Tchéquie
Ch't' articl'ye fut c'menchie en Jèrriais |
| |||
 | |||
| Langue officielle | Tchèque | ||
| Capitale | Prague | ||
| Chef d'êtat | Miloš Zeman | ||
| Preunmié Minnistre | Andrej Babiš | ||
| Monnaie | Couronne | ||
| Zone dé l'heuthe | +1 (DST +2) | ||
| Antienne | Kde domov můj | ||
| Fête nâtionnale | 1 d'Janvyi | ||
| Întèrnet TLD | .cz | ||
| Code à phôner | +420 | ||
La Tchéquie (Česko) ou Républyique Tchèque (Cotentinais : Républlique tchèque, Česká republika) est un pays en Ûrope. Ch'est iun des membres dé l'Unnion Ûropéenne.
Géographie
La Républyique Tchèque est composée d'la Bohême (dans l'Vouêt), la Moravie (dans l'Êst) et un bétchet d'la Silésie (dans l'Nord). Dans l'Vouêt et l'Nord y'a des montangnes. Les grandes riviéthes sont les Labe, Vltava et Morava.
Prague est la pus grande ville. La pus grande ville en Moravie est Brno
Histouaithe
En 1918, les Tchèques fondîtent un êtat en c'mun auve les Slovaques - la Tchécoslovaquie ou la Tchéco-Slovaquie. L'Accord dé Munich êlopit la Tchécoslovaquie en 1938 et eune partie du tèrrain fut prînse par l's Allemands. Pus tard, lé tèrritouaithe Tchèque fut gouvèrné coumme protectorat.
Auprès la Deuxième Dgèrre Mondiale, la Tchécoslovaquie fut r'formée. En 1948 un co d'êtat înstallit les commeunistes au pouvé.
À la siette du R'nouvé d'Prague dé 1968, la Tchécoslovaquie fut changie formellement en eune fédéthâtion d'deux républyiques - mais l'pouvé 'tait acouo centralîsé siez les commeunistes - et les tèrrains Tchèques d'vîntent la Républyique Socialiste Tchèque.
La Révolution dé Vlous en 1989 r'donnit la démocratie au pays, mais des difféthences d'avis entré les Tchèques et les Slovaques et les difféthentes politiques nécessaithes pouor l's êcononmies des deux pays m'nîtent à la s'pathâtion. Lé souô-dîsant Dêmathiage dé Vlous prînt pliaiche au Tchu d'l'An 1992.
Viyiz étout
This article uses material from the Wikipedia Nouormand/Normaund article Tchéquie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.