Romi
  

Sasvot Adarache Maiechem Noven -Our Lady of Perpetual Succour Novena

Our Lady of Vladimir, one of the holiest medieval representations of the Theotokos.
Our Holy Mother Of Perpetual Succour
Eleusa Theotokos with scenes from the life of Mary, 18th century

Ie, Povitr Atmea

Ie, Povitr Atmea rochnnara, harn ie kurpechim bhandaram,bhor him kallzam tujim rochhnam, Ie, kor amkam tujim templam

. Dhadd tujea atmeak ani sogllem novem zaun ietolem

. Ani sonvsarachem rupuch tum novem kortoloi.

Dukhichi Ucharnni - Magnnem

Prathum- ia

Deva, amchea Bapa, Tuvem Tujea Povitr atmea vorvim bhavartiamchim kallzam ani monam uzvaddailim-i ani tankam tujea jivitachea guttachi ollok dili-i. Tea Atmeachea uzvaddam kitem sarkem tem somzun gheun tachi ruch dhorunk ani teach Mogachea Atmeachi bhuzvonn sodanch bhogunk amkam favo kor. Amchea Somia Tujea Puta Jezu Krista vorvim.

Amen

Mhojea Deva hanv Tuka sotmantam, hanv tujer patietam Sorvoi vostum poros hanv Tuzo mogh kortam Sogllea mojea atmean sogglea mhojea kallzan ani sogllea mhojea bollan. Tum Sorv-boro Dev dekhun ani havem tuzo mog korunk favo dekhun hanv tuzo mog kortam ani tujea moga pasot mhojea oprandanchi kallzan than dukh dortam mhoji patkiachi kakaut kor.

Amen

Pap Saibachea entesanv passot :

The icon damaged by incense smoke and timely discoloration, prior to its restoration.

Ek Amchea Bapa, Ek Noman Morie, Onod Bapak

Tujea asrea khal ami rigtanv eh Bhagevonti Maie Devache

Eastern Orthodox icon of the Theotokos of the Passion

Tujea asrea khal ami rigtanv eh Bhagevonti Maie Devache, beporva tum korinakai amchea magnneanchi amcheam gorzanmnin pun nivar amkam sorvoi vignantlim eh onodvonti ani Bhagevonti Ankvari.

P. Sasvot Adharache Maie tujem nanvuch ghetlear amcheam kalliz visvasan bhorta

Q. Mogalle Maie mhaka mozot kor

P. Havem sogllea mhojea kallzan mhojea Devacho mog ani chakri korunk

Q. Mogalle Maie mhaka mozot kor

P. Havem kednanch magnneachi beporva korina zaunk.

Q. Mogalle Maie mhaka mozot kor

P. Nirmollponnachea povitr xegunnar add talnneamnim

Q. Mogalle Maie mhaka mozot kor

P. Hanv patkant poddlean tea nirbhagantuli tantumlo veginche vegim uttunk .

Q. Mogalle Maie mhaka mozot kor

P. Patkachi sonvoim soddun diunk havem sogle bolan vavrunk .

Q. Mogalle Maie mhaka mozot kor

P. Sonvsaracheam bulounneank khotteam ixttank pozddeam pustokam ani chol-chitrank hanvem dhir gheun pattkorunk ani tanche koddsun pois ravonk .

Q. Mogalle Maie mhaka mozot kor

P. Sabar puatti ani bhoktiponnan kumsaracho ani komunhavancho Sacrament gheun Kristi Jivitache ani mhojea bhesache kaide pallunk.

Q. Mogalle Maie mhaka mozot kor

P. Koxttam-upodream modhem sosnikaien Devache khoxer raji zaunk.

Q. Mogalle Maie mhaka mozot kor

P. Piddent ani dhukint durbollkaient ani akatant .

Q. Mogalle Maie mhaka mozot kor.

P. Mon bodlun Deva-xim portunk havem disan-dis pattim ravonam zaunk.

Q. Mogalle Maie mhaka mozot kor

P. Sodanch havem tuzo mog ani seva korunk ani tuzo alaxiro magunk.

Q. Mogalle Maie mhaka mozot kor

P. Herank tujea moga seveche ani tuzo adhar magche vatter pavonk .

Q. Mogalle Maie mhaka mozot kor

P. Mornn lagim pautoch, hanv sasnnant bhitor sortam te ghoddier .

Q. Mogalle Maie mhaka mozot kor

P. Mhoji nimnni ghoddi poriam, havem nimnno suskar soddi porian tum mhoji zoton kor .

Q. Mogalle Maie mhaka mozot kor

. Amchea pasun mag eh Sasvot adharache Maie

. Kristan bhasailam tem amkam favo zauncheak.

