Ալեքսանդր Պավլովիչ Չուդակով (ռուս.՝ Алекса́ндр Па́влович Чудако́в, փետրվարի 2, 1938(1938-02-02), Շչուչինսկ, Հյուսիս-Ղազախստանյան մարզ, Ղազախական ԽՍՀ, ԽՍՀՄ - հոկտեմբերի 3, 2005(2005-10-03), Մոսկվա, Ռուսաստան), ռուս բանասեր, գրականագետ և գրող, մանկավարժ, Ա.
Պ. Չեխովի ստեղծագործությունների մասնագետ։
Ալեքսանդր Չուդակով ռուս.՝ Александр Павлович Чудаков | |
---|---|
Ծնվել է | փետրվարի 2, 1938 |
Ծննդավայր | Շչուչինսկ, Հյուսիս-Ղազախստանյան մարզ, Ղազախական ԽՍՀ, ԽՍՀՄ |
Մահացել է | հոկտեմբերի 3, 2005 (67 տարեկան) |
Մահվան վայր | Մոսկվա, Ռուսաստան |
Գերեզման | Վոստրյակովոե գերեզմանատուն |
Քաղաքացիություն | ԽՍՀՄ և Ռուսաստան |
Կրթություն | Մոսկվայի պետական համալսարանի բանասիրույան ֆակուլտետ |
Գիտական աստիճան | բանասիրական գիտությունների դոկտոր |
Մասնագիտություն | բանասեր, գրականագետ և արձակագիր |
Աշխատավայր | Մոսկվայի պետական համալսարան |
Ամուսին | Մարիետա Չուդակովա |
1960 թվականին Ալեքսանդր Չուդակովն ավարտել է Մոսկվայի պետական համալսարանի բանասիրական ֆակուլտետը։ 1964 թվականից աշխատել է Համաշխարհային գրականության ինստիտուտում, դասավանդել Մոսկվայի պետական համալսարանում, Մաքսիմ Գորկու անվան գրականության ինստիտուտում։ Բանասիրական գիտությունների դոկտոր (1983)։ 1987 թվականից հետո եվրոպական և ամերիկյան համալսարաններում կարդացել է ռուս գրականության դասընթաց։ Եղել է Միջազգային չեխովյան ընկերության անդամ։
Չուդակովի գրչին են պատկանում հետևյալ գրականագիտական աշխատությունները. «Չեխովի բանաստեղծական արվեստը» (1971, անգլերեն թարգմանություն՝ 1983), «Չեխովի աշխարհը. ծագում և հաստատում» (1986), «Խոսք - իր - աշխարհ. Պուշկինից Տոլստոյ» (1992)։ Բացի այդ, նա հրապարակել է ռուս գրականության պատմության վերաբերյալ 200-ից ավելի հոդված, պատրաստել և մեկնաբանել Վիկտոր Շկլովսկու, Յուրի Տինյանովի ստեղծագործությունների ժողովածուները։
2000 թվականին «Զնամյա» ամսագրում հրապարակվել է Չուդակովի «Խավարը նստում է հին սանդուղքներին» վեպը, որը 2001 թվականին առաջադրվել է Բուկերյան մրցանակի։ Նույն վեպի համար 2011 թվականին գրողին հետմահու շնորհվել է «Տասնամյակի ռուսական Բուկեր» մրցանակը։ Չուդակովն արժանացել է նաև «Զնամյա» հիմնադրամի մրցանակին (2000)։
Չուդակովը մահացել է 2005 թվականի հոկտեմբերի 3-ին՝ չպարզված հանգամանքներում ստացած գլխուղեղի ծանր վնասվածքի հետևանքով։ Թաղված է Մոսկվայի Վոստրյակովյան գերեզմանատանը։
Այրին գրականագետ և հասարակական գործիչ Մարիետա Չուդակովան է։
This article uses material from the Wikipedia Հայերեն article Ալեքսանդր Չուդակով, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.