Para o artigo sobre a aldea, véxase Moral, Noceda, As Nogais
A moral (do latín mos, mores, "costumes") é un conxunto de normas que se consideran boas ligadas ao comportamento das persoas en tanto que son membros dunha sociedade, relixión, cultura etc. A moral é unha forma de comportamento humano que comprende un aspecto normativo (unhas regras de conduta) e un aspecto fáctico (actos que veñen de axustarse nun sentido ou noutro a devanditas regras).
A moral ten unha dobre vertente, social e individual. É social porque só se dá en comunidade, xa que depende dunhas necesidades sociais e cumpre unha función social. É individual porque as persoas interiorizan as normas recibidas e manteñen un certo grao de adhesión (e rexeitamento) ás normas establecidas e sancionadas pola comunidade.
Un acto moral é a manifestación concreta do comportamento moral dos individuos. Ten carácter consciente e voluntario e supón unha participación libre do individuo na súa realización.
Unha acción é moral cando pode ser clasificada como boa ou mala, como correcta ou incorrecta.
As áreas cerebrais que están implicadas constantemente cando os humanos razoan sobre cuestións morais foron investigadas mediante múltiples metaanálises cuantitativas a grande escala dos cambios na actividade cerebral informados na literatura de neurociencia moral. A rede neuronal subxacente ás decisións morais solápase coa rede relativa á representación das intencións dos demais (é dicir, a teoría da mente) e a rede relacionada coa representación doutros experimentados) estados emocionais (é dicir, empatía). Isto apoia a noción de que o razoamento moral está relacionado tanto con ver as cousas desde o punto de vista doutras persoas como con comprender os sentimentos dos demais. Estes resultados proporcionan probas de que a rede neuronal que subxace ás decisións morais é probabelmente global (é dicir, pode que non exista un "módulo moral" no cerebro humano) e pode ser disociable en subsistemas cognitivos e afectivos.
Vexa a entrada do Galizionario acerca de Moral |
----
Este artigo sobre filosofía é, polo de agora, só un bosquexo. Traballa nel para axudar a contribuír a que a Galipedia mellore e medre. Existen igualmente outros artigos relacionados con este tema nos que tamén podes contribuír. |
This article uses material from the Wikipedia Galego article Moral, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.