Prarthum-ia :

Sorv Podvedara ani kakutsara Deva zannem munxakullar adhar diunchea passot nirmilaim Ankvar Mari zaunk avoi tueja Ekleach Putachi di ami tuca prarthan tichea magnneam vorvim ami patkacho oso vattunk ani korunk tuji Seva nirmoll kallzan Teach Krista amchea Somia vorvim.

Amen

Detail of the hands of the virgin.
Detail of the icon, showing the Archangel Michael.
Close-up of the Archangel Gabriel.

Angounnean ani argamchi porgottnni

Novenachim magnnim :

Sasvot adarache Maie polle mhaka eka nirbhagea patkiac tujea paiam lagim. Hanv prartham tuka ani thujer dovortam soglo mhozo visvas. Eh kakutiche Maie churchure kor mhoje hanv ikotam soglleamnim tuka pacharleli Asrea ani Bhorvanxa patkiamchea za tor mhozo asro ani mhozo bhorvonso pav mhaka moga passot Jezu kristache ugodd tuje hat mhaka eka durboll patkiak zo jieta ani apleakuch bhettoita tuka tuzo sasnnacho chakor kozo. Havv axirvad ani argham Devak ditam dilo dekhun mhaka tache kakutim ho visvas tuje thaim khatri zoxem hanv sotmantam mhojea sasnnachea salvassanvachi kotta zaite pautti adim nirbagi zaun poddlom kiteak havem tuka ulo kelonam hanv zanno tujea mozotim hanv zoit vortolom hanv zanno tum mhaka mozot diteli mhun zor havem mhoji bhett tuka kelear tujer patieon pun bhietam patkache tallnent tuzo adhar magonam zain mhunn ani ibaddunn mhunnmozo atmo. Ho tor vortouta upkar zo magtam tuje thaim ani hanv prarthun magtam tuje lagim tuka dista tea pormonnem konn bhaxen ai kednam mhaka to mellonk odik korun emkhonddachea chopkeachea velar sodanch tuka ulo marunk ani mhunnonk tuka, Eh Maie adhar maka di sasvot adharache Maie nirminaka, havem sandunk mhojea Devak.

Amen

P. Sasvot adharache maie

Q. Tujea bhurgeam pasun mag (Noman Marie)

(Ulo ani Noman Marie tin pauttim )

Bhagevonti Marie adhar di odruxtak sampoddloleank mozot kor oskot kallzacheank mag porje pasun za xeratim Devachea Munniarianchi vinot kor soggleam Devak bhettoiloleam ostoriam pasot favo kor tuzo adhar soggleank je magtat tuzo sasnnacho alaxiro.

P. Tuka kelea amcho asro eh Saibinni

Q. Adhar dinnar gorzant ani dukhim khontimnim

Prartum-ia :

Eh Somia Jezu Krista Tunvem amkam dilli Mai Mairek amchi Maim korun sodanch toiar amkam adhar diunk jichea ojapanchea rupkarak ami man ditanv ani magtanv tuje lagim amkam favo zaun tichea Maim ponnacho alaxiro bhogunk pavunk sodamkal foll tuje soddvonnecho Tum zo jietai ani rajvot choloitai sasnachea Sasnnank.

Amen.

Gaion : Mogall Maim mag mhoj pasun

Mogall Maim mag mhoj pasun.

