A fase final da competición deu inicio en setembro de 2007, con 32 equipos competindo polo trofeo que defendía o AC Milán, trala súa vitoria na edición 2006-07. O campión final do torneo foi Manchester United, despois de derrotar ao Chelsea FC nos penaltis, na primeira final totalmente inglesa, que se disputou o 21 de maio no Estadio Luzhniki de Moscova. Para o equipo da cidade de Manchester supuxo a súa terceira conquista da máxima competición europea.
A final da edición 2007-08 da Liga de Campións da UEFA disputouse o 21 de maio de 2008, no Estadio Luzhniki de Moscova diante de 67.310 persoas. Nela enfrontáronse por vez primeira dous equipos ingleses, o Manchester United e o Chelsea FC. O Manchester United tentaba acada-lo seu 3º título de campión continental, mentres que o Chelsea FC xogaba a súa primeira final da máxima competición europea.
O encontro estivo dominado polo Manchester United, que tivo a posesión do balón o 58% do tempo, por un 42% do Chelsea FC. O portugués Cristiano Ronaldo abriu o marcador no minuto 26 a prol do Manchester United, e Frank Lampard igualou o encontro nos derradeiros intres da primeira metade. Despois do descanso non houbo mais goles, e o encontro foise á prórroga, na cal tampouco se moveu o taboleiro. Deste xeito, houbo que decidi-lo campión dende o punto de penalti.
This article uses material from the Wikipedia Galego article Liga de Campións da UEFA 2007-08, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.