Pitchfork Media

Céntrase na música independente e underground, especialmente no indie rock. Porén o seu abano esténdese á electrónica, pop, hip hop, dance, folk, jazz, metal e música experimental. A web céntrase na música nova, pero os xornalistas de Pitchfork tamén realizan recensións de re-edicións de álbums e box sets. A páxina tamén ten publicado listas de mellores álbums e cancións por décadas, ademais de realizar unha lista anual cos mellores disco e sinxelos dese ano.

Pitchfork Media
Tipo	revista, revista eletrónica, páxina web e music journalism
Data de fundación	1995
Sede	Chicago
País	Estados Unidos de América
Na rede
https://pitchfork.com
[ editar datos en Wikidata ]

Actualmente Pitchfork ten unha audiencia duns 240.000 lectores diarios, e máis de 1,5 millóns de visitantes únicos por mes, sendo a publicación musical online adicada á música independente máis popular.

A finais de 1995, Ryan Schreiber, entón acabado de saír do instituto, creou Pitchfork en Minneapolis, Minnesota. Influenciado por fancines locais e a emisora de radio da universidade, a KUOM, Schreiber, que non tiña experiencia previa escribindo, lanzouse a proporcionar a Internet un recurso actualizado regularmente para a música independente. Nun principio levou o nome de Turntable, e a páxina foi orixinalmente actualizada mensualmente con entrevistas e recensións. En maio de 1996 o sitio comezou a publicar diariamente, e foi renomeada como "Pitchfork", unha referencia á tatuaxe de Tony Montana na película de 1983 O prezo do poder.

A comezos de 1999, Schreiber deixou Minneapolis e mudouse a Chicago, Illinois. Cara entón, a páxina expandírase a catro recensións de álbums diarias, ademais de entrevistas, columnas e artigos esporádicos. Tamén comezou a gañar seguimento, tanto pola súa extensa cobertura da música underground como polo seu estilo de escritura. En outubro dese ano o sitio engadiu unha sección diaria de noticias musicais.

Ligazóns externas

• Páxina de Pitchfork Media

Este artigo non contén imaxes. Pode axudar cargando imaxes, na Galipedia ou na Wiki Commons, relacionadas co contido do artigo, ou incluíndo unha xa existente.  Debe ter en conta as políticas de uso de imaxes e o respecto polos dereitos de autoría.