Sorga ani tuje sun

Pois poinn kortam, moddkor voddeant

Jinneiem khorkos doriant

Mogall Maim mag mhoj pasun

Zotnnai thamboinaka

Sorgim sasnnak tuz mog ani

Onod fav sor mhaka

Gorzo

Ugddas kor eh Marie - Magnnem :

Eh Bhov konvalle Ankvar Marie, ugddas dor ki konn tori tuzo asro gheunk dhanvlolo, tuzo adhar magunk, ani tuji mozot sodunk ghelolo, tujea hatantlo alaxiro ghenastna urla mhonn kednanch aikunk ieunk na. Hea bhorvanxean ravun, hanv tujea gopant dhavun ietam, Eh Ankvarinche Ankvari, Maie mhoje, Tuje mukar ubho rautam, Eh Devachea, Putachea Maie, mhojea magnneachi beporva korum naka, pun doya korun tem aikun ghe ani folladik kor.

Amen

Expozisanv :

Eh kakutsara Somia Jezu gonnit naslole kakuttin ani xeovott naslolea mogan ojapanchea altaravelea Sakramentant Tum ravlai sodanch asonk amchea modhem sonvsar sompo porian. Tujea dulob doiallponnan amche moti ginneanam voir Tuji sotea choloi Tujea bholea mogan amkam xegunnanchi vatt tankunk xikhoi ani tujea thor bollan sogleam konnistaiantlim akantantlim ani patkantlim amkam nivar, hea vorvim ami sodanch jieonk tuje thaim ani tujea sangata hea sonvsarant ani uprant tujea mhoimevont Devostanant sorgar bhogunk tuka sasnnachea sasnnak.

Amen

Piddevontak Axirvad :

. Amcho adhar Somiachea nanvar asa

. Tannem Sorg ani Sonvsar rochla

. Somia mhojem magnnem aik

. Ani mhojem rudan tujexim pavom

. Somi assum tumchea thaim

. Ani tumchea atmea thaim

Prartum-ia :

Prarthanv tuka Somia Deva heam tujeam chakrank favo kor sodanch bhogunk kuddichi bolaiki ani monachi xanti ani onodvont adharan Bhagevonti sodanch Ankvar Moriechea tim nivarunk hea kallache khontintlim ani bhogunk pavonk sasnnachem dhadhosponn Krista amchea Somia vorvim. Amen

(Iadnik aplo uzo hat porje vislean vistarun )

Somi Jezu Krist tumche modem asum tumkam rakunk tumchea vixim tumkam ballgunk tumcher mukar vatt dadkhounk tumchea patllean tumchi zotonn korunk tumche voir tumcher axirvad ghalunk. Tum zo Bapa ani Povitr Atmea sangatim jieta ani razvott korta sasnnachea sasnak.

'Amen'

Sasvot Adarache Maiechea magnnea vorvim Sorv podvedar Devachem besaum : Bapachem, Putrachem ani Povitr Atmeachem, tumche voir denvum ani sodankal togum.

'Amen'

Gaion : Marie Povitr Chitrar Thaun

Marie povitr chitrar thaun

Dukh – goddveanchea dolleamnim,

Polle Sasvot adarache Maie,

Sorpott tujeam paiam lagim,

Tuje vengent Ballok tuzo

Oromb tujea sukh dukhacho

Kedo sontos, kholl dukh tujem

Maie tukach tem thavem

Povitr Sakramentachem Besaum :

Hedea vortea Sakramentak,

Sorpott nomoskar koria,

Tea pornneam dakhleache bodlek

Noveo riti adharia

Osokt visveank adhar diuncheak

Bhavartan sotmanuva


Zoxem Bapak toxem Putak

Onod ani stuthi zaum

Noman, vornon podvi pratap

Fankoun gazoumdi Dev- nanv

Dogiiaim than ubzon ieteleak

Eksarki vakhanni zaun.

Amen

Prarthum-ia : Iadnik :

Eh Deva, hea ojapanchea Sacramentant, Tujea koxttamcho ugddas amkam dovorlai, nirmi ami magtanv, nomoskar korunk Tuje kuddichea ani Rogtachea povitr Mister hea vorvim ami sodamkal bhogunk tuje soddvonnecho foll, Tum zo jietai ani raj choloita, sasnnachea sasnnak.

