Melissa Mccarthy: Actriz, cómica, escritora, deseñadora de moda e produtora estadounidense

Melissa McCarthy

(2018)
Biografía
Nacemento	(en) Melissa Ann McCarthy 26 de agosto de 1970 (53 anos) Plainfield, Estados Unidos de América (pt)
Datos persoais
Residencia	Os Ánxeles
País de nacionalidade	Estados Unidos de América
Educación	Joliet Catholic Academy (en) Southern Illinois University (en) Southern Illinois University Carbondale (en)
Altura	1,57 m
Actividade
Campo de traballo	Actuación cinematográfica
Ocupación	actriz , actriz de cinema , actriz de televisión , actriz de teatro , actriz de dobraxe , deseñador de moda , escritora , produtora , produtora de televisión , humorista , guionista , director de televisión
Período de actividade	1997 -
Lingua	Lingua inglesa
Familia
Cónxuxe	Ben Falcone (2005–)
Fillos	Vivian Falcone (en) , Georgette Falcone (en)
Parentes	Jenny McCarthy-Wahlberg (pt) (curmá entregue) Joanne McCarthy (en) (curmá entregue)
Premios (2018)  Framboesa de Ouro de pior atriz (pt) , premiado polo traballo The Happytime Murders (pt) , Life of the Party (2018) (pt) (2018)  The Razzie Redeemer Award (en) , premiado polo traballo Can You Ever Forgive Me? (pt) (2017)  Emmy do Primetime para melhor atriz convidada numa série de comédia (pt) , premiado polo traballo Saturday Night Live (2016)  MTV Comedic Genius Award (en) (2012)  vencedores do MTV Movie Award de melhor comediante (pt) , premiado polo traballo Bridesmaids (2011)  Emmy do Primetime para melhor atriz numa série de comédia (pt) , premiado polo traballo Mike & Molly (pt)  estrela no Paseo da Fama de Hollywood

Comezou a aparecer na televisión e no cinema a finais da década de 1990, e gañou recoñecemento polo seu papel como Sookie St. James na serie de televisión Gilmore Girls (2000–07). Entre 2007 e 2009, interpretou a Dena na telecomedia de ABC Samantha Who? antes de ser escollida como Molly Flynn na sitcom de CBS Mike & Molly (2010–16), papel que lle valeu un Emmy á mellor actriz nunha serie de comedia, así como outras dúas candidaturas nas temporadas seguintes. Tamén foi candidata en cinco ocasións (2012, 2013, 2014, 2016 e 2017) ao Emmy como actriz convidada de comedia polas súas aparicións como presentadora en Saturday Night Live, gañando o premio en 2017.

McCarthy logrou recoñecemento xeral e aclamación da crítica pola súa interpretación na comedia Bridesmaids (2011); por ese traballo recibiu candidaturas ao Óscar como mellor actriz secundaria, aos premio BAFTA e aos Premios do Sindicato de Actores. En 2013, coprotagonizou as comedias Identity Thief e The Heat. Apareceu en papeis secundarios, incluídos The Nines (2007), The Back-up Plan (2010), Así é a vida (2010), This Is 40 (2012) e Resacón 3 (2013). En 2014, McCarthy protagonizou a comedia Tammy e a comedia dramática St. Vincent. En 2015, encabezou a comedia de acción Spy, pola que recibiu unha candidatura ao Globo de Ouro á mellor actriz de comedia ou musical.

McCarthy e o seu esposo Ben Falcone fundaron On the Day, unha compañía de produción. En 2015, recibiu unha estrela no Paseo da Fama de Hollywood, lanzou a súa propia liña de roupa, Melissa McCarthy Seven7, e foi declarada a terceira actriz mellor pagada do mundo por Forbes. En 2016, Forbes nomeouna como a segunda actriz mellor pagada do mundo, con ganancias de 33 millóns de dólares.

McCarthy casou co seu mozo, Ben Falcone, actor e alumno de The Groundlings, o 8 de outubro de 2005. A parella ten dúas fillas, Vivian, nada en maio de 2007, e Georgette, nada en marzo de 2010. O primeiro embarazo de McCarthy foi incluído na última temporada de Gilmore Girls. Vivian e Georgette apareceron no filme de 2016 The Boss, en que a primeira interpretaba unha versión nova da personaxe da súa nai. Falcone e McCarthy expresaron o desexo de que as súas fillas se centrase na súa educación e procurasen unha carreira profesional na interpretación posteriormente.

Falcone fixo aparicións en filmes e series de televisión de McCarthy, como a terceira temporada de Gilmore Girls, The Nines, Bridesmaids, The Heat, Tammy, Identity Thief, Spy, The Boss, Life of the Party, The Happytime Murders e Can You Ever Forgive Me?.

Dende o principio de Mike & Molly, McCarthy perdeu aproximadamente uns 35 kg. Considera que a perda de peso se debeu a unha dieta alta en proteínas e baixa en carbohidratos, exercicio regular e unha "vida superaburrida" que inclúe ir á cama ás 7:30 p.m.

McCarthy é prima da actriz, modelo e presentadora Jenny McCarthy.

Wiki Commons ten máis contidos multimedia na categoría:  Melissa McCarthy

Ligazóns externas

• Páxina oficial
• Melissa McCarthy en Emmys.com