Titak Pauluchem Potr
Epistle to Titus
Romi |
Titak Pauluchem Potr
Titak Pauluchem Potr
Tit, Frik avoibapaicho put, Paulu ani Barnabasa borabor to Jerusaleach poile vixv-sobhent vantto gheunk ghel’lo (D.I. 2/1-3 polle)
Paulu hea potrant Titak aplo mogacho put mhonntta, kiteak Paulu vorvim to, Jezuk Krist ani Soddvonnar mhonn manun gheun, Kristi bhavarthak zolma ail’lo.
Romak pile pavtti bondkhonnint asche adim. Paulun Kret zunveak bhett kel’li; punn ti kedna zali, hem sarkem sangunk zaina. Mhonnttoch ti bhett ani toxench hem potr Pauluche poile suttke ani tachea mornna modem poddtat. Povitr Pustokache xastri chodd korun Paulun Timotak poilem potr boroilea uprant, hem potr Titak boroilem mhonnttat, 65vea vo 66vea vorsa. Timotak Efezant astana fuddo korunk poddloli toslich Kretachi dharmik poristhiti asli ani dekhun titacho vavr Timotachea vavra sarkoch also.
Thoinchea lokachea sobhavak lagun, ani khotteo xikovnno posorloleo dekhun, titacho vavr ekdom avghodd zalo. Titak Kretak dovorche adim, povitr-sobha koxeo manddun haddunk ani cholounk zai tem Paulun taka sanglolem. Gonvlliacho vavr bore bhaxen korunk, Paulu hea potrant taka budhi ani updes dita.
Hea Potrachi manddavoll oxi :
Prostavna : 1 : 1-4
Povitr-Sobheche odhikari :1 : 5-16
Povitr-Sobhechea veg-vegllea zomeacnche kaide :2 : 1-15
Xiddkavnnio ani updes :3 : 1-11
Sompadnni : 3 : 12-15
Polleiat
Sondorbh
This article uses material from the Wikipedia गोंयची कोंकणी / Gõychi Konknni article Titak Pauluchem Potr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.