'Amen'

Bhagevont Vakhanneom :

Sodoiv zaun Dev,

Sodoiv zaun Tachem povitr Nanv,

Sodoiv zaun Jezu niz Dev ani niz Munis,

Sodoiv zaun Jezuchem nanv,

Sodoiv zaun Tachem bhov povitr kalliz,

Sodoiv zaun Tachem bhov amolik rogot,

Sodoiv zaum Jezu Altaravoilea bhov povitr sakramentant,

Sodoiv zaum Povitr Atmo Bhuzvonndar,

Sodoiv zaun Devachi vhodd Mai bhov Bhagevont Mari,

Sodoiv zaum Tichem povitr ani nixkhollonk Ghorbosombhov ,

Sodoiv zaun Tichem onodvont kuddiatmea soit sorgar vhorop,

Sodoiv zaun Mariechem nanv,

Sodoiv zaun Ti Ankvar ani Mai,

Sodoiv zaun Bhagevont Juze Ticho bhov nirmoll Poti,

Sodoiv zaun Dev, Tacheam dutam ani bhoktam thaim''

Gaion : Maim bhov mogall, Maim Sundori

Maim bhov mogall, Maim Sundori,

Adhar magtanv, adhar dhi

Khotavinn, vichitr Ankvari,

Pav Maim pav, prarthanv ami

Cor :

Marie pav, Tum pav amkam

Marie pav, Tum pav amkam

Pav sorvoi uskeam khontimnin

Marie pau, prarthanv ami


Marie pav dukhim, khontimnin,

Piddestank vollvolleamnin,

Falleam dis tancher uzvadum

Bholaikent sontos portum

Polleiat

Our_Lady_of_Perpetual_Help

"https://www.duhoctrungquoc.vn/wiki/index.php?lang=gom&q=Sasvot_Adarache_Maiechem_Noven&oldid=205145" चे कडल्यान परतून मेळयलें

हातूंतलो मजकूर CC BY-SA 3.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses. Wikipedia®is a registered trademark of the Wikimedia Foundation, Inc. Wiki (Study in China) is an independent company and has no affiliation with Wikimedia Foundation.
This article uses material from the Wikipedia article Sasvot Adarache Maiechem Noven, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply. (view authors).

🔥 Top trends keywords गोंयची कोंकणी / Gõychi Konknni Wiki:

मुखेल पानविशेश:SearchRuzai Saibinnicho Ters - The Holy Rosaryआशिया खंडVasco da GamaBhov Folladik Magnnem Sant AntonnikShirdonaगोंयधनगरकथाAlfred Hitchcockअष्टविनायकबाबासाहेब आंबेडकरमहात्मा गांधीभगतसिंगDukhichi Ucharnni Magnnemबाबुराव पेंटरआफ्रिका खंडशिंपीअश्मयुगSe CathedralMahatma GandhiSaibinn Ghara Bhair Sortanam Magnnemविशेश:MyTalkरातराणीनीलम संजीव रेड्डीआझाद हिंद सेनाWikipidiaकॅनडादेवनागरी लिपीएकक:Citation/CS1/Utilitiesअमेरिकेचीं संयुक्त राज्यांFutbolNatalगरबाफ्रांस, आनातॉलदामोदर मावजोGõychi Mukti Chollvollस्पेनविशेश:RecentChangesअमेरिका खंडGeorge Orwellकोंकणी भाससोरपोतेलGõyअंटार्क्टिकाAzad Gomantak Dalविकिपीडिया:Tinttoಕುವೆಂಪುभजनऑस्ट्रेलियाविशय:X3gnkkek1ut8ip0mयुरोपबडिशेपGoa VelhaऔरंगजेबआळंदीपालखीSasvot Adarache Maiechem NovenतांबेPovitr PustokKadamba Transport Corporationविश्वनाथ लवंदेInglezभारतसफरचंदFrancianSaibinn Gharant Bhitor Sortanam Magnnemविशय:X3lyh1vekmtkbxfjSigmund Freudचर्चा:Alfred Hitchcockघटक नियोजनAnatole Franceरविंद्र कॆळॆकारविकिपीडिया:सामान्य न्हयकारणीगोवा-व्हेलाअरुबाऑक्सिजनव्हॉलीबॉल🡆 More