SpaceShipOne foi un avión espacial suborbital deseñado pola compañía Scaled Composites, propiedade de Burt Rutan, para gañar o premio X de Ansari.
Considerada unha nave experimental, a SpaceShipOne lanzábase desde a aeronave White Knight e propulsábase mediante un foguete con motor híbrido desenvolvido por SpaceDev alimentado por óxido nitroso e HTBD. Na cabina presurizada había espazo para tres tripulantes e a nave podía chegar aos 100 km de altura. Para a reentrada as súas alas inclinábanse cara a arriba para estabilizar a nave e reentrar coa parte inferior da nave por diante. Para a aterraxe as ás volvían á configuración inicial, como nunha aeronave convencional.
A finalidade da nave era abrir o camiño ao turismo espacial con voos suborbitais, aínda que ela mesma nunca transportou turistas e tódolos voos adicáronse a probar os sistema da nave e novas técnicas. O primeiro voo, sen propulsión, tivo lugar o 8 de agosto de 2003. A nave chegou ao límite do espazo, a 100 km de altura, por primeira vez o 21 de xuño de 2004, co piloto Mike Melvill aos mandos, convertendo a SpaceShipOne no primeiro voo suborbital privado en chegar a esa altura. A nave gañou o Premio X ao facer un voo 29 de setembro de 2004 seguido doutro o 4 de outubro, dentro das dúas semanas estipuladas nas condicións para conseguir o premio. En total a nave voou con propulsión seis veces, todas lanzada desde o espazoporto de Mojave, en California. Sucedeuna a SpaceShipTwo, propiedade de Virgin Galaxy, para comezar os voos espaciais suborbitais comerciais.
Voo | Data | Resultado | Notas |
---|---|---|---|
1 | 17 de decembro de 2003 | Éxito | Altura de 20,7 km, velocidade de 1,2 Mach. |
2 | 8 de abril de 2004 | Éxito | Altura de 32,0 km, velocidade de 1,6 Mach. |
3 | 13 de maio de 2004 | Éxito | Altura de 64,4 km, velocidade de 2,5 Mach. |
4 | 21 de xuño de 2004 | Éxito | Altura de 100,1 km, velocidade de 2,9 Mach. |
5 | 29 de setembro de 2004 | Éxito | Altura de 102,9 km, velocidade de 2,9 Mach. |
6 | 4 de outubro de 2004 | Éxito | Altura de 111,9 km, velocidade de 3,1 Mach. |
Wiki Commons ten máis contidos multimedia na categoría: SpaceShipOne |
This article uses material from the Wikipedia Galego article SpaceShipOne, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.