Jurij Winger: Serbski farar, spisowaćel a přełožowar
Jurij Winger (* 26.
junija">26. junija 1872 w Chrósćicach; † 27. februara 1918 we Łusku) bě serbski farar, spisowaćel a přełožowar.
Wón narodźi so jako syn žiwnosćerja a bě wot 1888 do 1896 chowanc Serbskeho seminara w Praze, hdźež wopytowaše hač do lěta 1893 němskorěčny Małostronski gymnazij. Wot 1893 do 1896 studowaše katolsku teologiju. Po nawróće do Łužicy skutkowaše najprjedy wot 1896 do 1903 jako kapłan w Radworju. Wot lěta 1903 bě z katolskim fararjom w Lubiju
Winger bě powědančkar a přełožowar ze słowjanskich literaturow, wosebje z pólšćiny (Sienkiewicz). Jeho najlěpšej powědančce stej Hronow (1893) wo Třicećilětnej wójnje a Poslědnja primicija na Tuchorju (1894). Připrawi tež někotre hry za serbske dźiwadło (Na wuměnku).
Wot lěta 1901 bě čłon Maćicy Serbskeje.
Žórła
- Jurij Měrćink: Winger, Jurij. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 603
- Nekrolog – Časopis Maćicy Serbskeje 71 (1918), str. 101–104.
- J. Měrćink: J. Winger a naša literatura. Budyšin 1935.
- J. Młynk: Jurij Winger a Polacy – Polsko-łużyckie stosunki literackie, Wrocław, Warszawa, Kraków 1970, str. 51–62
- Gerald Stone, The Smallest Slavonic Nation: The Sorbs of Lusatia, str. 78
- Josef Páta: Lužickosrbská čítanka, online
Wotkazaj
- Winger, Jurij – Winger, Georg, Serbski institut
- Dokumenty w Serbskim kulturnym archiwje (pdf-dataja)
This article uses material from the Wikipedia Hornjoserbsce article Jurij Winger, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.