Hafez: ñe'ẽpapára Péysia pegua

Héra heñóivo ha'e va'ekue Mohammed Shams od-Din, oñeme'ẽ va'ekue herorã Hafez («ñongatuhára» araveñe'ẽme) oikuaapágui ha imandu'apa upe aranduka marangatu hérava Korã.

Hafez
Hetã	dinastía muzafárida y Imperio timúrida
Hembiapo	ñe'ẽpapára, Taihaihára y haihára
Jokuaikuaa rape	Islã, sunismo, sufismo
[editar datos en Wikidata]

Omba'apo va'ekue tupãkuaatyhára sufi rami, ha sapy'apy'a, mburuvichavete róga ñe'ẽpapára ramo. Ko ára peve oĩ heta mba'e herungua ha káso opaichagua Hafiz rekove rehegua, sa'imi ojeikuaaitégui hekovekue rehegua. Hembiapokuépe heta jajuhu omombe'úva ka'u, víno, jey'urã oporomonga'úva, jeroviapy ha paje rehegua, upévare jepivénte oĩ oñemoĩva hese ha hembiapokuére oimo'ãgui naiporãihague. Oñehesa'ỹijo ha ojeipyguaraite hembiapokue, ha'e ojejuhu umi ñe'ẽpapára tuichavéva ha ojehechakuaavéva apytépe Péysia ñe'ẽpotýpe. Opaichagua umi ohóva ohecha Hafez ñeñotỹha. Hembiapokue oñembojoapypa amo ary 1368 jave, upekuévo oñembojoaju hetave 500 ñe'ẽpoty.

Oje'e Hafez omendahague peteĩ kuñataĩre ombohero va'ekue Shâj-e Nabât («takuare'ẽ rakã»). Ikatu oreko ita'ýra térã itajýra, jepémo oñeguenohẽnte ko marandu hembiapokuégui, ndaikatúi jaikuaaite.