Nuria Roca: Presentadora de televisión española
Nuria Roca Granell, nada en Montcada (Valencia) o 23 de marzo de 1972, é unha presentadora de televisión española.
 (2008)  | |
| Biografía | |
|---|---|
| Nacemento | (es) Nuria Roca Granell 23 de marzo de 1972 (52 anos)Montcada, España |
| Datos persoais | |
| País de nacionalidade | España |
| Educación | Universidade Politécnica de Valencia - Q5705290  (–2003) |
| Cor dos ollos | Castaño |
| Cor do pelo | Cabelo castaño |
| Actividade | |
| Ocupación | locutor (2014–), presentadora de televisión (1994–), actriz , xornalista , escritora , arquitecta técnica |
| Período de actividade | 1994 - |
| Empregador | Atresmedia |
| Lingua | Lingua castelá |
| Familia | |
| Cónxuxe | Juan del Val (2000–) |
    | |
Estudos
Naceu o 23 de marzo de 1972. Estudou Arquitectura Técnica na Universidade Politécnica de Valencia, titulándose en decembro de 2003. Empezou no mundo da televisión de xeito casual, adoitaba acudir a un programa da televisión valenciana para recadar fondos para a viaxe de fin de carreira. Presentouse a un casting, animada polos seus amigos, e foi elixida para porse fronte ás cámaras.
Traxectoria profesional
Televisión
Canal 9
Debutou en televisión en 1994 na cadea autonómica valenciana, Canal 9 co concurso La Sort de Cara. Nesa mesma cadea presentou Fem tele (1998-2000).
Televisión española
En 1998 Chicho Ibáñez Serrador fixouse nela para presentar a segunda etapa do concurso sobre o mundo animal Waku Waku de TVE, en substitución de Consuelo Berlanga.
O 31 de decembro de 1999 tivo o gran privilexio de abrir as portas do novo ano a toda España nas badaladas en TVE, xunto a Ramón García. Ambos presentarían a posterior gala de benvida ao 2000 xunto a Andoni Ferreño e Mabel Lozano.
Ese mesmo ano conduciu o show de parellas La casa de tus sueños, para a cadea pública en horario estelar.
Telecinco
Telecinco fichouna para presentar Buenas Tardes (2000) e Nada personal (2001), xunto a Maribel Casany e Llum Barrera. En 2002-2003 debuta como actriz na serie de Emilio Aragón Javier ya no vive solo.
Antena 3
Entre 2003 e 2005 presentou La isla de los famosos en Antena 3 e en 2004 UHF na mesma cadea.
Cuatro
En abril de 2006 foi fichada pola nova canle de televisión Cuatro, onde presentou o programa Nos pierde la fama. Unha vez cancelado ese espazo, e desde o 3 de febreiro de 2007, fíxose cargo do concurso Gran Slam na mesma cadea, aínda que foi relevada por Nico Abad.
Desde o 13 de maio de 2007, fíxose cargo do concurso Factor X, do cal emitíronse dúas edicións.
En decembro de 2007 copresenta dous especiais sobre sexo titulados El sexómetro xunto con Josep Lobató no cal analizábanse os hábitos dos españois grazas a unha macroencuesta realizada pola empresa de sondaxes Opina.
En xaneiro de 2008 presentou Tienes talento, programa no que se intenta buscar a unha estrela en calquera campo artístico de España e a partir de maio do mesmo ano presentou o concurso El Gran Quiz.
A principios de 2009 estreou o Reality Show Perdidos en la tribu, que tivo unha segunda tempada en 2010.
O último trimestre de 2009 presenta o programa Reforma Sorpresa unha adaptación de 60 Minutes Makeover e un ano máis tarde Tu vista favorita. En abril de 2011 estreou con éxito o programa Perdidos en la ciudad, a continuación de Perdidos en la tribu.
Divinity
En 2011 e tras a fusión de Telecinco e Cuatro Nuria é escollida como imaxe da canle feminina Divinity no que presentará programas de entrevistas e reportaxes, ademais Nuria será o rostro encargado de enlazar o contido multimedia da web coa cadea, ademais de converterse na protagonista das autopromocións.
O 14 de setembro de 2011, Nuria Roca rompe o seu contrato con Mediaset España, a pesar de ter varios proxectos con este grupo.
Radio
Colaborou desde 2002 ata 2007, en No somos nadie, o espazo matinal de Pablo Motos en M80 Radio.
Foi a invitada na cadea de radio Los 40 Principales no espazo matinal ¡Anda ya! o 26 de abril de 2011 presentando os seus libros e contando un pouco a historia da súa vida.
Desde que o presentador Óscar Martínez presenta Atrévete, en Cadena Dial, Nuria Roca, ten unha sección na que comparte con todos os oíntes reflexións da vida real.
Escritora
É tamén autora, incluíndo o seu último libro Sexual-mente: El libro que tu chic@ no querrá que leas editado por Espasa-Calpe.
En 2009 publica a súa primeira novela: Los caracoles no saben que son caracoles.
Tamén, en 2011, Núria Roca, escribiu o libro Para Ana (de tu muerto).
Premios e nomeamentos
- Premio Cosmopolitan 2008 á Mellor presentadora por Factor X, Tienes talento e El Gran Quiz.
- Antena de Ouro de Televisión 2004 por La Selva de los Famosos.
- Nomeada ao TP de Ouro (2000) como Mellor presentadora por Waku Waku e Buenas Tardes.
Vida persoal
Casou o 6 de outubro de 2000 na localidade valenciana de El Puig con Juan del Val. O matrimonio ten 3 fillos: Joan, Pau e Olivia.
Notas
Véxase tamén
Ligazóns externas
- Web oficial de Nuria RocaArquivado 22 de xaneiro de 2021 en Wayback Machine. (en castelán)
- Web oficial do programa de Cuatro Reforma Sorpresa (en castelán)
This article uses material from the Wikipedia Galego article Nuria Roca, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.