Número Irracional

É dicir, un número irracional non pode expresarse da forma a/b sendo a e b enteiros.

Os números irracionais caracterízanse por posuír infinitas cifras decimais que non seguen ningún patrón repetitivo. Os máis célebres números irracionais son identificados mediante símbolos. Algúns destes son:

• π (pi): relación entre o perímetro dunha circunferencia e o seu diámetro.
• e: :${\displaystyle e=\lim _{x\to \infty }\left(1+{\frac {1}{x}}\right)^{x}}$
• ${\displaystyle \Phi }$ (Número áureo):${\displaystyle ={\frac {1+{\sqrt {5}}}{2}}}$

Un exemplo destes números irracionais é a raíz cadrada de 2. Para comprobalo podemos partir inicialmente de que a raíz cadrada de 2 si pode ser un número racional.

${\displaystyle {\sqrt {2}}={\frac {m}{n}}}$ 

Iso significaría que m e n non teñen factores comúns, porque se non, poderiamos simplificar esa fracción ata atopar un factor común. Se elevamos os dous termos da ecuación ao cadrado temos

${\displaystyle 2={\frac {m^{2}}{n^{2}}}}$ 

Aquí podemos deducir que m é un número par, porque dado que ${\displaystyle n^{2}\times 2=m^{2}}$  , m sempre será par ao proceder dun produto de 2.

Polo tanto, se m é par podemos expresalo como m=2k. E se elevamos isto ao cadrado temos que

${\displaystyle m^{2}=4k^{2}}$ 

Ou o que é o mesmo

${\displaystyle 2n^{2}=4k^{2}\rightarrow n^{2}=2k^{2}}$ 

Co que chegamos á conclusión de que n tamén é par. Pero iso non é posible, porque levaría a que m e n tivesen un factor común, e iso descartámolo ao comezo. Esta reductio ad absurdum é a que nos indica que as nosas premisas eran erróneas e que ${\displaystyle {\sqrt {2}}}$  non pode ser racional.

De especial relevancia son os chamados números transcendentes, que non poden ser solución de ningunha ecuación alxébrica. Por exemplo, o número áureo é unha das raíces da ecuación ${\displaystyle x^{2}-x-1=0}$ , polo que non é un número transcendente. Pola contra, pi e e si son transcendentes.

Os números irracionais non son numerables ou contables, é dicir que entre dous irracionais calquera existen infinitos números irracionais. Por extensión os números reais tampouco son contables xa que inclúen o conxunto dos irracionais.

Outros artigos

• Número.
• Matemáticas.
• Xerardo de Cremona.