Čěskosłowakska (čěsce a do lěta 1990 słowaksce Československo (wurjekowanje) ? / i, potom słowaksce Česko-Slovensko) bě stat w srjedźnej Europje, kotryž wobsteješe wot 1918 do 1992.
Wona bu oficielnje załožena dnja 28. oktobra 1918 w Praze jako demokratiski prawniski stat po zapadnym přikładźe a bě jedyn z naslědnych statow Rakusko-Wuherskeje, kotraž ke kóncej Prěnjeje swětoweje wójny rozpadowaše. Z prěnim prezidentom Čěskosłowakskeje sta so filozof a spisowaćel Tomáš Garrigue Masaryk.
Do 1938 wobsteješe Čěskosłowakska republika z regionow dźensnišeje Čěskeje (Čechi, Morawska, Čěska Šleska), Słowakskeje a Karpatoukrainy, kotraž słuša wot kónca Druheje swětoweje wójny k Ukrainje.
Wot 1939 do 1945, za čas Druheje swětoweje wójny, bě wona wot nacistiskeje Němskeje wobsadźena. Tak mjenowany Sudetski kraj, kotryž bě zwjetša wot Němcow wobsydleny, słušeše hižo po Mnichowskim zrěčenju w nazymje 1938 k Němskemu mócnarstwu. Po februarje 1948 steješe pod knjejstwom komunistiskeje strony a słušeše do tak mjenowaneho wuchodneho bloka pod wjednistwom Sowjetskeho zwjazka. Reformowe hibanje Alexandra Dubčeka, tak mjenowane „Praske nalěćo“, bu w lěće 1968 wot sowjetskeho wójska poraženy.
Knjejstwo komunistiskeje strony skónči so ze „somoćanej rewoluciju“ w nazymje 1989. Dnja 31. decembra 1992 so zhromadny stat Čechow a Słowakow rozpušći.
This article uses material from the Wikipedia Hornjoserbsce article Čěskosłowakska, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.