Gaborone (do 1969 Gaberones) je stolica a z něhdźe 230.000 wobydlerjemi zdobom najwjetše město a hospodarske srjedźišćo južnoafriskeho kraja Botswana.
| ||
Zakładne daty | ||
---|---|---|
stat | Botswana | |
wysokosć | 983 metrow n.m.hł. | |
přestrjeń | 196 km² | |
wobydlerstwo | 231.592 (2011) | |
hustosć zasydlenja | 1.181,6 wob./km² | |
Stolica leži we wysokosći wot 1000 metrow na juhowuchodźe kraja při rěce Notwane, jenož dźesać kilometrow wot hranicy Južneje Afriki a słuša do distrikta South East. Wothladajo wot 1287 metrow wysokich horin Kgale Hills je wokolina chětro płona. Na juhu nadeńdźe so rěčna zawěra Gaborone Dam při Notwane.
Město so w lěće 1890 wot hłowy kmjena Batklowa, Kgosi Gaborone, załoži. Britiska kolonialna administracija mjenowaše je Gaberones a přepołoži w lěće 1965 zarjadniske sydło kolonije Betšuana wot južnoafriskeho Mahikeng sem. Z tym zahaji so wutwar dotal jenož 1000 wobydlerjow ličaceho městačka. Lěto pozdźišo sta so Gaborone ze stolicu noweje njewotwisneje Botswany.
W lěće 1982 załoži so w měsće Uniwersita Botswany jako prěnja wysoka šula w kraju.
This article uses material from the Wikipedia Hornjoserbsce article Gaborone, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.