլլի հոր դերում։