Julie Andrews: Actriz e cantante británica
Julia Elizabeth Wells, nada en Walton-on-Thames (Surrey) en 1935, é unha actriz e cantante británica de nome artístico Julie Andrews.
É coñecida sobor de todo pola súa actuación en Mary Poppins (1964) e Sorrisos e lágrimas (1965).
Traxectoria
Andrews é filla dun actor e unha pianista. Comezou a actuar diante as tropas británicas na segunda guerra mundial, coa estrela infantil Petula Clark. En 1947 debutou como actriz de teatro, participando en musicais como The Boy Friend, My Fair Lady e Camelot.
Participou nas probas para o papel de protagonista do filme, My Fair Lady que finalmente protagonizou Audrey Hepburn. Como consolación déronlle o papel protagonista na versión musical de Mary Poppins (1964), pola que gañou o Óscar á mellor actriz, e o Grammy ao mellor disco para nenos por Mary Poppins. Nomeada doutra volta converteuse, brevemente, nunha das máis solicitadas estrelas de Hollywood. Como resultado apareceu en filmes como Hawaii con Max von Sydow, Cortina esgazada de Alfred Hitchcock (1966) e Millie, unha rapaza moderna (1967).
A súa participación en Star! (1968) e Darling Lili, con Rock Hudson (1970), danaron a súa carreira, aínda que seguiu a protagonizar filmes ata os anos 80, destacan en especial 10, a muller perfecta, Vítor ou Vitoria, e S.O.B., realizados polo seu home, Blake Edwards.
No ano 2001 volveu ao cine con The Princess Diaries de George Marshall.
Julie escribiu libros para nenos co pseudónimo de Julie Andrews Edwards. O máis coñecido é The Last of the Really Great Whangdoodles.
Filmografía
- Mary Poppins (1964)
- The Americanization of Emily (1964)
- Salzburg Sight and Sound (1965)
- Sorrisos e lágrimas (1965)
- Cortina esgazada (1966)
- Hawaii (1966)
- Think Twentieth (1967)
- Millie, unha rapaza moderna (1967)
- The Singing Princess (1967) (voz)
- Star! (1968)
- Darling Lili (1970)
- The Moviemakers (1971)
- The Tamarind Seed (1974)
- 10, a muller perfecta (1979)
- Little Miss Marker (1980)
- S.O.B. (1981)
- Vítor ou Vitoria (1982)
- Trail of the Pink Panther (1982)
- The Man Who Loved Women (1983)
- Así é a vida (1986)
- Duet for One (1986)
- A Fine Romance (1991)
- Relative Values (2000)
- The Princess Diaries (2001)
- Unconditional Love (2002)
- Shrek 2 (2004) (voz)
- The Princess Diaries 2: Royal Engagement (2004)
- Despicable Me (2010) (voz)
This article uses material from the Wikipedia Galego article Julie Andrews, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.