نيکا شاکرمي
نيکا شاکرمي (۱۰ مهر ۱۳۸۴ – شهريور ۱۴۰۱) ايته ايراني نؤأورنا کؤر بۊ کي ايران ٚ ۱۴۰۱ اعتراضان ٚ مئن، ايسلامي جؤمۊري مأمۊران اۊن-أ بۊکۊشتد.
اۊن ۲۹ شهريور ٚ مئن اعتراض گۊدن ٚ وأسي بۊشؤ بۊ خيابان ؤ خۊ آخري تماس ٚ مئن بۊگۊته کي حۊکۊمت ٚ مأمۊران اۊن ٚ دۊمبال-أ درن ؤ بأزين ني تئران ٚ کیشاورز ٚ بۊلوار ٚ مئن أوير-أ بؤسته. اۊن ٚ آسيب بيده بدن-أ اۊن ٚ خانواده ۱۰ رۊج ٚ پسي کهريزک ٚ خۊلدانه مئن شيناسايي بۊگۊدئد. بأزين أمنيتي مأمۊران اۊن ٚ بدن-أ بۊدۊزانئد ؤ جۊخؤفته‌بؤ ايته رۊستا مئن دفن بۊگۊدئد.
| نيکا شاکرمي | |
|---|---|
| بزارۊج | ۱۰ مهر ۱۳۸۴ |
| بزاجيگا | خۊرم آباد، لؤرستان، ايران |
| زيوش ٚ جيگا | تئران، ايران |
| دفن ٚ جيگا | لؤرستان، ايران |
زيوش
نيکا شاکرمي ۱۰ مهر ۱۳۸۴ لؤرستان ٚ خۊرم آباد ٚ مئن دۊنيا بامؤ. اۊن ٚ پئر چن سال بۊ کي فؤت بۊگۊده بۊ ؤ نيکا خۊ مار ؤ پيله خاخۊر أمرأ ايجايي ايسابۊد. نيکا ايته سال خۊ بۊکۊشته بؤستن ٚ پيش، ألبۊرز ٚ فرديس ٚ مئن زيوش گۊدي ولي بأزين تحصيل ٚ وأسي بۊشؤ تئران. اۊن هۊنر ؤ نقاشي-أ علاقه دأشتي ؤ تئران ٚ هۊنرستان ٚ مئن درس خاندي.
کۊشتن
نيکا شاکرمي ۲۹ شهريور ۱۴۰۱، تئران ٚ کيشاورز ٚ بۊلوار مئن أوير-أ بؤسته. ۷ مهر ۱۴۰۱ اۊن ٚ خانواده اۊن ٚ جسد-أ کهريزک ٚ مئن شيناسايي بۊگۊدئد. اۊن خۊ آخري تماس ٚ مئن بۊگۊته بۊ کي حۊکۊمت ٚ مأمۊران ٚ جه گۊرؤختن دره. زماتي کي نيکا أوير-أ بؤسته بۊ خۊ شيناسنامه-یأ خۊ أمرأ ؤ کۊله مئن دأشتي. تا حۊدۊد ساعت ۷ صۊب ۳۰ شهريور اۊن ٚ تلفؤن دسبرس ٚ حالت مئن دۊبۊ ؤ بأزين خامۊش-أ بؤسته.
شاکرمي خانواده ۷ مهر مئن مفقۊدي فایل ٚ کامل گۊدن ٚ وأسي بۊشؤد أمنيت ٚ پؤليس ٚ مرکز ؤ اۊیه مأمۊران بۊگۊتد کي ايته جسد بیافتده کي نيکا مۊشخصات-أ دأره. کهريزک ٚ مئن تنئا نيکا ديم-أ نشان بدأده ؤ ايجازه ندأده کي نيکا خانواده اۊن ٚ بدن-أ بيديند. آتش شاکرمي کي نيکا خالا ايسه بۊگۊته: «نيکا فؤت علت-أ کفتن بۊلندي جه اعلام بۊگدئد ولي مي برار خۊ تاتايي-أ کي نيکا جسد ٚ جه بيگيته بۊ اۊشان-أ نشان بدأ ؤ بۊگۊته کي اۊن ٚ کفتن ٚ حالت خيابان ٚ سر عادي نيه ؤ بعيد ايسه کي بۊلندي جه بکفته بي. صۊب کي جسد ٚ تحويل گيتن ٚ وأسي بۊشؤد، بيدئد کي اۊن ٚ ويني بشکسته ايسه ؤ اۊن ٚ جؤمجؤمه ني متعدد ٚ مؤکم ضربه‌ئن ٚ جه کي باتۊن ٚ أثر-أ مأنه همه بشکسته ؤ خؤرد-أ بؤسته ايسه.»
نيکا تلگرام ؤ اينستاگرام ٚ حيسابان ني هۊ شو کي أوير-أ بؤسته بۊ حذف بۊبؤسته.
دفن گۊدن
زماتي کي قرار بۊ نيکا خۊرم آباد ٚ صالحين ٚ قبرستان مئن دفن ببه، ايسلامي جؤمۊري أمنيتي مأمۊران بۊشؤد خۊرم آباد ٚ مؤرده‌شۊرخانه مئن ؤ نيکا شاکرمي جسد-أ بۊدۊزانئد ؤ دۊشمبه ۱۱ مهر ٚ مئن ايته کۊچي رۊستا دۊرۊن کي اۊن ٚ نام حیات‌الغیب ايسه ؤ شأر ٚ جه پۊر فاصله دأره دفن بۊگۊدئد. اۊن ٚ مراسم ۷۰ تا ۸۰ ته مسلح أمنيتي مأمۊر ٚ حضۊر ٚ أمرأ أنجام بۊبؤسته ؤ طؤري بۊ کي حتی نيکا خانواده ني اۊن ٚ دفن ؤ مراسم جه اطلاع نأشتيد. دۊته جه نيکا فاميلان ني کي اۊن ٚ دفن ٚ مراسم ٚ جه خوردار بۊبؤستد، زماتي کي أ رۊستا دۊرۊن بۊشؤد مأمۊران اۊشان-أ بيگيتد ؤ ونلاشتد کي مراسم ٚ مئن شرکت بۊکۊند.
فاميلان ٚ گيتن
أمنيتي مأمۊران آتش شاکرمي ؤ محسن شاکرمي-أ کي نيکا خالا ؤ دأيي ايسد بازداشت بۊگۊدئد. هأتؤني مأمۊران شاکرمي خانواده-یأ تهدید بۊگۊدئد کي أخر تام نزنده، آتش کرمي-أ ني نيکا مأنستن کۊشده. شاکرمي خانواده ايجباري اعتراف ٚ وأسي پۊر تهديد بۊبؤستد ؤ مأمۊران اۊشان-أ تهديد بۊگۊدئد کي وا ايته بۊگۊ بيشتاو ٚ مئن حۊکۊمتي رسانه‌ئن ٚ أمرأ، شاکرمي خانواده تأييد بۊکۊند کي نيکا تظاهرات ٚ مئن نئسابۊ ؤ ايته ساختمان ٚ جؤر ٚ جه بکفته.
سربس
This article uses material from the Wikipedia گیلکی article نيکا شاکرمي, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.