چک (چکي مئن: Česká republika, Česko) ایته کيشور ايسه کي اۊرۊپا قاره دۊرۊن واقع بۊبؤسته.
أ کيشور ٚ پایتخت ؤ پيله شأر پراگ ایسه. أ کيشور-أ خۊشکي دؤرأگۊده ؤ دریا-یأ را نأره. چک مرکزي اۊرۊپا سامان ٚ مئن دره ؤ آلمان، لهستان، اۊتريش ؤ اسلؤواکي أمرأ سامانسر دأره ؤ اۊرۊپا ايتحاديه مئن عۊضو ايسه. چک أول وار ۱۹۹۳ ژانويه مئن ؤ چکؤسلؤواکي کيشور ٚ تخسيم ٚ پسي، تشکيل بيگيته. أ کيشور ٚ پۊل ٚ واحد کؤرؤنا نام دأره. چک ٚ جمعيت ۱۰ ميليۊن ؤ ۷۰۸ هيزار نفر ؤ اۊن ٚ رسمي زوان، چکي ايسه گه ايته جه اسلاوي زوانان ايسه. سۊته بۊهم، مؤراويا ؤ ايته بخش جه سيلزي تاريخي منطقهئن چک ٚ مئن درئد. چک ٚ محدۊده، سابق بۊهم (بۊهميا) نام ٚ أمرأ معرۊف بۊ ؤ تاريخي سربسان ٚ مئن ويشتر أ نام ٚ أمرأ یاد بۊبؤسته. چک ٚ مردۊم مذهبي نيئد ؤ أ کيشور بيديني نظر ٚ جه دۊنيا کيشوران ٚ مئن سوؤم ايسه. چک ٚ ۲۰۱۱ سال ٚ سرايشماردن ٚ مئن، مردۊم ٚ ۴۵,۲ درصد خۊشان ٚ ديني واورس-أ آوج-أ ندأده ؤ ۳۴,۲ درصد خۊشان-أ بيدين بدأنستد ؤ ۱۰,۳ درصد بۊگۊتد گه مسيحيت ٚ رۊمي کاتؤليک-أ دۊمبال کۊنئده. ۲۰۰۵ سال ٚ مئن مردۊم ٚ ۱۰ درصد بۊگۊتد گه خۊدا-یأ باور دأرده.
چک ٚ جؤمۊري
|
This article uses material from the Wikipedia گیلکی article چک ٚ جؤمۊري, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.