Paradela: Concello da comarca de Sarria, na provincia de Lugo

Segundo o INE a súa poboación no 2017 era de 1.851 habitantes (2.307 no 2006, 2.367 no 2005, 2.408 no 2004, 2.463 no 2003) e 1.723 no 2021. O seu xentilicio (véxase no Galizionario) é «paradelense».

Paradela

Localización
42°45′50″N 7°34′03″O / 42.764, -7.56747°34′03″O / 42.764, -7.5674
Estado	España
Comunidade autónoma	Galicia
Provincia	Provincia de Lugo
Capital	Paradela
Poboación
Poboación	1.638 (2023) (13,52 hab./km²)
Xeografía
Parte de	Mancomunidade de Concellos Galegos do Camiño Francés
Superficie	121,12 km²
Altitude	345 m
Comparte fronteira con	Portomarín O Saviñao Taboada Bóveda Sarria O Incio O Páramo
Organización política
• Alcalde	José Manuel Mato Díaz
Eleccións municipais en Paradela
Identificador descritivo
Código postal	27...
Fuso horario	UTC+01:00
Código INE	27042
Páxina web	paradela.es…

Paradela sitúase no suroeste da provincia de Lugo, entre o val do río Miño e a depresión de Sarria. Limita ao norte co Páramo, ao sur con Bóveda e O Saviñao, ao leste con Sarria e O Incio, e ao oeste con Taboada e Portomarín. Ten uns 121,12 km², repartidos en 18 parroquias.

Polo oeste pasa o río Miño, e atravesando a parte norte está o río Loio. O punto máis alto é Pena Ventureira (838 m), sendo a altitude media do concello de 600 m.

O concello de Paradela aprobou o 16 de abril de 1986 o proxecto de Estudo Heráldico e Estandarte para o Concello redactado por Vicente Cárdenas y Vicent, sendo aprobado definitivamente pola Xunta de Galicia o 16 de outubro do mesmo ano.

No escudo aparece a mitra, representando o mosteiro de Santa María de Loio, que aparece nomeado na Bula aprobatoria da Constitución canónica da Orde de Santiago, expedida polo Papa Alexandre III.

A campá representa a de San Miguel, á que sempre se lle atribuíu unha axuda milagreira nos partos dificultosos.

A grande Cruz de Santiago, no centro, lembra o paso do camiño francés a Santiago de Compostela polo concello, onde houbo importantes hospitais de peregrinos, así como unhas das primeiras posesións e casas matrices da Orde.

Os dous castiñeiros representan a destacada riqueza forestal de Paradela.

No concello sitúanse o mosteiro de San Facundo de Ribas de Miño (século XIII), o mosteiro de Santa María de Castro de Rei e o mosteiro de Santa María de Loio.

Segundo Nicandro Ares Paradela é o nome do concello e de catro parroquias, mais non de ningún lugar. É un diminutivo de parada (latín parata) nun camiño, como o Camiño de Santiago.

En Paradela naceron Xosé Arias Fernández, José Ramón Dosio López, Emilio Golás, José López Armesto, José López López, Luis López López, Diego López Rodríguez, José Manuel Mato Díaz, Xesús Mato Mato, Manuel Rodríguez López e Maximino Rodríguez Perez.

•  
  Centro Socio Cultural Manuel Rodríguez López.
•  
  Igrexa de Santa María de Ferreiros.
•  
  Río Miño en Francos, Paradela.
•  
  Casa do concello.
•  
  Placa altimétrica do concello.

Para unha lista completa de todos os lugares do concello de Paradela vexa: Lugares de Paradela.