Carlos Miguel Jiménez
Carlos Miguel Jiménez, ñe'ẽpapára ha purahéi apohára, heñoi'akue táva Pilar, Paraguay retãme, ára 5 jasypokõi ary 1914-pe.
Itúva hérava’ekue Carlos Federico Brackebusch ha isýkatu Amalia Elisa Jiménez. Imitãmema ouva’ekue Paraguaýpe oñemoarandúvo ha umi imbo’ehare apytépe oîva’ekue Mbo’ehára arandu Delfín Chamorro. Upéi ovava’ekue Buenos Aires-pe ha upépe ohai ñe’ẽpoty ha ombohetia’e opaite aty ojapóvajepi Paraguaygua oikóva upépe, péicha oikuaajepe José Asunción Flores, Emilio Bobadilla Cáceres, Félix Pérez Cardozo ha Agustín Barboza-pe.
Hembiapoita apytépe oĩ: “Alma vibrante”, “Golondrina fugitiva”, “Mi patria soñada”, “Muchachita campesina”, “Flor de Pilar”, “Che yvoty mombyry”, “Okarayguami akã sa’yju” ha “Punta karapãme Serrato ndive”.
Ojerahajepékuri ka'irãime, mombyry mombyryeterei, ypa'ũ Margarita-pe ha upéi -isãso rire- peteĩ ára hapicha kolo'o oñohẽ hováre ytaku ha omohesatũ chupe ndaje hesa rovýre. Hekove paha gotyo, imboriahu apĩ, ho'u guari ha oiko ha'eñomi, péicha omanókuri táva Paraguaýpe, ára 29 jasypoapy ary 1970-pe. Hembiapoita apytépe niko pe ojehecharamovéva ha naijojaháiva ha'ehína “Mi Patria Soñada”.
***
Joaju
This article uses material from the Wikipedia Avañe'ẽ article Carlos Miguel Jiménez, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.